Impapitow 7:4 - Manobo Ata

⁴ Sikanak no si Huan, nignangonan a ko songo monu kohon-ing ka ogpangotoban to bukod dan no og-indanan to Magboboot no sakup din. 144,000 tibo ka ogpangotoban no ogligkat to sikan no sampulu woy daruwa no mgo kapunganan ni Israil.

Impapitow 7:4 Iomraidhean Croise

Matiu 19:28

Nigkagi si Hisus kandan to, “Malogot soini no ignangon ku kaniu. Koddi no ian Kakoy to mgo Koot-otawan kai to tano, dakol ka katondanan ku uromo to ogsugu to mgo otow ko duon on uromo ka iam no kalibutan. Sikaniu no mgo hibatoon ku songo duon katondanan now uromo no ogsugu to tibo no mgo pinanganak to sika sampulu woy darua no mgo anak ni Israil dongan.

Lukas 14:22

“Waro malugoy no nig-uli ka suguanon no kagi rin to igbuyag din to, ‘Natuman on ka insugu nu koddi di duon pad litos oyow ogkaponu ka baloy nu.’

Lukas 22:30

No uromo ko dio ki to Pandatuan ku ogkoimu ko ogkoon kow woy og-inum kow dio to lamisaan ku. Woy songo ogbogayan ku sikaniu to katondanan now to oyow kaniu on ka og-alap to mgo pinanganak to sikan no sampulu woy darua no kapunganan ni Israil.”

Hinimuan 26:7

No sikan dod ian ka im–imanan to mgo duma ku no mgo Hudiu no ian pinanganak to sikan no sampulu woy daruwa no kaap–apuan noy. Sikan ian to maallow woy ko marusilom, ogpoomot ka mgo Hudiu to pogsimba ran to Magboboot. Nò, Buyag, ka soini no im–imanan noy, ian ka ligkatan to nigbabayungan a to mgo Hudiu.

Ruma 9:27

Woy duon ingkasulat ni Isaias dongan tongod to mgo otow no pinanganak ni Israil. Kagi rin to, “Agad mohon-ing ka mgo pinanganak ni Israil no ogkounawa kohon-ing to bayokbok dio to dagat no kono ogkasool, di manalingboka ro ka ogkapangabangan to logpad to Magboboot

Santiago 1:1

Sikanak no si Santiago, suguanon a to Magboboot woy to Lagboy no Igbuyag ta no si Hisu Kristu. No ogpangumustoon ku sikaniu no ogtuu no nokogsuwoysuwoy dio to agad hondoi no ugpaan.

Impapitow 14:1

Pogpitow ku man do no nigkita ku ka Nati no Karniru no nigsasindog dio to bubungan no oghingaranan to Sion. No dio to longod din, duon 144,000 no mgo otow. No ka mgo bukod dan, nasulatan to ngaran to Nati no Karniru woy ka ngaran to Amoy rin.

Impapitow 14:3

No pogpitow ku no ka 144,000 no mgo otow, namansasindog dio to tangkaan to sikan no pinnuuanan to pandatuan to Lagboy no Igbuyag woy to longod to sikan no hop-at no hinimu no duon goinawa woy ka mgo pogbuyagon. No ka sikan no 144,000 no mgo otow, nigman-opad to iam no opparon. Sikandan doka nataga to sikan no opparon su sikandan ka nigligkat to kalibutan no nabalukas on to langosa ni Hisus no oghingaranan to Nati no Karniru.

Impapitow 7:5

Manampulu woy daruwa no malan ka ogpangotoban no ogligkat to tag sagboka no pinanganak ni Israil no si Huda, si Rubin, si Gad, si Asir, si Niptali, si Manasis, si Simion, si Libi, si Isakar, si Sabulun, si Husi, woy si Binhamin.

Impapitow 9:16

Nignangonan a to tibo no mgo sundalu ran no nigman-untud to mgo kuddo, 200,000,000.