Kulusas 1:14 - Manobo Ata

¹⁴ Sikandin ka nigbalukas kantanow woy nigpasaylu kid on nikandin ka makasasalo.

Kulusas 1:14 Iomraidhean Croise

Matiu 20:28

Ian oyow ogkounawa kow koddi no Kakoy to koot-otawan kai to kalibutan to waro a nighondii oyow koddi ka ogpangabangan to mgo otow, di nighondii a oyow ogpakapangabang a kandan woy koddi ka ogpakapangabang to mohon-ing no mgo otow pinabayo to kamatayon ku.”

Lukas 5:20

Pogsabut ni Hisus to dakol ka pogtuu ran kandin, kagi rin to sikan no lukos no kono oggoram to lawa rin to, “Usi, napasaylu on ka salo nu.”

Hinimuan 10:43

Agad ka mgo talagnangon to kagi to Magboboot, songo ogpakamalogot to soini su impanoy ran ingkanangon tongod ki Hisus ka nigkagi ran to, ‘Agad hontow no ogtuu kandin, ogkaawo on ka salo dan su nigtuu on to ngaran din,’ ” kagi ni Pedro.

Hinimuan 2:38

Nigtabak si Pedro kandan to, “Og–awoson no tag sagboka kaniu, ogsonditan now woy og-ongkoran now on ka mgo batasan now no maroot woy ogpabautismuan kow on to ngaran ni Hisu Kristu. No og–awoon din on ka mgo salo now woy ogbogayan kow on to Gimukud to Magboboot.

Hinimuan 20:28

Nò, sikaniu no mgo pogbuyagon, tantanuri now ka pogtuu now woy ka pogtuu to mgo sakup to Magboboot, su ka Gimukud din ka nighimu kaniu no mgo talagbantoy to mgo otow no nohimu on no sakup din no ian napurut din su ligkat to langosa to Anak din lagboy no si Hisus.

Hinimuan 26:18

Ian su oyow ogkabat–awan nu ka pogdoromdom dan oyow oghalin on ka goinawa ran dio to Magboboot no ogkoongkoran dan on ka marusilom woy ogkaawo on sikandan to katondanan ni Satanas. Ian su oyow, ligkat to pogtuu ran kanak, ogkapasayluan ka mgo salo dan woy ogpakaamut to mgo otow no nig–alam to Magboboot no mgo sakup din,’ kagi ni Hisus kanak.

1 Kurintu 1:30

Sikandin ka ligkatan to kouyagan ta no nigligkat to nasagboka kinow on ki Hisu Kristu. No ka Magboboot dod ka nigboot to si Hisus ka ogligkatan to katouanan ta, woy to sikandin dod ka oghimu kanta no maroyow dio to tangkaan din. Woy sikandin ka ligkatan to ogkaayun on ka goinawa ta kandin su sikandin ka nigbalukas kanta no makasasalo.

Galasia 3:13

Di si Kristu ka nigbalukas kanta oyow kono kid on ogkalogparan no ogligkat to waro ki makatuman to sikan no Balaod su sikandin on ka nigparorologan to Magboboot to sikan no igtungayow poron kanta. Ian su duon soini no impasulat to Magboboot dongan no nigkagi to, “Ko duon otow no ogbobootan to ogkamatoy no ogbitayon to kayu, ian ka igpatokod to niglogparan on sikandin to Magboboot.”

Episu 1:7

Ka langosa ni Hisu Kristu to pogkamatoy rin ka imbalukas din kanta, no nigpasaylu on ka mgo salo ta. Dakol lagboy ka sikan no ingkohoy-u to Magboboot kanta,

Episu 4:32

Di og-awoson atag to ogmabulbuligoy woy to ogmakolkohoy-uoy kinow. Woy ogmoul-ulioy kinow to goinawa no ogkounawa ro to nigpasaylu kinow on to Magboboot su ligkat to nighimu ni Kristu kanta.

Episu 5:2

No to tibo no oghimuon ta, iglagkos ta to igdakoli ta ka duma ta to goinawa. Ian su og-awoson to ogkounawa kinow ki Kristu no songo indakoli ki to goinawa rin no imbogoy rin on ka kandin no lawa to oyow ogkohimatayan no igpangabang kanta. No ka sikan, ian ogkounawaan ka moomut no ogtutungon no igpanubad dio to Magboboot no igkarago din.

