Impapitow 20:4 - Manobo Ata

⁴ Pogpitow ku no duon mgo otow no nigpinpinnuu dio to mgo pinnuuanan dan to pogboboot. Woy nigkita kud ka mgo gimukud to sikan no mgo otow no nanamporan to mgo liog dan su nigligkat to impamalogot dan ka in-anad ni Hisus woy su nignangonnangon sikandan to kinagian to Magboboot. No ka duma no ligkatan to pog-ogot kandan su waro dan simbaa ka sikan no magintalunan no nigligkat to dagat woy songo waro dan simbaa ka inotow-otow rin, woy su songo waro nigpapangotob to ngaran to sikan no magintalunan dio to mgo bukod dan woy ko dio to mgo bolad dan. No ogkouyag tibo sikandan woy ogbogayan sikandan to katondanan to ogbulig ki Hisu Kristu to pog-alap din to pandatuan din taman to sikan no songo malan no tuid.

Impapitow 20:4 Iomraidhean Croise

Matiu 19:28

Nigkagi si Hisus kandan to, “Malogot soini no ignangon ku kaniu. Koddi no ian Kakoy to mgo Koot-otawan kai to tano, dakol ka katondanan ku uromo to ogsugu to mgo otow ko duon on uromo ka iam no kalibutan. Sikaniu no mgo hibatoon ku songo duon katondanan now uromo no ogsugu to tibo no mgo pinanganak to sika sampulu woy darua no mgo anak ni Israil dongan.

Matiu 24:10

Nò, ligkat to sikan no igkabaybayari now, mohon-ing no mgo otow no og-ongkod to pogtuu ran to Magboboot woy ogtabod woy og-usigon dan ka duma ran.

Markos 6:16

Ko nakarinog si Igbuyag Hirodis to kagi to mgo otow, kagi rin to “Si Huan no Talagbautismu ian. Nigpatamporan kud ka liog din di nootawan man do.”

Markos 6:27

Nò, nigsugu ni Hirodis ka sagboka no sundalu rin oyow og-alapon din ka ulu ni Huan no Talagbautismu. Nighondio ka sundalu to pirisuan no nigtampod din ka liog ni Huan

Markos 9:11

Nig-inso dan si Hisus to, “Manio buwa to ognangonan ki to mgo talag-anad to Balaod ta to oghun-a oghondini si Ilias woy oghondini ka Im-imanan to mgo otow?”

Lukas 1:17

Ogpokohun-a si Huan to Lagboy no Igbuyag. No ogkabogayan to Magboboot si Huan to kabogbogan no ian ogkounawa to imbogoy rin ki Elias no sagboka to mgo talagnangon to kagi to Magboboot dongan. Ko ogpamminogon to mgo otow ka ignangon ni Huan, ogpokog-uli ka maroyow no goinawa to mgo patalaanak. Lagkos, mohon-ing ka mgo otow no kono ogpaagad-agad to Magboboot, ogpalibongon to pogmatuwarong no ogkounawa to mgo otow no duon goinawa ran dio to Magboboot oyow ka mgo otow, ogpakapanagana ko ogpokouma ka Lagboy no Igbuyag.” kagi to diwata ki Sakarias.

Lukas 14:14

no duon igkarago nu no ogpuun to sikan no hinimuan nu su waro igkouli dan koykow. Di ka Magboboot ka ogliwan koykow ko ogbatunon din on uromo ka mgo otow no matuwarong.”

Lukas 22:30

No uromo ko dio ki to Pandatuan ku ogkoimu ko ogkoon kow woy og-inum kow dio to lamisaan ku. Woy songo ogbogayan ku sikaniu to katondanan now to oyow kaniu on ka og-alap to mgo pinanganak to sikan no sampulu woy darua no kapunganan ni Israil.”

Huan 14:19

Konad on no malugoy no kono ogpakakita koddi ka mgo otow no waro nigtuu. Di sikaniu, ogkakitaan a now ro. Woy su nouyag a man, songo ogkouyagan kow.

Ruma 11:15

Ian su ligkat to nig-iniugan to Magboboot ka mgo Hudiu, duon on dalan to duma no mgo otow kai to kalibutan oyow ogpokogpoul-ulioy ka goinawa ran dio to Magboboot. Di dakoldakol pad man do ka karoyawon to tibo no mgo otow ko ogpokog-uli on ka goinawa to mgo Hudiu dio to Magboboot su ian dan ogkoumaan ka pogkouyag dan ligkat to kamatayon.

