Kulusas 1:22 - Manobo Ata

²² Di kuntoon, nigpoul-ulioy kow on to goinawa now dio to Magboboot su ka pogkamatoy ni Hisus ka inhusoy to Magboboot kaniu. No sikan ian no nigmaawang on ka goinawa now kandin su oyow uromo no og-alapon kow ni Hisus dio to tangkaan to Magboboot, ogpakasasindog kow dio to tangkaan din to waro salo now woy to waro igkoogot din kaniu.

Kulusas 1:22 Iomraidhean Croise

Lukas 1:75

oyow ogkohimu ki no matuwarong dio to tangkaan din, woy ogtuman ki to tibo no igsugu din kanta tag sagboka.”

Ruma 7:4

Nò, mgo sulod, ka sikan, ogkounawa rod kanta su ko namatoy si Hisu Kristu no nigtobus to salo ta, nounawa to nakalagkos kinow on to kandin no pogkamatoy. Ligkat to sikan, naawo kinow on to katondanan to Balaod no inggalat ni Moisis oyow ogkohimu kinow on no sakup ni Kristu no nouyag on to kamatayon din. No ian to nohimu ka sikan su oyow ogkohimu no ogpakatuman kinow on to mgo koiniatan to Magboboot.

2 Kurintu 11:2

Ogpakapanalikud a kaniu no ogpakadalong a to dakol no goinawa to Magboboot kaniu. Ian su inat to ogpakasuwoy kow on to sikan no matul-id no dalan no oghondio ki Hisus su ian now ogkounawaan ka dalaga no waro pad mabuingi no nigpanakinan kud on. No si Hisus ka ogpurut kaniu.

2 Kurintu 4:14

Ian su nataga koy no, ka Magboboot no ian nig-uyag ki Hisus ligkat to kamatayon din, songo og-uyag kanta oyow sikaniu woy sikanami, ogpokogdumaruma kinow ko og-alapon kinow rin dio to kandin woy dio ki Hisus.

2 Kurintu 5:18

Ka Magboboot ka nighimu to tibo to sikan su ligkat to nighimu ni Hisus, ka Magboboot ka nigpoul-ulioy on to goinawa ta kandin. No nigbogayan koy rin to katondanan oyow ogpakanangonnangon koy to duma no mgo otow oyow ogkohimu no songo ogpoul-ulioy on ka goinawa ran to Magboboot.

Episu 1:4

Dongan no waro pad nohimu ka soini no kalibutan, nig-alam kinow on to Magboboot oyow ogkohimu kinow on no mgo sakup din ligkat to ogkasagboka kinow ki Hisu Kristu. Ian su tuud din to oyow ogmaroyow kinow on dio to tangkaan din no waro igkoogot din kanta.

Episu 5:27

No ian su og-awoson ni Hisus to malinis ka tibo ka goinawa ta to oyow ogmaroyow ro ka pogpitow rin kanta su warad on ka agad nokoy no maroot dio to goinawa ta.

Kulusas 1:28

Sikan ian to si Kristu ka ignangonnangon noy dio to agad hontow otawa. No ligkat to tibo no katouanan noy, igbohog noy woy ig-anad noy to kandan. Ian su oyow uromo, ogkaalap noy sikandan dio to tangkaan to Magboboot no ogkakitaan on to natibulus on ka tag sagboka no goinawa ran dio ki Kristu.

1 Tisalunika 4:7

Ian su, ko nig-abin ki to Magboboot, noiniat sikandin to oyow ogmaroyow tibo ka batasan ta. Kono din ogkoiniat ko ogmaroot do ka mgo batasan ta.

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

Hibriu 10:10

Nò, su nigtuman on ni Hisu Kristu ka sikan noiniatan to Magboboot, naawo on ka mgo salo ta woy naayun on ka goinawa ta dio to Magboboot su ligkat to lawa ni Hisu Kristu no ingkatubad din to sikan no sagboka ro no namatoy no igliwan kanta. No kono og-awoson no ogkohutuk.

Hibriu 10:20

Pighimu rin ka iam no dalan no dio to kandin oyow ogkabogayan ki to kouyagan no waro katamanan. No naawo on ka nakaatang kanta oyow ogpakarani kid on to Magboboot. Ian su, to pogkamatoy ni Hisus, ka lawa rin ka in-awo to sikan no nokoolot kanta to Magboboot.

Hibriu 13:21

Sikan ian to og-ampu a to oyow ka Magboboot, no ian ligkatan to maawang no goinawa ta, ogbogoy kaniu to tibo no og-awoson now to oyow ogpakatuman kow to mgo igsugu din. Woy songo og-ampu a to oyow ligkat ki Hisu Kristu, ogpokohimu kow to ogkoiniatan din. Nò, ogsayoon ta sikandin taman to taman. Hoo ian.

1 Pedro 3:18

Ian su nigpakimatoy si Kristu to kasagboka ro oyow ogkapasayluan kinow on to mgo salo ta. Si Hisus ka waro salo no nigpakimatoy oyow ogliwan kanta no duon salo. No ian oyow ogkohimu kinow on no sakup to Magboboot. Ko nigpakimatoy si Hisus, ka lawa rin namatoy, di ka gimukud din, waro mamatoy.

2 Pedro 3:14

Sikan ian mgo sulod, tagood to ogtatagad ki to sikan no allow, og-ayad-ayad kinow oyow maroyow tibo ka oghimuon ta. Ian su og-awoson to waro solug no maroot no ogkitoon to Magboboot dio to batasan ta woy to oyow ogmaawang doka goinawa ta tibo.

Hudas 1:24

Ogsayoon ta ka Magboboot no ian doka tu-tuu ian no Magboboot woy ka Talagpangabang kanta su ligkat to nighimu ni Hisu Kristu no ian Lagboy no Igbuyag ta. Sikandin dod ka ogkatou no ogbulig kanta oyow kono ki ogkaayat to ogpakasalo. No uromo, sikandin dod ka ogpasasindog kanta dio to tangkaan din to waro igkoogot din kanta. No sikan ian to dakol ka igkarago ta. Nò, ligkat to waro pad nohimu ka soini no kalibutan, woy kuntoon taman to waro katamanan, ka Magboboot ka litos no ogkasayo to tibo su waro ogpakasokod kandin, woy sikandin ka lagboy no mabogbog no ogpakaampow to tibo, woy sikandin dod ka igbuyag to tibo. Hoo ian.