Kulusas 1:2 - Manobo Ata

² Ka soini no sulat, igpaalap noy dio to lunsud to Kulusas dio to kaniu no mgo sulod noy to pogtuu woy masalig ka goinawa now ki Kristu. Ogbuyuon noy ka Amoy ta no ka Magboboot oyow ogkohoy-uan kow woy to oyow ogkabogayan kow rin to maawang no pog-ugpo now.

Kulusas 1:2 Iomraidhean Croise

Hinimuan 9:13

Kagi ni Ananias, “Buyag, mohon–ing ka ogdinogon ku no mgo maroot no nighimu to sikan no otow no nigbayadbayad to mgo otow no nigtuu koykow no dio to Hirusalim.

Ruma 1:7

Sikan ian no nigsulatan ku sikaniu tibo no dio to lunsud to Ruma no indakoli to Magboboot to goinawa lagkos to nohimu kow on no sakup din. Ogbuyu a kaniu to Magboboot woy ka Lagboy no Igbuyag ta no si Hisu Kristu oyow ogkohoy-uan kow woy ogbogayan kow to maawang no pog-ugpo now.

1 Kurintu 1:2

No ka soini no sulat igpaalap noy kaniu no sampangan to mgo otow no ogtuu kandin no og-ugpo dio to lunsud to Kurintu. Sikaniu, nig-indanan kow on to Magboboot su ligkat to nasagboka kow on ki Hisu Kristu. No to pog-abin din kaniu, nakalagkos kow on to tibo no mgo otow dio to agad hondoi no ogsampit to ngaran to Lagboy no Igbuyag ta no si Hisu Kristu no ian Lagboy no Igbuyag to tibo no mgo otow no og-ampu kandin.

1 Kurintu 4:17

Sikan ian to nigsugu ku si Timoteo dio to kaniu oyow ogkounugan now ka batasan ku. Si Timoteo ka ogkasaligan ku woy indakoli ku to goinawa woy anak ku to pogtuu ta to Lagboy no Igbuyag ta. Sikandin ka ogparoromdom kaniu to batasan ku woy ka pog-ugpo ku no oglitos to oghimuon ta ko nigtuu kid on ki Hisu Kristu. Ogkounawa rod ka ig-anad ku dio to agad hondoi no ogpakalimudlimud ka mgo otow to og-ampu ki Hisus.

Galasia 1:3

Ogbuyu ad to oyow ogkabogayan kow to maawang no goinawa woy to oyow ogkohoy-uan kow to Magboboot no ian Amoy ta. Woy songo ogbuyu a to oyow ogkohoy-uan kow rod ni Hisu Kristu no ian Lagboy no Igbuyag ta.

Galasia 3:9

Nò, su nigtuu si Abraham, ka mgo otow no songo ogtuu, songo ogpakalagkos to pogkohoy-u to Magboboot ki Abraham.

Episu 1:1

Ka soini no sulat, nigligkat kanak no si Pablo. Nohimu a no suguanon ni Hisu Kristu su sikan ka imboot to Magboboot kanak. Ogsulatan ku sikaniu no dio to lunsud to Episu no nigtuu ki Hisu Kristu woy ogkasaligan to ogpaagad-agad to mgo sugu din kaniu.

Episu 6:21

Si Tikiku, indakoli ta to goinawa no patalasulod tanow to pogtuu ta to Lagboy no Igbuyag ta no si Hisus woy masalig no suguanon din to og-alap-alap to nangnangonon din. No ognangonan kow ni Tikiku to tibo no ingkabayo ku kai to oyow ogkataga kow ko ogkoomonu a kai woy ko nokoy ka oghimuon ku.

Pilipus 1:1

Sikanak no si Pablo woy si Timoteo no mgo suguanon ni Hisu Kristu, ogsusulat koy kaniu no mgo otow no nigtuu kandin no dio to lunsud to Pilipus. Woy iglagkos noy to ogsulat ka mgo igbuyag now to pog-alap to pogtuu now woy ka mgo talabulig dan.

1 Pedro 1:2

Tahan kow on no naabin to Amoy tanow no ka Magboboot su sikan ka tuud din dongan to oghimuon kow rin no maroyow dio to tangkaan din no ogligkat to oghimuon to Gimukud to Magboboot. Ian su oyow ogkohimu no ogpaagad-agad kow on ki Hisu Kristu woy ogkapasayluan on ka mgo salo now ligkat to nigpamilikpilikan kow on to langosa rin to namatoy on tongod kanta. Ogbuyu a to oyow ungod kow ogkohoy-uan woy ogkabogayan to maawang no goinawa no ligkat to Magboboot.

2 Pedro 1:2

Maroyow ko ungod kow ogkohoy-uan to Magboboot woy ogtimulan kow rin to maawang no goinawa no igbogoy rin ligkat to nakasabut kow kandin woy ki Hisus no Lagboy no Igbuyag ta.

Hudas 1:2

Og-ampu a no ogbuyu to Magboboot oyow ungod kow rin ogkohoy-uan woy to oyow ogkabogayan kow rin to maawang no goinawa now. Woy og-ampu a oyow ogkataga kow to dakol ian ka goinawa rin kaniu.

Impapitow 1:4

Kanak no si Huan, ogsulatan ku ka mgo otow no nigtuu to Magboboot no dio to sikan no papitu no mgo lunsud dio to probinsia to Asia. Ogbuyu a to Magboboot oyow ogkohoy-uan kow rin woy to oyow ogkabogayan kow to maawang no goinawa no ogligkat kandin woy to Gimukud din woy ki Hisu Kristu. Agad dongan, woy kuntoon taman to waro katamanan, sikandin do ian ka Magboboot. No ka Gimukud din no ungod og-ugpo dio to tangkaan din, papitu ka igpohitaga to kabogbogan din. Si Hisu Kristu, ian ka ogkasaligan ta to ogmalogot to ignangonnangon din. No sikandin ka an-anayan no ligkat to kamatayon no nouyag on to waro katamanan. Woy sikandin dod ka ogpakaboot to tibo no mgo labow no datu no kai to soini no tano. Dakol ka goinawa rin kanta su niglipuwasan ki nikandin to mgo salo tanow su ligkat to pogkamatoy rin dio to krus.