Impapitow 4:4 - Manobo Ata

⁴ No ka sikan no pinpinnuanan din, songo nalingotan to kawaan woy hop-at no pinnuuanan. No duon naminpinnuu no songo kawaan woy hop-at no mgo pogbuyagon. Mamaputi ka mgo sabinit dan woy duon bulawan no tangkulu ran.

Impapitow 4:4 Iomraidhean Croise

Matiu 19:28

Nigkagi si Hisus kandan to, “Malogot soini no ignangon ku kaniu. Koddi no ian Kakoy to mgo Koot-otawan kai to tano, dakol ka katondanan ku uromo to ogsugu to mgo otow ko duon on uromo ka iam no kalibutan. Sikaniu no mgo hibatoon ku songo duon katondanan now uromo no ogsugu to tibo no mgo pinanganak to sika sampulu woy darua no mgo anak ni Israil dongan.

Lukas 22:30

No uromo ko dio ki to Pandatuan ku ogkoimu ko ogkoon kow woy og-inum kow dio to lamisaan ku. Woy songo ogbogayan ku sikaniu to katondanan now to oyow kaniu on ka og-alap to mgo pinanganak to sikan no sampulu woy darua no kapunganan ni Israil.”

2 Timoteo 4:8

No kuntoon, duon on ka igtagad to Lagboy no Igbuyag ta kanak no igsayo din to mgo otow no nohimu on no maroyow. No igbogoy rin kanak uromo to sikan no Allow no ogbootan din ka mgo hinimuan to tibo no mgo otow. Sikandin ka talagboot no oglitos on ian ka pogboot din. Di kono no sikanak do ka ogbogayan din di songo ogkabogayan ka tibo no mgo otow no ogkarago no ogtagad to poglibong ni Hisu Kristu kai to tano.

Impapitow 11:16

Ka kawaan woy hop-at no pogbuyagon no ogpinpinnuu dio to mgo pinnuuanan dan to pogboboot duon to tangkaan to Magboboot, nanluhud to ogsimboon dan ka Magboboot. No nigkagi sikandan to,

Impapitow 14:3

No pogpitow ku no ka 144,000 no mgo otow, namansasindog dio to tangkaan to sikan no pinnuuanan to pandatuan to Lagboy no Igbuyag woy to longod to sikan no hop-at no hinimu no duon goinawa woy ka mgo pogbuyagon. No ka sikan no 144,000 no mgo otow, nigman-opad to iam no opparon. Sikandan doka nataga to sikan no opparon su sikandan ka nigligkat to kalibutan no nabalukas on to langosa ni Hisus no oghingaranan to Nati no Karniru.

Impapitow 19:14

Nò, ka mgo sundalu to langit, nangikinabo to malinis woy mamaputi no manggad, no nanundul kandin

Impapitow 19:4

Ka kawaan woy hop-at no mgo pogbuyagon woy ka hop-at no mgo hinimu no duon goinawa, nigluhud no ogsimboon dan ka Magboboot no ogpinpinnuu dio to pinnuuanan din to pandatuan. No kagi ran to, “Malogot ian to litos no ogsayoon tanow ka Magboboot.”

Impapitow 2:10

Kono kow ogkahallok to duon igkabaybayari no magaan ogpokouma kaniu. Duon mgo duma now no igpapirisu ni Satanas oyow ogkool-ologan din ka pogtuu now kanak. No ogkabaybayaran kow to sampulu no allow. Di agad ko igkamatoy now ka igkabaybayari now, kono now lokoi ka pogtuu now kanak no ogbogayan ku sikaniu to pogkouyag now no waro katamanan no ian ka igsayo ku kaniu.

Impapitow 20:4

Pogpitow ku no duon mgo otow no nigpinpinnuu dio to mgo pinnuuanan dan to pogboboot. Woy nigkita kud ka mgo gimukud to sikan no mgo otow no nanamporan to mgo liog dan su nigligkat to impamalogot dan ka in-anad ni Hisus woy su nignangonnangon sikandan to kinagian to Magboboot. No ka duma no ligkatan to pog-ogot kandan su waro dan simbaa ka sikan no magintalunan no nigligkat to dagat woy songo waro dan simbaa ka inotow-otow rin, woy su songo waro nigpapangotob to ngaran to sikan no magintalunan dio to mgo bukod dan woy ko dio to mgo bolad dan. No ogkouyag tibo sikandan woy ogbogayan sikandan to katondanan to ogbulig ki Hisu Kristu to pog-alap din to pandatuan din taman to sikan no songo malan no tuid.

Impapitow 3:18

Sikan ian to ogtalosonon ku sikaniu to oyow ogboli kow to bulawan no nool-ologan on dio to hapuy no warad on solug no maligsom. Ka sikan, ian ka malogot no pogtuu now woy ka igkaratui now. Woy kua now kai to kanak ka maputi no kinabo now oyow ogkaatangan on ka igkasipod now. Woy hondii kow ka ogpatambal kanak to mata now oyow ogpakakita kow on.

