Impapitow 7:3 - Manobo Ata

³ Kagi rin kandan to, “Kono now pa daata ka kalibutan woy ka dagat woy ka mgo kayu taman to ogkapangotoban on ka mgo bukod to tibo no mgo sakup to Magboboot no igpatokod to sikandan ka sakup din.”

Impapitow 7:3 Iomraidhean Croise

Matiu 24:22

Ko waro malopota to Magboboot ka mgo allow, ogkoubus ogkamatoy ka mgo otow to sikan no mgo igkabaybayari ran. Di nigpamalopotan din su nohoy-uan din ka mgo sakup din no nig-alam din.

Matiu 24:31

Woy ogsuguon ku ka mgo diwata to Magboboot dio to katamanan to soin no kalibutan. Igpabung-ag ku sikandan to maagbot woy oglimuron dan ka mgo nig-alam ku no mgo otow ligkat to agad hondoi to hangiliran to kalibutan.”

Huan 12:26

Kagi pa ni Hisus, “Ko duon otow no ogpasakup koddi, og-unug ka sikan no otow to tibo no sugu ku su oyow agad hondoi a, songo dio sikandin. Ogsayoon to Amoy ku no Magboboot ka sikan no ogbulig koddi.”

Huan 3:33

Di atag, sikan no mgo otow no ogtuu on to innangon din, sikan ian ka mgo otow no ogmalogoton dan ka kagi to Magboboot.

Ruma 6:22

Di kuntoon, naawo kow on to pogkouripon now to mgo salo, woy nohimu kow on no uripon to Magboboot. No ka pulus kaniu to sikan su ka tibo no batasan ta, ogkaayun on to goinawa to Magboboot woy ogbogayan kinow on to kouyagan no waro katamanan.

Impapitow 13:16

Woy ka sikan no igkaruwa no magintalunan, ogpogoson din ka tibo no mgo otow, agad ko dakol woy ko doisok ka ngaran dan, ka salapian woy ko publi, ka uripon woy ko waro nouripon to oyow ogkapangotoban sikandan dio to kawanan no bolad dan woy ko dio to bukod dan.

Impapitow 13:17

Sikan ian to waro agad hontow no ogpakaboli woy ko ogbaligya ko kono ogpapangotob to ngaran woy ko numiru no igpatokod to ngaran to sikan no nokohun-a no magintalunon no nigligkat to dagat.

Impapitow 14:1

Pogpitow ku man do no nigkita ku ka Nati no Karniru no nigsasindog dio to bubungan no oghingaranan to Sion. No dio to longod din, duon 144,000 no mgo otow. No ka mgo bukod dan, nasulatan to ngaran to Nati no Karniru woy ka ngaran to Amoy rin.

Impapitow 14:9

No, duon igkatatolu man do no diwata to Magboboot no nigsundul to sikan no nokohun-a no daruwa. No nigmaagbot to nigkagi to, “Agad hontow no ogsimboon ka magintalunon woy ka inotow-otow rin woy ka otow no ogpapangotob to mgo bukod dan woy ko kawanan no mgo bolad dan no igpatokod to nigpasakup kandin,

Impapitow 19:2

Malogot woy matuwarong ka pogboboot din. Ian su ka mabantug no boi no maroot so batasan, niglogparan to Magboboot su nig-ayat din ka mgo otow kai to kalibutan to oyow og-ilingan dan ka kandin to mgo maroot no batasan din. Woy niglogparan to Magboboot ka sikan no boi su nighimatayan din ka mgo suguanon to Magboboot.”

Impapitow 20:4

Pogpitow ku no duon mgo otow no nigpinpinnuu dio to mgo pinnuuanan dan to pogboboot. Woy nigkita kud ka mgo gimukud to sikan no mgo otow no nanamporan to mgo liog dan su nigligkat to impamalogot dan ka in-anad ni Hisus woy su nignangonnangon sikandan to kinagian to Magboboot. No ka duma no ligkatan to pog-ogot kandan su waro dan simbaa ka sikan no magintalunan no nigligkat to dagat woy songo waro dan simbaa ka inotow-otow rin, woy su songo waro nigpapangotob to ngaran to sikan no magintalunan dio to mgo bukod dan woy ko dio to mgo bolad dan. No ogkouyag tibo sikandan woy ogbogayan sikandan to katondanan to ogbulig ki Hisu Kristu to pog-alap din to pandatuan din taman to sikan no songo malan no tuid.

Impapitow 22:4

Woy ogkitoon dan ka langlanguwan din woy igkasulat ka ngaran din dio to mgo bukod dan.

Impapitow 6:6

No duon nigdinog ku no lagong no nigligkat dio to taliwaro to sikan no hop-at no hinimu. Kagi rin to, “Ka igkabayad to songo allow to pogtalabau, ogkalitos to tatolu ro no supa no bogas woy ko songo gantang woy tonga no ginaling. Di kono now hilaboti ka mantika woy ka inumanon.”

Impapitow 7:1

Pogkaponga to sikan, duon nigkita ku no hop-at no mgo diwata to Magboboot. Tag sagboka kandan, nigsasindog dio to sikan no hop-at no sungguk to kalibutan, no nig-atangan dan ka kalamag no ogligkat to sikan no hop-at no sungguk oyow kono ogkalamagan ka tano, woy ka dagat woy ka agad nokoy no kayu.

Impapitow 7:2

Sikandan ka nabogayan to katondanan to ogdaat to kalibutan woy ka dagat. No duon nigkita ku no dangob no diwata to Magboboot no nigligkat dio to silaan. Nig-alap sikandin to igpangotob no nigligkat to Magboboot no kono ogkamatoy taman to waro katamanan. No ka sikan no diwata to Magboboot no nigligkat to silaan, nigpaagbotan to nigkagi dio to sikan no hop-at no mgo diwata to Magboboot.

Impapitow 9:4

Nigsaparan ka mgo talangas to oyow kono dan ogdaaton ka mgo pangamuton, woy ka mgo kayu, woy ka agad nokoy no mgo pinamula. Di ian dan do oghisakitan ka mgo otow no waro pangotob dio to bukod dan no igpatokod to sakup sikandan to Magboboot.