Impapitow 6:1 - Manobo Ata

¹ Pogpitow ku man do to Nati no Karniru no ogloko to an-anayan no imparokot to sikan no ogbasoon. Woy nigdinog ku ka kagi to sagboka to sikan no hop-at no mgo hinimu no duon goinawa. Ka lagong din, noiling to lugung no maagbot. Kagi rin to, “Hondini kad on.”

Impapitow 6:1 Iomraidhean Croise

Huan 1:29

Ka sunud no allow, nigkita ni Huan si Hisus no dio to dalan no oghondio to kandin. Kagi rin to mgo otow, “Pitow kow dio. Soinid on ka nati to karniru to Magboboot su kandin ka ogpakimatoy oyow ogkaawo ka salo to tibo no mgo otow kai to kalibutan.

Hinimuan 4:20

Ko sikanami, waro duma no ogkohimu noy ko kono no sikan do to ogpakanangonnangon koy ro man to sikan no mgo nigkita noy woy ka nigdinog noy.” No sikan do ka intabak dan to mgo igbuyag to mgo Hudiu.

Impapitow 11:19

Pogkaponga, no napulasan on ka dakol no Ampuanan to Magboboot no dio to langit. No dio ku kitaa ka sikan no bulawan no Baul no nataguan to Pogsabut to Magboboot. No ian ka taguanan to mgo ingkasulat dongan no mgo sabut to Magboboot dio to mgo otow. Inogo on no nigkikilat on woy duon maagbot no daging woy nigbabalansì woy nigdinug woy nig-uran on to mabogat no magakinomu no uran.

Impapitow 13:8

No ogsimboon sikandin to tibo no mgo otow to soini no kalibutan no waro ikasulat ka ngaran dan dio to sulatanan to ngaran to mgo otow no ogbogayan to kouyagan no waro katamanan. Ligkat to waro pad nohimu ka soini no kalibutan, tahan on no ingkasulat ka ngaran dan to sikan no sulatanan to Nati to Karniru no nighimatayan nokani.

Impapitow 14:2

No duon nigdinog ku no lagong no nigligkat dio to langit no ogkounawa kaagbot to pogdaragunut to dakol no sampow woy ogkounawa rod to pogdagsang no lugung woy songo ogkounawa to mohon-ing no mgo otow no ogkokolit to ogparagingon no oghingaranan to alpa.

Impapitow 19:6

Inogo on no duon nigdinog ku no ogkoiling to magulub to mohon-ing no mgo otow woy songo ogkoiling to pogdaragunut to dakol no sampow, woy ogkoiling dod to maagbot no balansì. No kagi ran to, “Ogsayoon ta ka Magboboot no ian ka Lagboy no Igbuyag woy Mamabogbog to tibo su og-alap sikandin to pandatuan din.

Impapitow 4:8

Tag sagboka kandan, duon man hon-om no mgo pakpak dan no nigtangkapan to mgo mata dio to ampow woy ka dio to saluluan. No to maallow woy marusilom, kono oghagtonghagtong sikandan to pog-opad. Soini ka og-opparon dan, “Ka Magboboot, Lagboy no Igbuyag ta woy Mamabogbog to tibo. Tibulus no maroyow sikandin. Waro salo din woy waro agad nokoy no maroot dio to goinawa rin. Ogkohimu rin ka tibo. Duon on sikandin tahan ligkat dongan, woy kuntoon, woy taman to waro katamanan.”

Impapitow 5:1

Duon nigkita ku no sagboka no ogbasoon no dio to kawanan no bolad to sikan no Lagboy no Igbuyag no ogpinpinnuu dio to pinnuuanan din to ogboboot. No nokoglimang ka sulat to sikan no ogbasoon. Woy duon papitu no imparokot oyow kono ogkabolat.

Impapitow 5:12

Woy nigmaagbot ka pog-opad dan to, “Litos no ogkasayo ka Nati no Karniru no nighimatayan nokani. Dakol ka kabogbogan din. Sikandin ka tagtuun to tibo no kalaglagan kai to kalibutan. Woy malayat ka pogdoromdom din. Manokal sikandin no ogtahuron ta, ogsimboon ta woy ogsayoon tanow.”

Impapitow 5:8

Pogpurut din to sikan no ogbasoon, ka sikan no hop-at no hinimu woy ka kawaan woy hop-at no mgo pogbuyagon, nigluhud dio to tangkaan to sikan no Nati no Karniru oyow ogsimboon dan sikandin. Tag sagboka kandan, duon maroyow no ogparagingon no oghingaranan to alpa. Woy songo duon mgo boung no nanapunu to moomut no igtotomog. Ka ngarog to sikan no obol no moomut, ian ka ig-indan to mgo pog-ampu to mgo sakup to Magboboot.

Impapitow 6:3

No to pogloko to Nati no Karniru to sikan no igkararuwa no imparokot to sikan no ogbasoon, nigdinog ku ka igkararuwa to sikan no hop-at no hinimu no duon goinawa. No kagi rin to, “Hondini kad on.”

Impapitow 6:5

Nò, pogpitow ku to Nati no Karniru, no nigloko din on ka igkatolu no imparokot to sikan no ogbasoon. Woy nigdinog ku ka igkatolu to sikan no hinimu. Kagi rin to, “Hondini kad on. No duon nigkita ku no moitom no kuddo. Ka nigpanguddo, niggongon to timbangan.

Impapitow 6:7

Pogpitow ku man do to Nati no Karniru, no nigloko din on ka sikan no igkohop-at no imparokot to sikan no ogbasoon. No nigdinog ku ka igkohop-at to sikan no hinimu no duon goinawa no nigkagi to, “Hondini kad on.”

Impapitow 8:1

Pogloko to Nati no Karniru to igkapapitu no imparokot to sikan no ogbasoon, waro nigkakagi dio to langit taman to tonga to uras.