Kulusas 1:12 - Manobo Ata

¹² Woy ogpasalamatan noy ka Amoy ta no dio to Langit su ian nigmaroyow kanta dio to tangkaan din. No ian to oyow uromo, oglitos on to ogkatalaran kid to karoyawan no igbogoy rin to mgo otow no nigpasakup kandin woy nabat-awan on ka doromdom dan.

Kulusas 1:12 Iomraidhean Croise

Matiu 25:34

Nò, sikoddi no Labow no Igbuyag, ognangonan ku ka mgo otow no kai to kawanan ku to, ‘Sikaniu ka nohoy-uan to Amoy ku no Magboboot, dini kow, solod kow kai to Pogsugu to Magboboot no impanagana rin, ligkat no nighimu ka kalibutan.

Huan 14:6

Kagi ni Hisus kuwo kandin, “Koddi ka dalan woy koddi ka kamalogotan, woy koddi ka ogligkatan to kouyagan now. Waro agad hontow no ogpokohondio to Amoy ku no Magboboot ko kono ogbayo koddi.

Huan 20:17

Kagi ni Hisus kuwo kandin to, “Kona a nu pa gongoni su wara a pad batuna dio to Magboboot no Amoy dio to langit. Oghondio ka pad to mgo sulod ta no nangoni nu sikandan to oghondio a pad to Amoy ku no songo Amoy now ian. Sikandin ka Magboboot ku woy sikandin ian ka Magboboot now.”

Huan 4:23

Di Igi, ogpokouma ka allow, no kai on ian no pinabayo to kabogbogan to Gimukud to Magboboot ka malogot no pog-ampu to mgo otow dio to Amoy no Magboboot. Unawa ian ka mgo otow no ogkoiniatan to Magboboot no Amoy no og-ampu kandin.

Hinimuan 20:32

Nò, kuntoon,” kagi ni Pablo, “ogpabuligan ku sikaniu to Magboboot woy to sikan no kinagian din no igpohitaga to sikan no dakol no igkohoy–u din kanta su ian ka ogpokohogot to pogtuu now woy ogpakabogoy kaniu to mgo karoyawon no igtagad to Magboboot to tibo no mgo otow no ogpasakup kandin.

Hinimuan 26:18

Ian su oyow ogkabat–awan nu ka pogdoromdom dan oyow oghalin on ka goinawa ran dio to Magboboot no ogkoongkoran dan on ka marusilom woy ogkaawo on sikandan to katondanan ni Satanas. Ian su oyow, ligkat to pogtuu ran kanak, ogkapasayluan ka mgo salo dan woy ogpakaamut to mgo otow no nig–alam to Magboboot no mgo sakup din,’ kagi ni Hisus kanak.

Ruma 11:17

Ka mgo pinanganak ni Israil, ian dod ogkounawaan ka songo kayu no ulibu no ingkapamula woy nigtantanuran to Magboboot. Di duon mgo Hudiu no nounawa to tahan no sugpang no pig-awo to Magboboot. Di sikaniu no kono no Hudiu no nigtuu on, ian now nounawaan ka kayu no ulibu no waro ikapamula di nigkuwo to Magboboot sikaniu no ingkasumpul kow rin on dio to sikan no an-anayan no ingkapamula no Ulibu. No ian to oyow songo ogkatalaran kow to karoyawon no ingkabogoy rin to duma no mgo sakup din no Hudiu.

Ruma 15:27

Kandan ian no goinawa to ogbulig, di litos ian su duon utang to goinawa ran to mgo Hudiu no nigtuu ki Hisus no dio to Hirusalim. Ian su ligkat kandan, ka mgo otow no kono no Hudiu, natalaran on to karoyawon no nigligkat to pogtuu ran to Magboboot. Sikan ian to og-awoson to, ka mgo otow no kono no Hudiu, songo ogbulig to mgo nigtuu no mgo Hudiu to ogkoiluan dan to pog-ugpo dan.

Ruma 8:17

No su nohimu kinow on no anak din, ogkabogayan kinow to mgo karoyawon no impanagana rin no igbogoy rin to mgo sakup din. No songo ogpakalagkos kinow ki Hisu Kristu no songo ogkabogayan ki to sikan no impanagana to Magboboot kandin. Ian su, ko ogpakalagkos kinow ki Hisu Kristu to igkabaybayari rin su ka igkabaybayari ta, ogligkat to nasakup kinow on nikandin, songo ogpakalagkos kinow rod to karoyawon no igbogoy to Magboboot kandin.

