Impapitow 5:9 - Manobo Ata

⁹ No nig-oopad sikandan to iam no opparon no ognangon to, “Sikoykow ka litos no ogpurut to sikan no ogbasoon woy to ogloko to mgo imparokot din. Ian to sikoykow ka litos su namatoy kad on oyow ogbalukasan ka mgo otow to mgo salo dan oyow ogkasakup sikandan to Magboboot. Ka soini no mgo otow no balukasan nud, ogligkat sikandan to tibo no ogkaloinloin no mgo kapunganan woy to mgo kinagian, woy to mgo ugpaan woy dio to agad hondoi no mgo otawa.

Impapitow 5:9 Iomraidhean Croise

Matiu 20:28

Ian oyow ogkounawa kow koddi no Kakoy to koot-otawan kai to kalibutan to waro a nighondii oyow koddi ka ogpangabangan to mgo otow, di nighondii a oyow ogpakapangabang a kandan woy koddi ka ogpakapangabang to mohon-ing no mgo otow pinabayo to kamatayon ku.”

Matiu 26:28

su soini ka langosa ku no igpatulaug ku to mohon-ing no mgo otow oyow ogkaawo ka mgo salo dan. Soini ka igpoindan to Magboboot to duon iam no kasabutan to Magboboot kaniu.

Hinimuan 20:28

Nò, sikaniu no mgo pogbuyagon, tantanuri now ka pogtuu now woy ka pogtuu to mgo sakup to Magboboot, su ka Gimukud din ka nighimu kaniu no mgo talagbantoy to mgo otow no nohimu on no sakup din no ian napurut din su ligkat to langosa to Anak din lagboy no si Hisus.

1 Kurintu 6:20

Ian su ka kamatayon ni Hisus ian din imbalukas kanta. Sikan ian, ian ta igpohimu to lawa ta ka maroyow oyow ogkasayo sikandin.

1 Kurintu 7:23

Ian su dakol ka imbayad to Magboboot no impangabang kanta. Sikan ian to kono ki ro porom ogpouripon to mgo otow.

Episu 1:7

Ka langosa ni Hisu Kristu to pogkamatoy rin ka imbalukas din kanta, no nigpasaylu on ka mgo salo ta. Dakol lagboy ka sikan no ingkohoy-u to Magboboot kanta,

Episu 5:19

No to mgo tod-om, woy to mgo ulaging, woy ka mgo kanta, igpanangnangonoy ta ka mgo Salmo no ingkasulat dongan, woy ka kagi no ogligkat to Gimukud to Magboboot no igpatagu to goinawa ta, woy ogsayoon ta ka Lagboy no Igbuyag ta no ogligkat to igdakoli ta sikandin to tibo no goinawa ta.

Kulusas 1:14

Sikandin ka nigbalukas kantanow woy nigpasaylu kid on nikandin ka makasasalo.

Kulusas 1:23

Di og-awoson now to oghogoton now on ian ka pogtuu now to tu-tuu ian no nangnangonon, no ogsagbokoon now ro ka goinawa now dio ki Hisus. Ian su oyow kono ogkawoil ka pog-iman-iman now to tibo no nokani no ingkanangon kaniu no nigdinog now ka soini no Maroyow no Nangnangonon tongod ki Hisu Kristu. Sikan ian no nangnangonon ka naalap-alap on woy nanangnangonan on dio to agad hondoi no otawa kai to ampow to soini no kalibutan. No sikanak no si Pablo, nigsugu a to oyow ognangonnangon a to soini no Maroyow no Nangnangonon.

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

Hibriu 11:14

Ka sikan no mgo otow no ogtokod to kono no tu-tuu ian no ugpaan dan ka soini no kalibutan, ogpohitaga to ogpamangho sikandan to tu-tuu ian no ugpaan dan.

2 Pedro 2:1

Di dongan, songo duon mgo ubaton no otow no ogkoiling to talagnangon to kagi to Magboboot di kono naan. No kuntoon, songo duon dod ubaton no mgo talag-anad no og-amut kaniu no igsolugsolug dan to ig-anad dan ka kono no tu-tuu ian no nangnangonon no ogpakaraat to pogtuu now. Lagkos to songo ognangonangon sikandan to kono no Lagboy no Igbuyag ta si Hisus. Di ian poron ogbalukas kandan. Sikan ian to ogkatokow sikandan to mohirap no iglogpad.

1 Huan 1:7

Di ko oghipanow ki dio to kaawangan unawa to Magboboot no tahan nig-ugpo to kaawangan, ogmaroyow ro ka pogdumaruma tanow, no ka langosa ni Hisus no ian Anak to Magboboot ka iglinis to goinawa ta oyow ogkaawo on ka mgo salo ta.

