Impapitow 8:2 - Manobo Ata

² Pogpitow ku, duon papitu no mgo diwata to Magboboot. Sikandan ka ogsasindog dio to tangkaan to Magboboot. No nigbogayan sikandan to papitu no bungag.

Impapitow 8:2 Iomraidhean Croise

Matiu 18:10

Kono now lomoti ka agad sagboka no otow no iam pad nigtuu koddi no ian ogkounawaan to soini no bato. Malogot ka ignangon ku kaniu no ka diwata no suguanon to Amoy ku no ogbantoy kandan, malasi duon dio to tangkaan to Amoy ku dio to langit.

Matiu 24:31

Woy ogsuguon ku ka mgo diwata to Magboboot dio to katamanan to soin no kalibutan. Igpabung-ag ku sikandan to maagbot woy oglimuron dan ka mgo nig-alam ku no mgo otow ligkat to agad hondoi to hangiliran to kalibutan.”

Lukas 1:19

No kagi to diwata no nigtabak ki Sakarias to, “Koddi si Gabriel no ogsasindog a dio to tangkaan to Magboboot. Kandin ka nigsugu koddi kai to koykow oyow ognangonan ku sikoykow to soini no maroyow no nangnangonon.

Lukas 21:36

“Sikan ian no ngilam kow woy ungod kow ampu no buyua now rio to Magboboot oyow ogmanokal do ka goinawa now oyow kono kow ogkaroog to igkabaybayari no ogpakaratong kai to ampow to tano, woy oyow waro igkasipod now uromo no ogpakasasindog kow dio to tangkaan ku no Kakoy to mgo Koot-otawan kai to kalibutan,” kagi ni Hisus.

1 Kurintu 15:52

Ko ogdaging ka bungag no ogligkat dio to Magboboot no igmaganangon to soini ka mohuri no allow ta kai to soi kalibutan, magaan do ogkaliwani ka lawa ta. Ogkounawa to songo pogpolo-polo do bag to mata ta, su ko ogdaging ka bungag, ogkouyag on ka mgo nammatoy no nigtuu no ogkaliwanan on ka lawa ran to sikan no kono ogkamatoy no lawa. No sikanta no waro pad nammatoy, songo ogkaliwanan ka lawa ta to ogkounawa ro kandan.

1 Tisalunika 4:16

Ian su sikandin no ian Lagboy no Igbuyag ta, ogpoholughulug on ligkat to Langit no og-angoy to mgo otow no nigtuu on kandin. No duon ogdinogon ta no ogbabansagon no ogsugu woy duon diwata no igbuyag to duma no diwata to Magboboot no og-umow. Woy duon dod ogdinogon ta no daging no ogkoiling to bungag to Magboboot. No ka sikan no mgo otow no nigtuu ki Kristu no nighun-a nammatoy, ogkouyag on no oghun-a.

Impapitow 1:4

Kanak no si Huan, ogsulatan ku ka mgo otow no nigtuu to Magboboot no dio to sikan no papitu no mgo lunsud dio to probinsia to Asia. Ogbuyu a to Magboboot oyow ogkohoy-uan kow rin woy to oyow ogkabogayan kow to maawang no goinawa no ogligkat kandin woy to Gimukud din woy ki Hisu Kristu. Agad dongan, woy kuntoon taman to waro katamanan, sikandin do ian ka Magboboot. No ka Gimukud din no ungod og-ugpo dio to tangkaan din, papitu ka igpohitaga to kabogbogan din. Si Hisu Kristu, ian ka ogkasaligan ta to ogmalogot to ignangonnangon din. No sikandin ka an-anayan no ligkat to kamatayon no nouyag on to waro katamanan. Woy sikandin dod ka ogpakaboot to tibo no mgo labow no datu no kai to soini no tano. Dakol ka goinawa rin kanta su niglipuwasan ki nikandin to mgo salo tanow su ligkat to pogkamatoy rin dio to krus.

Impapitow 11:15

Nò, ka igkapapitu no diwata to Magboboot, nighiup to bungag din. Inogo on no duon maagbot no mgo lagong ligkat dio to langit no nigkagi to, “Ligkat kuntoon taman to waro katamanan, waro loin no ogpakaalap to pandatuan to soini no kalibutan ko kono no ka Lagboy no Igbuyag woy ka Im-imanan to mgo Koot-otawan no pigsugu din no si Kristu.”

Impapitow 15:1

Pogkaponga to sikan, duon nigkita ku no dakol lagboy no kabolongbolonganan no dio to langit no igpohitaga ko nokoy ka ogdatong on uromo. Woy duon papitu no mgo diwata to Magboboot. Tag sagboka kandan, nig-alap to mgo igbayadbayad to mgo koot-otawan kai to kalibutan. Sikan ka mohuri no mgo igkabaybayari no igdagsang to Magboboot to igkabolu din.

Impapitow 16:1

Nò, duon nigdinog ku no maagbot no lagong no nigligkat dio to Dakol no Ampuanan. No nigkagian din ka papitu no mgo diwata to Magboboot, no kagi rin to, “Hondio kow on woy ibus-ug now dio to kalibutan ka tagu to sikan no papitu no boung no ian ka igkabolu to Magboboot.”

Impapitow 8:13

Nò, pogpitow ku no duon dakol no kuligi no oglayanglayang dio to aw-awangan. No nigpaagbotan to nigkagi to, “Kalogon do, kalogon do, kalogon do to tibo no mgo otow no og-ugpo to kalibutan no ogkasalanganan on to poghiup to sikan no mohuri no diwata to Magboboot.”

Impapitow 8:6

No ka papitu no diwata to Magboboot, nigpanagana on to oghiup to sikan no bungag no nan-alap dan.

Impapitow 9:1

Nò, ka igkalima no diwata to Magboboot, nighiup to kandin no bungag. Woy duon nigkita ku no bituon no tahan on no noulug kai to tano ligkat to langit no warad on layag din. Nigbogayan sikandin to susi no igpulas to bitu no kono ogkatogkad ka karalomi rin.