Impapitow 4:1 - Manobo Ata

¹ Pogkaponga, duon nigkita ku no gumawan dio to langit no napulasan. Woy nakarinog a to maagbot no kagi no noiling to bungag no sikan dod ka lagong no nigdinog ku to an-anayan. No nigkagi to, “Lopow ka kai su igpapitow ku koykow ka ogpokouma uromo.”

Impapitow 4:1 Iomraidhean Croise

Matiu 3:16

To pogkaponga no nigbautismuan si Hisus, niggakap on sikandin dio to woig. Nò, napuasan ka langit. Niglonghag no nigkita rin ka Gimukud to Magboboot no ogpokohulughulug no ogkounawa to salapati dio to kandin no oglatun.

Markos 1:10

Poggakap do ni Hisus, niglonghag sikandin dio to langit no nigkita rin no napulasan ka langit woy ka Gimukud to Magboboot no ogpokohulughulug no ogkounawa to salapati dio to kandin.

Lukas 3:21

Di to waro pad mapirisu si Huan nigbautismuan din pad ka mgo otow dio to woig to Hordan woy songo nigbautismuan din si Hisus. Naponga soini, niglonghag si Hisus nig-ampu no napuasan on ka langit,

Huan 16:13

Di ko ogpokouma on kai to kaniu no mgo nigtuu ka Gimukud to Magboboot no sikandin on ka ogpasabut kaniu bahin to malogotan woy kandin ka og-anad kaniu to tibo no malogot no ogligkat dio to Magboboot. Kono ogligkat dio to kandin no goinawa ka kagi rin. Ka innangon din atag ka ogdinogon din no ogligkat to Magboboot. Woy ignangon din to nokoy ka ogpakatood uromo.

Hinimuan 10:11

No nigkita rin ka langit no nawaswasan. No duon maluag no manggad no nakita rin no pinanghikotan to hop-at no lubid ka manag–ilis din, no natuntun to tangkaan ni Pedro.

Hinimuan 7:56

Kagi ni Istiban to, “Pitow kow. Ogkita a to langit no naboklas on. Woy ogkitoon ku ka Otow no oghingaranan ta to Kakoy to mgo Koot–otawan no dio mogsasindog to kawanan to Magboboot.”

Impapitow 1:10

No to songo allow to Dominggu no ian allow to pogsimba to Magboboot, nigbobootan a to Gimukud din. No kai to ogkoiniugan ku, duon nigdinog ku no kagi no maagbot lagboy no noiling to daging to bungag no ogbawos.

Impapitow 1:12

Pogkarinog ku to sikan no kagi, niglingi a oyow ogpitawon ku ko hontow ka nigkagi kanak. No duon nigkita ku no papitu no bulawan no sabukanan to mgo ilawan.

Impapitow 1:19

Nò, isulat nu ka igpapitow ku koykow no magaan on ogkatuman woy ka ogpakatuman on uromo.

Impapitow 11:12

No inogo on no ogdinogon to sikan no daruwa ka maagbot no kagi no ogligkat to langit no ognangon kandan to, “Hondini kow on.” No ogkabatun on sikandan dio to langit. No ogpakatotongtong ka mgo usig dan taman to ogkabukusan on sikandan to mgo salagapun.

Impapitow 11:19

Pogkaponga, no napulasan on ka dakol no Ampuanan to Magboboot no dio to langit. No dio ku kitaa ka sikan no bulawan no Baul no nataguan to Pogsabut to Magboboot. No ian ka taguanan to mgo ingkasulat dongan no mgo sabut to Magboboot dio to mgo otow. Inogo on no nigkikilat on woy duon maagbot no daging woy nigbabalansì woy nigdinug woy nig-uran on to mabogat no magakinomu no uran.

Impapitow 16:17

Nò, ka igkapapitu no diwata to Magboboot, songo imbus-ug din ka tagu to kandin no boung dio to aw-awangan. No duon maagbot no lagong no nigligkat to pinpinuuanan to pogboboot to Lagboy no Igbuyag no duon to Dakol no Ampuanan. Kagi rin to, “Napongaan on.”

Impapitow 19:11

Pogpitow ku no napulasan on ka langit. Nigkita kud ka maputi no kuddo. Ka nigpanguddo, nighingaranan ki Masalig woy Tu-tuu ian. matuwarong ka pogboboot din, woy songo matuwarong ka pogsulung din to mgo usig din.

Impapitow 22:6

Nignangon ka diwata to Magboboot kanak to, “Malogot woy ogkasaligan ka soini no ignangon ku. Ka Magboboot no ian Lagboy no Igbuyag, ian ka ogbogoy to Gimukud din dio to mgo talagnangon to kinagian din. No sikandin dod ian ka nigsugu to diwata rin dio to mgo sakup din oyow igpapitow rin kandan ka ogkoumaan no konad on ogkalugoy.