Impapitow 21:10 - Manobo Ata

¹⁰ Inogo on no nigbobootan ad to Gimukud to Magboboot, no nig-alap a to diwata to Magboboot dio to lipupukan to matikang lagboy no bubungan woy impapitow rin kanak ka Hirusalim no ian ka Dakol no Lunsud to Magboboot no ogpohulughulug dio to tano no ogligkat to langit no ligkat to Magboboot.

Impapitow 21:10 Iomraidhean Croise

Hinimuan 8:39

Poggakap dan on, pigsakolow to Gimukud to Magboboot si Pilipi no warad kitaa to taga Itiopia. Di nigparagas on ka taga Itiopia to poghipanow rin no ungod ogkarago.

Galasia 4:26

Di sikanta no nigtuu ki Hisus, ogkoiling ki to kapunganan ni Sara no ian ka nokohun-a no asawa ni Abraham no kono no uripon.

Impapitow 1:10

No to songo allow to Dominggu no ian allow to pogsimba to Magboboot, nigbobootan a to Gimukud din. No kai to ogkoiniugan ku, duon nigdinog ku no kagi no maagbot lagboy no noiling to daging to bungag no ogbawos.

Impapitow 11:2

Di kono nu sokora ka lama to sikan no Dakol no Ampuanan to Magboboot, su igkabogoy pad to mgo otow no waro mogtokod to Magboboot. No taman to kohop-atan woy daruwa no bulan, ogpandaatdaaton dan ka dakol no lunsud to Hirusalim no ian ka lunsud no pig-indanan to Magboboot.

Impapitow 17:3

Sikan ian to nigbobootan a to Gimukud to Magboboot to nig-alap a to sikan no diwata rin dio to holholawan. No pogpitow ku, duon boi no nig-untud to malalab no magintalunan. Ka lawa to sikan, natibaan masulati to mgo dorooti no ngaran no ogsumsumpalit to Magboboot. Papitu ka ulu rin woy sampulu ka sukat din.

Impapitow 21:2

Songo nigkita ku ka Dakol no Lunsud to Magboboot no ian ka iam no Hirusalim no ogligkat kandin no dio to langit. Ka sikan no lunsud, ian ogkounawaan ka boi no nanginabo to maroyow no ogtagad to pogdatong to sikan no ogpangasawa kandin.

Impapitow 3:12

Ka otow no kono ogparoog ki Satanas, ogbogayan ku to oyow ogpokougpo sikandan dio to ugpaan ku dio to langit to waro katamanan. No ian dan ogkounawaan ka mgo suloy to sikan no Baloy no Ampuanan to Magboboot. Kono og-awo sikandan to sikan no baloy. No igsulat ku dio to kandan ka ngaran to Magboboot no ian Igbuyag ku, woy iglagkos ku to igsulat ka ngaran to sikan no dakol no lunsud to Magboboot ku. Sikan ka iam no Hirusalim no ogligkat dio to langit no oglogsad kai to tano. Woy songo iglagkos ku to igsulat kandan ka iam no ngaran ku.

Impapitow 4:2

Wa do nigbuloy no nigbobootan ad to Gimukud to Magboboot woy naalap ka gimukud ku dio to langit. No nigkita ku ka pinnuuanan no ogpinpinnu-an to Lagboy no Igbuyag ko ogboboot, woy nigkita a to sikan no nigpinpinnuu to sikan.