Impapitow 4:8 - Manobo Ata

⁸ Tag sagboka kandan, duon man hon-om no mgo pakpak dan no nigtangkapan to mgo mata dio to ampow woy ka dio to saluluan. No to maallow woy marusilom, kono oghagtonghagtong sikandan to pog-opad. Soini ka og-opparon dan, “Ka Magboboot, Lagboy no Igbuyag ta woy Mamabogbog to tibo. Tibulus no maroyow sikandin. Waro salo din woy waro agad nokoy no maroot dio to goinawa rin. Ogkohimu rin ka tibo. Duon on sikandin tahan ligkat dongan, woy kuntoon, woy taman to waro katamanan.”

Impapitow 4:8 Iomraidhean Croise

Hinimuan 20:31

Sikan ian to ogbohog a kaniu to oyow ogngilam kow woy ogdoromdomon now ka soini no tatolu no tuid ku kai to kaniu, to maallow woy ko marusilom, malasi a ogpanluwoi ka nig–anad a kaniu.

2 Kurintu 6:18

No ogkohimu ad on no Amoy now, woy songo ogkohimu kow on no mgo anak ku, kagi to Lagboy no Igbuyag ta no ian mabogbog.”

1 Tisalunika 2:9

Wa now buwa malingawi, mgo sulod, ka dakol no talabau, noy no dio koy to kaniu no nignangonnangon koy to kaniu to soini no Maroyow no Nangnangon no nigligkat to Magboboot su nigtalabau koy to maallow woy ko marusilom su oyow kono kow ogkabaybayaran to pog-ugpo noy dio to kaniu.

1 Timoteo 4:16

Doydoyawa nu ka batasan nu woy ka pog-anad nu, no noknokali nu to oghimu su, ko ogtumanon nu, sikoykow woy ka og-anaron nu, ogkabogayan to kouyagan no waro kataman.

2 Timoteo 4:2

Sikan ian no ogsuguon ku sikoykow to oyow ungod nu ro ogpoomotan to ogpannangonnangon to kinagian to Magboboot agad ko ogkoiniatan to mgo otow to ogpamminog woy ko kono dan ogkoiniatan. Tul-ira nu ka mgo otow no makasasalo. Sapari nu ka kono ogpaagad-agad to Magboboot. Udlingi nu sikandan to maroyow. Woy malaya ta nu to goinawa ka mgo otow no og-anaron nu

Hibriu 13:8

Si Hisu Kristu, waro pogkahalin din ligkat pad dongan woy kuntoon woy taman to taman.

Impapitow 1:4

Kanak no si Huan, ogsulatan ku ka mgo otow no nigtuu to Magboboot no dio to sikan no papitu no mgo lunsud dio to probinsia to Asia. Ogbuyu a to Magboboot oyow ogkohoy-uan kow rin woy to oyow ogkabogayan kow to maawang no goinawa no ogligkat kandin woy to Gimukud din woy ki Hisu Kristu. Agad dongan, woy kuntoon taman to waro katamanan, sikandin do ian ka Magboboot. No ka Gimukud din no ungod og-ugpo dio to tangkaan din, papitu ka igpohitaga to kabogbogan din. Si Hisu Kristu, ian ka ogkasaligan ta to ogmalogot to ignangonnangon din. No sikandin ka an-anayan no ligkat to kamatayon no nouyag on to waro katamanan. Woy sikandin dod ka ogpakaboot to tibo no mgo labow no datu no kai to soini no tano. Dakol ka goinawa rin kanta su niglipuwasan ki nikandin to mgo salo tanow su ligkat to pogkamatoy rin dio to krus.

Impapitow 1:8

Ka Magboboot no ian Lagboy no Igbuyag, sikandin ka Mamabogbog to tibo woy sikandin do ian ka Magboboot ligkat dongan no waro pad nohimu ka kalibutan woy sikandin dod ka Magboboot kuntoon woy taman to waro katamanan. Kagi rin to, “Sikanak ka kabinunsuran woy ka katamanan to tibo.”