Ruma 9:23

No ian su songo noiniat din to oyow sikanta no ogkohoy-uan din, ogkatagaan ta ka dakol no karoyawon din no igbogoy rin kanta su impanagana kinow rin to oyow uromo, ogkouyag kinow on to waro katamanan.

1 Kurintu 8:6

Dokad di, sikantanow atag no nigtuu, sagboka ro ka tu-tuu ian no Magboboot no ian Amoy ta. Sikandin ka ogligkatan to tibo woy sikandin dod ka oghimuan ta to tibo no oghimuon ta. Woy sagboka ro ka Lagboy no Igbuyag ta no si Hisu Kristu. Sikandin ka pinohimu to tibo woy ligkat dod kandin, nabogayan kinow to iam no pogkouyag ta.

1 Kurintu 9:23

Sikan ian ka oghimuon ku oyow mohon-ing on ka ogtuu to sikan no Maroyow no Nangnangonon tongod ki Hisus woy to oyow songo ogkatalaran a to karoyawon no ogligkat to sikan ian no nangnangonon.

2 Kurintu 11:14

Di kono ki ogkabolongbolong to sikan, mgo sulod, su agad si Satanas, songo kuwo ko ogpoiling-iling sikandin to diwata to Magboboot.

2 Kurintu 5:5

Ka Magboboot, ian ka nigpanagana kanta to oyow ogkabogayan ki to sikan no iam no lawa ta. No sikandin dod ka nigbogoy kanta to Gimukud din no igmalogot to ogkatuman on uromo ka sikan no og-im-imanan ta.

Episu 1:11

No to tibo no oghimuon to Magboboot, ogtumanon ka tuud din woy ka ogkoiniatan din. No su tuud din, sikanami no an-anayan no nigtuu, impanoy koy rin nig-abin to oyow ogkohimu koy on no sakup din no ogkasagboka on ki Kristu. Ka sikan, tahan no imboot to Magboboot ligkat dongan. No ka tuud din to oyow ligkat kanami, ogkasayo ka Magboboot no ian mabogbog.

Episu 1:18

Ogbuyu a kandin to oyow ogkapulasan on ka pogdoromdom now oyow ogkatagaan now on ian ka tibo no ogkoim-imanan tanow su nohimu kinow on no mgo sakup din. Woy ogbuyu a to oyow ogkatagaan now ian lagboy ka sikan no karoyawon no insabut to Magboboot no igbogoy rin uromo to mgo sakup din.

Episu 2:18

Ligkat to nasagboka kinow on ki Kristu, sikanami no Hudiu woy sikaniu no kono no Hudiu, nakarani kinow on to Amoy ta no ian Magboboot. No ian su sagboka ro ian ka Gimukud to Magboboot ka og-alagad kanta dio to tangkaan din.

Episu 3:6

Soini ka igpohitaga rin no tuud din no dongan no ingkoholos. Sikaniu no kono no Hudiu, ligkat to nigtuu kow to Maroyow no Nangnangonon tongod ki Hisu Kristu, songo ogkabogayan kow to mgo karoyawon no igbogoy to Magboboot dio to mgo sakup din no mgo Hudiu. Woy songo nohimu kow on no sumpul to sikan no lawa ni Hisu Kristu. Woy songo ogkabogayan kow to tibo no innangon to Magboboot no igbogoy rin to mgo sakup din su ligkat to nasagboka kow on ki Hisu Kristu.

Episu 4:6

Sagboka ro ka Magboboot no ian Amoy tanow. Sikandin ka ogboboot kanta tibo. Woy duon sikandin to solod to tibo no goinawa ta no nigtuu kandin. Woy sikandin dod ka ogbulig kanta to ogtumanon ta ka tibo no igpohimu rin.

Episu 5:11

Di tongod to mgo batasan no waro pulus no oghimuon to mgo otow no dio dod to kausiloman, kono tad og-unugon. Di igpapitow ta atag to maroot ian ka sikan no mgo batasan.

Episu 5:20

No agad nokoy ka ogkabayaan ta, ungod ta ogpasalamatan ka Amoy tanow no ka Magboboot. No og-awoson to, ka pogpasalamat ta, ogligkat to pogsalig ta to ngaran to Lagboy no Igbuyag ta no si Hisu Kristu.

Episu 5:4

Woy kono ki ogkagi to ogpakaligsom woy ka liagan no maroot, woy ka waro pulus no kinagian su kono no litos ta. Di ogpasalamatan ta atag ka Magboboot.