Kulusas 2:13

Nokani, nounawa kow to mgo nammatoy su waro kouyagan now no ligkat to Magboboot. Ian su duon pad mgo salo now woy maroot ka mgo batasan now su kono kow no Hudiu woy waro kow pad masakup to Balaod to Magboboot. Di kuntoon, nabogayan kow to kouyagan no waro katamanan ligkat to Magboboot. No ian ogkounawa to nigduma kow ki Hisu Kristu no nouyag on su nigpasayluan kinow on to Magboboot to tibo no salo ta.

Kulusas 3:13

Ogmalayaton ta ka goinawa ta to mgo duma ta. No ko duon igkabolu ta to agad hontow, og-awoson no ogpasayluon tad on sikandin unawa to nigpasaylu kinow on to Lagboy no Igbuyag ta no si Hisus.

1 Timoteo 2:6

no sikandin ka nigpakimatoy no igbalukas to mgo salo to tibo no mgo otow. No ligkat to sikan no nohimu to litos no allow, impamalogot din to ogkoiniatan din to ogkapangabangan ka tibo no mgo otow to mgo salo dan.

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

Hibriu 9:12

No ko nigbayo si Hisus to sikan no Doyroyawon no Sinabong, nigparagas on to nigsolod dio to sikan no Kinaroyawan no Sinabong no dio to Langit. Ka sagboka ro ka pogsolod din no waro din alapa ka langosa to mgo kambing woy ko nati to baka to igtubad din. Di ian din nig-alap atag no igtubad ka kandin lagboy no langosa no igbalukas to mgo salo to mgo otow taman to waro katamanan.

Hibriu 9:22

No tongod to sikan no Balaod, marani ogkatibo no ogkalinisan to langosa. No ko waro langosa no ogtulalug, kono ogkapasaylu ka mgo salo.

1 Pedro 3:18

Ian su nigpakimatoy si Kristu to kasagboka ro oyow ogkapasayluan kinow on to mgo salo ta. Si Hisus ka waro salo no nigpakimatoy oyow ogliwan kanta no duon salo. No ian oyow ogkohimu kinow on no sakup to Magboboot. Ko nigpakimatoy si Hisus, ka lawa rin namatoy, di ka gimukud din, waro mamatoy.

1 Huan 1:9

Di ko ignangon ta to Magboboot ka mgo salo ta, ogpasayluon din ka salo ta. Ian su maroyow ka Magboboot no ogkasaligan ta sikandin to og-awoon din on ka agad nokoy no maroot no nakatagu to goinawa ta.

1 Huan 2:12

Mgo anak, ogsulatan ku sikaniu su nigpasaylu kow on to mgo salo now su ligkat to nighimu ni Hisus.

1 Huan 2:2

Ka lawa rin ka inhusoy to mgo salo ta su namatoy on to krus oyow kono kid on ogkalogparan. Di ka nighimu rin, kono no litos to kanta ro no salo su litos to salo to tibo no mgo otow kai to ampow to tano.

Impapitow 14:4

Sikandan ka waro makasalo to poghilabot to kono no asawa ran su maroyow lagboy ka mgo batasan dan. Woy sikandan dod ka og-ungod ogdumaruma to Nati no Karniru dio to agad hondoi no ogdolog sikandin. No nigbalukasan ligkat to mgo otow dio to kalibutan. No ian dan ogkounawaan ka an-anayan no ogkagaani no bogas no igbogoy dio to Magboboot woy dio to sikan no Nati to Karniru.

Impapitow 5:9

No nig-oopad sikandan to iam no opparon no ognangon to, “Sikoykow ka litos no ogpurut to sikan no ogbasoon woy to ogloko to mgo imparokot din. Ian to sikoykow ka litos su namatoy kad on oyow ogbalukasan ka mgo otow to mgo salo dan oyow ogkasakup sikandan to Magboboot. Ka soini no mgo otow no balukasan nud, ogligkat sikandan to tibo no ogkaloinloin no mgo kapunganan woy to mgo kinagian, woy to mgo ugpaan woy dio to agad hondoi no mgo otawa.