Impapitow 11:17

“Magboboot no ian Lagboy no Igbuyag noy, Mamabogbog ka to tibo, no sikoykow ka Magboboot dongan woy ka kuntoon woy taman to waro katamanan. Ogpasalamatan noy sikoykow su nigpurut nud on ka pandatuan nu no mabogbog lagboy woy nigbunsud kad on to pog-alap nu to mgo koot-otawan kai to kalibutan.

Impapitow 14:11

No taman to waro katamanan, ungod og-oobol no ka sikan no hapuy no igbayadbayad kandan. Agad maallow to marusilom, ogkabaybayaran ka tibo no ogsimba to sikan no magintalunan woy ka inotow-otow rin woy ka agad hontow no ogpapangotob to ngaran din dio to mgo bukod dan woy ko dio to mgo kawanan no bolad dan.” Ian ka innangon to sikan no diwata.

Impapitow 14:3

No pogpitow ku no ka 144,000 no mgo otow, namansasindog dio to tangkaan to sikan no pinnuuanan to pandatuan to Lagboy no Igbuyag woy to longod to sikan no hop-at no hinimu no duon goinawa woy ka mgo pogbuyagon. No ka sikan no 144,000 no mgo otow, nigman-opad to iam no opparon. Sikandan doka nataga to sikan no opparon su sikandan ka nigligkat to kalibutan no nabalukas on to langosa ni Hisus no oghingaranan to Nati no Karniru.

Impapitow 15:3

Nig-oopad sikandan to opparon ni Moisis no suguanon dongan to Magboboot woy ka opparon dod ni Hisus no oghingaranan to Nati no Karniru. No soini ka opparon dan: “Magboboot, sikoykow ka Lagboy no Igbuyag no ian ka Mamabogbog to tibo. Maroyow lagboy woy igkabolongbolong noy ka tibo no nighimu nu. Ligkat dongan, sikoykow ka Labow no Datu to tibo no mgo ugpaan. No matuwarong woy malogot ka mgo hinimuan nu.

Impapitow 15:7

Nò ka sagboka to sikan no hop-at no hinimu no duon goinawa, nigbogoy to sikan no papitu no diwata to Magboboot to papitu no boung no bulawan no naponu on to igkabolu to Magboboot no sikandin ka kono ogkamatoy to waro katamanan.

Impapitow 16:14

Ian su mgo busow ka sikan, no duon kabogbogan dan to ogpanhimuon dan to mgo kabolongbolonganan. No nigsugu sikandan dio to tibo no mgo dakol no igbuyag dio to agad hondoi kai to kalibutan oyow ogkalimudlimud on sikandan woy ka mgo sundalu ran. Ian su ko ogdagsang on ka mabantug no allow to pogboboot to Magboboot, ogsulungan dan sikandin no ian ka Mamabogbog to tibo.

Impapitow 16:7

No duon kagi no nigdinog ku no nigligkat to tubaranan no nigkagi to, “Hoo, Magboboot no ian Lagboy no Igbuyag. Mamabogbog ka to tibo. Matuwarong ka no litos ian ka mgo iglogpad no imboboot nu.”

Impapitow 19:15

Duon niglibuwas to bo-bo din no magalang woy malayat no balarow no ian ogpakaroog to tibo no mgo koot-otawan. Mabogbog lagboy ka pog-alap din to pandatuan din no ogkounawa to putow, no igpapitow rin ka dakol lagboy no igkabolu to Magboboot no ian ka Mamabogbog to tibo. No ka poglogpad din to sikan no og-atu kandin, ian ogkounawaan ka pogpogo to mgo otow to bogas to ubas oyow ogpakalibuwas ka woig no oghimuon dan no inumanon.

Impapitow 19:4

Ka kawaan woy hop-at no mgo pogbuyagon woy ka hop-at no mgo hinimu no duon goinawa, nigluhud no ogsimboon dan ka Magboboot no ogpinpinnuu dio to pinnuuanan din to pandatuan. No kagi ran to, “Malogot ian to litos no ogsayoon tanow ka Magboboot.”

Impapitow 21:22

Waro nigkita ku no Dakol no Ampuanan dio to sikan no lunsud su ka Magboboot no ian ka Lagboy no Igbuyag woy Mamabogbog to tibo, woy ka Nati no Karniru, ian ka ampuanan dan.