Episu 5:8

Ian su nokani, nig-ugpo ki pad to kausiloman. Di kuntoon, duon kid on to kaawangan su nohimu kid on no mgo sakup to Lagboy no Igbuyag ta no si Hisus. Sikan ian to og-awoson to ogmaroyawon ta mgo batasan ta oyow oglitos ka poghipanow ta dio to dalan to Magboboot no maawang.

Kulusas 2:2

Woy ogpoomotan ku ka oghimuon ku su oyow ogkabuligan ka goinawa now. No ka sikan, ogligkat to ogkasagboka kow su ogmarakdakoloy kow to goinawa. No ian ogkohimu ka sikan su oyow ogkasabutan now on ian lagboy ka sikan no ingkaanad kaniu tongod ki Kristu. Sikan ian ka ingkoholos nokani no impohitaga on to Magboboot kanta.

Kulusas 3:15

Woy to tibo no oghimuon ta, og-awoson to ogtuuran ta oyow ka maawang no goinawa ta no ogligkat ki Kristu, ogdakol dio to goinawa ta. Ian su ka tuud to nohimu ki no lawa rin su oyow ogkasagboka on ka goinawa ta. Woy ungod ta ogpasalamati ka Magboboot.

Kulusas 3:17

Agad nokoy ka oghimuon ta woy ko ogkagion ta, ogdoromdomon ta ko oglitos to in-anad to Lagboy no Igbuyag ta no si Hisus. Woy iglagkos ta ka dakol no pogpasalamat ta to Magboboot no ligkat to nasagboka kinow on ki Hisus.

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

Hibriu 12:23

Woy nakarani kid on to tibo no mgo otow no nigtuu on no tahan on no ingkasulat ka ngaran dan dio to langit. Woy nakarani ki rod to Magboboot no ian Talagboot to tibo no otow. Woy songo nakarani kid on to gimukud to mgo matuwarong no nammatoy no naayun on ian lagboy ka goinawa ran to Magboboot.

Hibriu 3:1

Nò mgo sulod ku to pogtuu no songo nig-abin to Magboboot oyow ogpokougpo kinow dio to kandin uromo dio to langit, ogdoromdomon ta si Hisus no pigsugu to Magboboot kai to kanta woy nohimu on no Labow to mgo Talagpanubad to soini no pogtuu no og-abinon ta.

Hibriu 3:14

Ian to og-iling ki su ko taman to ogpokouma kid on dio ki Kristu, og-ungoron ta ro oghirosoni ka sikan no an-anayan no pogsalig ta kandin, ogpakarumaruma kinow kandin.

Santiago 3:9

Ka dilo ta ka igsayo ta to Lagboy no Igbuyag ta woy ka Magboboot woy ian dod ka igpanungayow ta to duma ta no songo nohimu to Magboboot to oyow ogpokounug porom to kandin no goinawa.

1 Pedro 5:1

Sikaniu no mgo pogbuyagon to mgo nigtuu no sakup to Magboboot, duon ig-udling ku kaniu su songo pogbuyagon a rod to mgo nigtuu woy nakakita a to mgo igkabaybayari ni Kristu. Woy songo ogpakalagkos a rod kaniu no ogkatalaran ki to karoyawan din to igkapayag sikandin uromo to poglibong din kai to tano.

1 Huan 1:3

Ian to ignangonnangon noy kaniu ka sikan no nigkita noy woy to nigdinog noy su oyow ogpakaamut kow kanami to sikan to maroyow no pogdumaruma noy to Magboboot woy ka Anak din no si Hisu Kristu.

Impapitow 21:23

No konad on og-awoson ka allow woy ka bulan su ka layag no ogligkat to Magboboot, ian ka ogpakabat-ow to sikan no lunsud. No ka oghingaranan no Nati no Karniru, ian on ka ogkohimu no ilawan dio.

Impapitow 22:14

Ogkarago lagboy ka sikan no mgo otow no ogpalipuwas to mgo salo dan su sikandan ka ogkabogayan to katondanan to ogkoon to bogas to kayu no ogpakabogoy to kouyagan no waro katamanan woy ogbogayan sikandan to katondanan to pogsolod dio to gumawan to sikan no dakol no lunsud to Magboboot.

Impapitow 22:5

Konad on ogmarusilom dio woy konad on og-awoson ka mgo ilawan woy ko ka layag to allow. Ian su ka Magboboot no ian Lagboy no Igbuyag dan, ian on ka ogpakabat-ow kandan. No ogbogayan sikandan to katondanan to ogbulig to pog-alap to Magboboot to pandatuan din taman to waro katamanan.