Impapitow 4:10

Ko og-oopad ka sikan no hop-at, ka kawaan woy hop-at no mgo pogbuyagon, ogluhud to tangkaan to Lagboy no Igbuyag no ogpinpinnuu to sikan no pinnuuan din to pogboboot. Ogsimboon dan sikandin no ian ka kono ogkamatoy taman to waro katamanan. Woy og-awoon dan to ulu ran ka bulawan no mgo tangkulu ran no igpanabuk dan dio to tangkaan to Lagboy no Igbuyag no kagi ran to,

Impapitow 4:6

Dio to tangkaan to sikan no pinnuuanan to Lagboy no Igbuyag, duon nigkita ku no ogkounawa to dagat no malayag no noiling to lamita no lagboy no mating-ow. No to marani to sikan no pinnuuanan to Lagboy no Igbuyag, duon hop-at no hinimu no duon goinawa. Dio nigsasindog to songo hop-at no sungguk to ilis. Ka tangkaan woy ka poka to sikan no mgo lawa ran, nigtangkapan to mgo mata.

Impapitow 5:11

Nò, pogpitow ku man do, narinog ku ka maagbot no mgo lagong to pila buwa no malan no malan no mgo diwata to Magboboot. No kono man ogkasool. No nanlingutlingut sikandan to sikan no nigpinpinnuuan to Lagboy no Igbuyag woy to sikan no hop-at no mgo hinimu woy to sikan no mgo pogbuyagon.

Impapitow 5:14

No nigtabak ka sikan no hop-at no mgo hinimu. Kagi ran to, “Malogot ian” Woy nigluhud on man doka sikan no mgo pogbuyagon no ogsimboon dan sikandin.

Impapitow 5:6

Pogpitow ku, duon Nati no Karniru no nigsasindog dio to tangkaan to sikan no pinnuuanan to pandatuan to Lagboy no Igbuyag. Niglinglingotan sikandin to sikan no hop-at no mgo hinimu no duon goinawa woy to sikan no mgo pogbuyagon. Songo nigkita ku dio to lawa to Karniru ka mgo indanan to nakabayo sikandin to kamatayon dongan. Woy duon papitu no mgo sukat din woy songo papitu ka mgo mata rin. Sikan ka mgo indanan to sikan no papitu no igpohitaga to kabogbogan to Gimukud to Magboboot no impaalap din dio to agad hondoi kai to tano.

Impapitow 5:8

Pogpurut din to sikan no ogbasoon, ka sikan no hop-at no hinimu woy ka kawaan woy hop-at no mgo pogbuyagon, nigluhud dio to tangkaan to sikan no Nati no Karniru oyow ogsimboon dan sikandin. Tag sagboka kandan, duon maroyow no ogparagingon no oghingaranan to alpa. Woy songo duon mgo boung no nanapunu to moomut no igtotomog. Ka ngarog to sikan no obol no moomut, ian ka ig-indan to mgo pog-ampu to mgo sakup to Magboboot.

Impapitow 6:11

Nò, tag sagboka kandan, nigbogayan to maputi no manggad no igpakinabo din. Woy nignangonan sikandan to oyow oghimoloy pad to malopot naan do no mgo allow. Ian su ogpatagaron sikandan ko songo monu pad no mgo duma ran no ogtuu to Magboboot ka songo ogkounawa kandan no ogkohimatayan.

Impapitow 7:11

No ka tibo no mgo diwata to Magboboot, nanlingutlingut to sikan no mgo pogbuyagon woy ka hop-at no hinimu no duon goinawa woy ka Lagboy no Igbuyag no nigpinpinnuu to pinnuuanan din to pandatuan. No tibo kandan, nigluhud to tangkaan din no ogsimboon dan ka Magboboot.

Impapitow 7:9

Pogkaponga to sikan, nigkita kud ka mohon-ing on ian lagboy no mgo otow no kono ogkasool to agad hontow. Sikandan, nigligkat to agad hondoi no mgo otow woy to agad hondoi no mgo kapunganan woy to mgo ugpaan, woy to tibo to agad hondoi no mgo kinagian. Nanhasindog sikandan dio to tangkaan to sikan no pinnuuanan to pandatuan to Lagboy no Igbuyag woy dio to tangkaan to Nati no Karniru. Tibo kandan, nangikinabo to mamaputi woy nangomkom sikandan to pakow no ogkoiling to dohun to niug.

Impapitow 9:7

No ka pogpitow ku to sikan no mgo talangas, no ogkoiling sikandan to mgo kuddo no nigpanagana to dakol no samuk. Woy duon mgo tangkulu no bulawan to mgo ulu ran. No ka mgo langlanguwan dan, ogkoiling to langlanguwan to mgo otow.