Impapitow 7:12 - Manobo Ata

¹² Kagi ran to, “Malogot ian ka soini. Litos to ogkasayo ka Magboboot su sikandin ka mougsob to katouanan din, woy ian ka ogpakagongon to tibo no katondanan woy ka tibo no kabogbogan. Ogpasalamatan ta woy ogdakolon ta ka ngaran din taman to waro katamanan. Malogot ian.”

Impapitow 7:12 Iomraidhean Croise

Matiu 6:13

Igpamariu koy nikoykow to maroot no pogdoromdom oyow kono koy ogpokohimu to maroot. Woy igpamariu koy nikoykow ki Satanas no igbuyag to mgo busow.’

Ruma 11:36

Ian su ka Magboboot ka ogligkatan to tibo no nohimu, woy sikandin dod ka ogsugu to tibo. Woy ligkat to tibo no nohimu, ogkasayo ka ngaran din. Sayoon ta ka Magboboot to waro katamanan. Hoo ian.

1 Kurintu 14:16

Ian to og–awoson to sikan ka oghonduonon now su ko kono nu pad ogkalituk to sikan no ignangonnangon nu, no ko duon otow no ogpakaamut kaniu to og-ampu di kono ogpakasabut, ogmonuon din to oghoohoo to igsayo nu to Magboboot?

2 Kurintu 4:15

Ka tibo to soini no ogkabayaan noy, ian to oyow ogkohogot ka kaniu no pogtuu oyow mohon-ing ka mgo otow no ogkalogoban to sikan no igkohoy-u to Magboboot su oyow songo ogkatimtimulan ka pogsayo dan kandin.

Kulusas 2:7

No og-awoson to, ka pogtuu now, ian now ogkounawaan ka dalig to kayu no nig-ugsob dio to diralom to tano. Sikan ian, unugi now ka batasan ni Hisus woy ay-ayari now tuui ka tu-tuu ian no nangnangonon unawa to sikan no ingkaanad kaniu nokani. Woy layun now pasalamati ka Magboboot.

Kulusas 3:17

Agad nokoy ka oghimuon ta woy ko ogkagion ta, ogdoromdomon ta ko oglitos to in-anad to Lagboy no Igbuyag ta no si Hisus. Woy iglagkos ta ka dakol no pogpasalamat ta to Magboboot no ligkat to nasagboka kinow on ki Hisus.

Impapitow 1:18

Waro kabinunsuran to pogkouyag ku. Namatoy ad nokani di nouyag ad on taman to waro katamanan. No sikanak doka ogpakaboot ko hondoi ku ogpougpaa ka mgo nammatoy. Woy sikanak dod ka duon katondanan to ogpulas to sikan no ugpaan to mgo nammatoy.

Impapitow 19:4

Ka kawaan woy hop-at no mgo pogbuyagon woy ka hop-at no mgo hinimu no duon goinawa, nigluhud no ogsimboon dan ka Magboboot no ogpinpinnuu dio to pinnuuanan din to pandatuan. No kagi ran to, “Malogot ian to litos no ogsayoon tanow ka Magboboot.”