Impapitow 3:7

Nigkagi man do sikandin to, “Isulat nu ka soini no igpaalap nu dio to sikan no suguanon ku no ogtanudtanud to mgo nigtuu no dio to lunsud to Piladilpia. Soini ka igsulat nu, ‘Ka soini no mgo kagi, ogligkat kanak no matuwarong woy ogkasaligan. Sikanak ka nakapurut to sikan no katondanan no dio dongan ki Dabid. Ko duon ogpulasan ku no gumawan, kono ogkalokoban to agad hontow. Woy ko duon gumawan no oglokoban ku, songo waro otow no ogpakapulas.

Impapitow 4:4

No ka sikan no pinpinnuanan din, songo nalingotan to kawaan woy hop-at no pinnuuanan. No duon naminpinnuu no songo kawaan woy hop-at no mgo pogbuyagon. Mamaputi ka mgo sabinit dan woy duon bulawan no tangkulu ran.

Impapitow 4:6

Dio to tangkaan to sikan no pinnuuanan to Lagboy no Igbuyag, duon nigkita ku no ogkounawa to dagat no malayag no noiling to lamita no lagboy no mating-ow. No to marani to sikan no pinnuuanan to Lagboy no Igbuyag, duon hop-at no hinimu no duon goinawa. Dio nigsasindog to songo hop-at no sungguk to ilis. Ka tangkaan woy ka poka to sikan no mgo lawa ran, nigtangkapan to mgo mata.

Impapitow 4:9

No ka sikan no hop-at no hinimu no duon goinawa, og-oopad sikandan to igsayo woy igtahud woy ogpasalamat to Magboboot no ogpinpinnuu to sikan no pinnuuanan din to pandatuan. No sikandin ka kono ogkamatoy taman to waro katamanan.

Impapitow 5:6

Pogpitow ku, duon Nati no Karniru no nigsasindog dio to tangkaan to sikan no pinnuuanan to pandatuan to Lagboy no Igbuyag. Niglinglingotan sikandin to sikan no hop-at no mgo hinimu no duon goinawa woy to sikan no mgo pogbuyagon. Songo nigkita ku dio to lawa to Karniru ka mgo indanan to nakabayo sikandin to kamatayon dongan. Woy duon papitu no mgo sukat din woy songo papitu ka mgo mata rin. Sikan ka mgo indanan to sikan no papitu no igpohitaga to kabogbogan to Gimukud to Magboboot no impaalap din dio to agad hondoi kai to tano.

Impapitow 6:1

Pogpitow ku man do to Nati no Karniru no ogloko to an-anayan no imparokot to sikan no ogbasoon. Woy nigdinog ku ka kagi to sagboka to sikan no hop-at no mgo hinimu no duon goinawa. Ka lagong din, noiling to lugung no maagbot. Kagi rin to, “Hondini kad on.”

Impapitow 6:6

No duon nigdinog ku no lagong no nigligkat dio to taliwaro to sikan no hop-at no hinimu. Kagi rin to, “Ka igkabayad to songo allow to pogtalabau, ogkalitos to tatolu ro no supa no bogas woy ko songo gantang woy tonga no ginaling. Di kono now hilaboti ka mantika woy ka inumanon.”

Impapitow 7:11

No ka tibo no mgo diwata to Magboboot, nanlingutlingut to sikan no mgo pogbuyagon woy ka hop-at no hinimu no duon goinawa woy ka Lagboy no Igbuyag no nigpinpinnuu to pinnuuanan din to pandatuan. No tibo kandan, nigluhud to tangkaan din no ogsimboon dan ka Magboboot.

Impapitow 7:15

Sikan ian to duon on sikandan to tangkaan to sikan no pinnuuanan to pandatuan to Magboboot. No allow woy marusilom, dio ian sikandan to dakol no Ampuanan to Magboboot no ungod dan ogsimboon sikandin. No ka Magboboot no ogpinpinnuu to pogboboot din, ungod ogdumaruma kandan woy ogtantanuran din sikandan.