Impapitow 9:11 - Manobo Ata

¹¹ Duon igbuyag dan no ogboboot kandan. Ian ka diwata no nigpulas to sikan no bitu no kono ogkatogkad ka karalomi rin. Ka ngaran din to kinagian to Hinibriu, si Abadun. No to kinagian to Ginirigu, si Apuliun. No to kanta no kinagian, Talag-ubus.

Impapitow 9:11 Iomraidhean Croise

Lukas 8:31

Nigpohoy-uhoy-u ka mgo busow ki Hisus to, “kono koy patinugpua dio to maralom no linow no oglogparanan.”

Huan 12:31

Kuntoon ka allow to ogbobootan ka tibo no mgo koot-otawan kai to soin no kalibutan. Kuntoon, ogkaroog ka igbuyag to soin no kalibutan no si Satanas.

Huan 14:30

Kono kud on ogmalayaton ku ka kagi ku kaniu kuntoon su marani on ka sikan no talagboot to soin no kalibutan no si Satanas ian. Di kono ogpakaroog koddi.

Huan 16:11

Ogpatokoron din to ogbobootan to Magboboot ka tibo no makasasalo su unawa ki Satanas no nigbobootan on to Magboboot to kandin no igkalogpad.”

Huan 5:2

Nokolingut to alad ka lunsud no Hirusalim. No, dio to sikan no gumawan no bayaanan to mgo ayam no karniru, dio to solod, duon sagboka no nalinsobuk no oghingaranan to Bitsata to kinagian to Hinibriu. Dio to ilis to nalinsobuk duon lalimma no pinayag.

Huan 8:44

Sikaniu, amoy now si Satanas woy ka goinawa now ian to oghimu to agad nokoy no igkoiniat din. Sikandin, tahan no talagbunu no nigbunsud ko iam pad mohimu ka kalibutan. Waro nigpaginlabot to kamalogotan su waro man dio to kandin ka malogot no kinagian. Ko og-uubat sikandin batasan din ian to ubaton woy sikandin ka ogligkatan to tibo no mgo ubat.

2 Kurintu 4:4

Ian su kono ogtuu sikandan su si Satanas no ian ogboboot to mgo otow no waro nigtuu kai to soini no kalibutan, nig-akoban din ka goinawa ran oyow kono ogkabat-awan sikandan to sikan no Maroyow no Nangnangonon tongod to karoyawon ni Hisu Kristu. No sikandin, ian ogpokog-unawa lagboy to Magboboot.

Episu 2:2

Ka sikan, nig-unug kow pad to mgo maroot no batasan to mgo otow to soini no kalibutan. Woy nakapaagad-agad kow pad ki Satanas no ian igbuyag to mgo busow no ogman-ugpo dio to aw-awangan. Sikandin dod ka ogboboot to mgo otow no kono ogpaagad-agad to Magboboot.

1 Huan 4:4

Mgo anak, nigpasakup kow atag to Magboboot, no waro kow maalap to sikan no mgo talag-anad to ubat no mgo nangnangonon su ka Gimukud to Magboboot no ogdumaruma kaniu, mamabogbog ki Satanas no ogbogoy to doromdom dio to sikan no mgo otow no kono ogtuu ki Hisus no kai to soini no kalibutan.

1 Huan 5:19

Songo nataga ki to nohimu kid on no mgo anak to Magboboot. Di ka tibo no mgo otow kai to soini no kalibutan no waro nigtuu kandin, duon pad to katondanan ni Satanas.

Impapitow 12:9

Ka sikan no dakol no ulod woy ka mgo diwata rin, indogpak kai to tano. No ka sikan no ulod, duon dongan no ian ka igbuyag to mgo busow no oghingaranan ki Satanas woy si Talagbayung. No sikandin ka niggawoy to tibo no mgo koot-otawan kai to soini no kalibutan.