Kulusas 1:19 - Manobo Ata

¹⁹ Ian su noiniatan to Amoy rin no ka Magboboot to, ko nokoy ka duon to Amoy, sikan dod lagboy ka duon to Anak din no si Hisus.

Kulusas 1:19 Iomraidhean Croise

Lukas 10:21

Ka sikan no allow, nabogayan si Hisus to igkarago din no nigpuun to Gimukud to Magboboot, no kagi rin, “Amoy ku no Magboboot dio to Langit woy kai to tano, ogpasalamatan ku sikoykow su ka soini no inholos nud dongan dio to duon natouanan dan, ian nu ro pasabuta ka mgo otow no molintok do bag so natouan dan. Hoo, Amoy ku, su sikan ian ka pogboot nu no igkoiniat nu.”

Huan 1:16

No, ogligkat to kandin no dakol no kohoy-u kanta, waro ogtamanan to igpulusi din kanta tibo.

Huan 3:34

Sikandin so pigsugu to Magboboot no si Hisu Kristu, ko nokoy ka kagi to Magboboot sikan dod ka ignangon din kanta su waro katamanan no imbogoy kandin to Gimukud to Magboboot.

1 Kurintu 1:21

Ian su dakoldakol ka katouanan to Magboboot, no sikan ian ka nigboot sikandin to oyow waro otow no ogpakataga to kandin ko dio do ogligkat to kandan do no katouanan. Di agad ko duon mgo otow no nahan dan no waro pulus, noiniatan atag to Magboboot to oyow ian ogkapangabangan ka mgo otow no ogtuu on to soini no ignangonnangon noy tongod ki Hisu Kristu.

Episu 1:23

No sikantanow no nigtuu kandin, ogkounawa ki ro to lawa ni Hisus. No ogkatibulus ka tibo no tuud din kai to kanta. No sikandin ka ogtibulus to agad hondoi no dio to Langit woy ka kai to tano.

Episu 1:3

Ogpasalamatan tanow ka Magboboot no ian Magboboot woy Amoy to Lagboy no Igbuyag ta no si Hisu Kristu su ligkat to nasagboka kinow on ki Kristu, nohoy-uan kinow on to Magboboot. Ian su dio to Langit, nigbogayan kinow rin to tibo no karoyawon no ogligkat to Gimukud din.

Episu 1:5

No su dakol ka goinawa to Magboboot kanta, tahan on no nigboot sikandin to oyow ogkohimu kinow on no anak din ligkat to nighimu ni Hisu Kristu. Sikan ian ka tuud din woy ka ogkoiniatan din.

Episu 4:10

Woy natagaan ta to si Hisus ka nighondii to tano no sikandin dod ka nighondio to liu pad to langit oyow ogkatibulus on dio to kandin ka tibo no katondanan no dio to Langit woy kai to tano.

Kulusas 2:3

Si Hisus do ian ka ogpakabogoy to tu-tuu ian no katouanan ta woy ka tu-tuu ian no ogkasabutan ta.

Kulusas 2:9

Ian su si Kristu, nohimu on no otow no duon lawa rin. Di ka tibo no duon to Magboboot, songo sikan dod lagboy ka duon to kandin.

Kulusas 3:11

Sikan ian, agad Hudiu woy ko kono no Hudiu, waro og-umalagon ta no otow. Ian su to tangkaan to Magboboot, ka nigpatuli woy ka waro nigpatuli, ogkounawa ro. Songo og-uunawa ro ka goinawa rin to sikan no duon natouan woy ko waro natouan, ka uripon woy ka waro mouripon. Ian su sikanta no nig-iam on to Magboboot, waro ogpakalabow. Ian do ogpakalabow, si Kristu. No sikandin ka dio to taliwaro ta tibo no nigpasakup kandin.