1 Huan 2:2

Ka lawa rin ka inhusoy to mgo salo ta su namatoy on to krus oyow kono kid on ogkalogparan. Di ka nighimu rin, kono no litos to kanta ro no salo su litos to salo to tibo no mgo otow kai to ampow to tano.

Impapitow 10:11

No nignangonan a to kagi rin to, “Og-awoson to ighutuk nu ignangonnangon ipanoy ka kinagian to Magboboot tongod ko nokoy ka ogkoumaan uromo dio to agad hondoi no mgo otow no dio to agad hondoi no mgo ugpaan woy dio to ogkaloinloin no mgo kinagian dan. Woy songo igkanangonnangon nu dio to mgo igbuyag dan.”

Impapitow 11:9

Nò, taman to tatolu no allow woy tonga, ka mgo otow no ogligkat to agad hondoi no ogkaloinloin no mgo ugpaan, woy to mgo kapunganan woy ka mgo kinagian, ogtotongtongan dan ka mgo lawa to sikan no daruwa no nammatoy, woy kono dan igbogoy ko iglobong on ka mgo lawa ran.

Impapitow 13:7

No songo nigbogayan pad ka magintalunan to liwak din to ogsulung to mgo sakup to Magboboot. No ogpakaroog pad ka magintalunan kandan. Woy ogbogayan pad sikandin to katondanan din to og-alap to tibo no mgo kapunganan woy ka mgo ugpaan no ogkaloinloin no mgo kinagian kai to kalibutan.

Impapitow 13:8

No ogsimboon sikandin to tibo no mgo otow to soini no kalibutan no waro ikasulat ka ngaran dan dio to sulatanan to ngaran to mgo otow no ogbogayan to kouyagan no waro katamanan. Ligkat to waro pad nohimu ka soini no kalibutan, tahan on no ingkasulat ka ngaran dan to sikan no sulatanan to Nati to Karniru no nighimatayan nokani.

Impapitow 14:6

Pogpitow ku no duon man do dangob no diwata to Magboboot no nigkita ku no niglayanglayang dio to aw-awangan. Nig-alap sikandin to sikan no Maroyow no Nangnangonon no waro katamanan. No dio din ignangonnangon to tibo no koot-otawan kai to kalibutan no ogkaloinloin to mgo otow, woy to mgo kapunganan woy to mgo kinagian woy to mgo ugpaan.

Impapitow 15:3

Nig-oopad sikandan to opparon ni Moisis no suguanon dongan to Magboboot woy ka opparon dod ni Hisus no oghingaranan to Nati no Karniru. No soini ka opparon dan: “Magboboot, sikoykow ka Lagboy no Igbuyag no ian ka Mamabogbog to tibo. Maroyow lagboy woy igkabolongbolong noy ka tibo no nighimu nu. Ligkat dongan, sikoykow ka Labow no Datu to tibo no mgo ugpaan. No matuwarong woy malogot ka mgo hinimuan nu.

Impapitow 17:15

No nignangonan a man do to sikan no diwata to Magboboot to, “Ka mgo woig no nigkita nu no nigpinpinnuuan to sikan no boi no maroot so batasan din, ian ka nigkaloinloin no mgo kapunganan woy to mgo kot-ot-otowan woy to ogkaloinloin no mgo ugpaan woy to mgo kinagian.

Impapitow 4:11

Magboboot noy no ian Lagboy no Igbuyag noy, sikoykow ro ka litos no ogsayoon woy to ogtauron woy to ogtokoron noy to mabogbog ka lagboy. Ian su nighimu nu ka tibo. Sikan ian to duon on sikandan woy duon on goinawa ran su ligkat to pogboot nu.”

Impapitow 5:12

Woy nigmaagbot ka pog-opad dan to, “Litos no ogkasayo ka Nati no Karniru no nighimatayan nokani. Dakol ka kabogbogan din. Sikandin ka tagtuun to tibo no kalaglagan kai to kalibutan. Woy malayat ka pogdoromdom din. Manokal sikandin no ogtahuron ta, ogsimboon ta woy ogsayoon tanow.”

Impapitow 5:6

Pogpitow ku, duon Nati no Karniru no nigsasindog dio to tangkaan to sikan no pinnuuanan to pandatuan to Lagboy no Igbuyag. Niglinglingotan sikandin to sikan no hop-at no mgo hinimu no duon goinawa woy to sikan no mgo pogbuyagon. Songo nigkita ku dio to lawa to Karniru ka mgo indanan to nakabayo sikandin to kamatayon dongan. Woy duon papitu no mgo sukat din woy songo papitu ka mgo mata rin. Sikan ka mgo indanan to sikan no papitu no igpohitaga to kabogbogan to Gimukud to Magboboot no impaalap din dio to agad hondoi kai to tano.