Ruma 8:17

No su nohimu kinow on no anak din, ogkabogayan kinow to mgo karoyawon no impanagana rin no igbogoy rin to mgo sakup din. No songo ogpakalagkos kinow ki Hisu Kristu no songo ogkabogayan ki to sikan no impanagana to Magboboot kandin. Ian su, ko ogpakalagkos kinow ki Hisu Kristu to igkabaybayari rin su ka igkabaybayari ta, ogligkat to nasakup kinow on nikandin, songo ogpakalagkos kinow rod to karoyawon no igbogoy to Magboboot kandin.

2 Timoteo 2:12

Ko og-aguantoon ta ka igkabaybayari ta kuntoon uromo ogbogayan ki to katondanan to ogbulig kandin to pog-alap to katondanan din to pandatuan. Di ko ogligalon ta sikandin, songo ogligalon ki nikandin.

Impapitow 1:2

No igsulat ku ka tibo no nigkita ku woy igmalogot ku to kinagian ian to Magboboot ka ignangonnangon ku no impohitaga ni Hisu Kristu.

Impapitow 1:9

Sikanak no si Huan, sulod now to pogtuu ki Hisus. No nohimu a no duma now to pog-aguanta ta to igkabaybayari no ogligkat to nalagkos kinow to pog-alap din to pandatuan din. Impougpo a to songo pulu to dagat no oghingaranan to Patmus su ligkat to nignangonnangon a to kinagian to Magboboot woy su ligkat to immalogot ku ka in-anad ni Hisus kanak.

Impapitow 11:11

Di pogligad to sikan no tatolu woy tonga no allow, og-uyagon do sikandan to Magboboot woy ogpakasasindog on. Ka tibo no mgo otow no ogpakakita, ogkakahallok lagboy.

Impapitow 11:15

Nò, ka igkapapitu no diwata to Magboboot, nighiup to bungag din. Inogo on no duon maagbot no mgo lagong ligkat dio to langit no nigkagi to, “Ligkat kuntoon taman to waro katamanan, waro loin no ogpakaalap to pandatuan to soini no kalibutan ko kono no ka Lagboy no Igbuyag woy ka Im-imanan to mgo Koot-otawan no pigsugu din no si Kristu.”

Impapitow 11:3

Woy igpohondio ku ka daruwa no otow no talagmalogot to kinagian ku. No igpanangon ku ka kinagian ku taman to 1,260 no allow. Ogkikinabo sikandan to saku no nighimu no kinabo.

Impapitow 11:7

Pogkaponga ran to igmalogot to kinagian to Magboboot, oglibuwas on ka makahallokhallok no magintalunan no ogligkat to sikan no bitu no kono ogkatogkad ka karalomi rin. No ogsulungon din ka sikan no daruwa no talagmalogot to kinagian to Magboboot. No ogkaroog din woy oghimatayan din on.

Impapitow 12:11

No ian to naroog dan si Satanas su ogligkat to nalipuwasan sikandan to langosa ni Hisus no oghingaranan to Nati to Karniru woy su ogligkat to kagi ran no igmalogot to pogtuu ran. Ian su agad ko oghimatayan sikandan, waro dan man ongkori ka pogtuu ran.

Impapitow 14:11

No taman to waro katamanan, ungod og-oobol no ka sikan no hapuy no igbayadbayad kandan. Agad maallow to marusilom, ogkabaybayaran ka tibo no ogsimba to sikan no magintalunan woy ka inotow-otow rin woy ka agad hontow no ogpapangotob to ngaran din dio to mgo bukod dan woy ko dio to mgo kawanan no bolad dan.” Ian ka innangon to sikan no diwata.

Impapitow 15:2

Pogpitow ku man do no duon nigkita ku no ogkoiling to dagat no lamita no nasolugan on to hapuy. Woy nigkita kud ka mgo otow no nakaroog to sikan no magintalunan no nigligkat to dagat woy waro nigsimba to inotow-otow rin woy waro nigpapangotob to numiru no ig-indan to ngaran din. No ka sikan no mgo otow, dio mansasasindog to ilis to sikan no dagat no ogkoiling to lamita. Tag sagboka kandan, nig-alap to ogparagingon no oghingaranan to alpa no imbogoy to Magboboot kandan.

Impapitow 17:8

Ka sikan no magintalunan no nigkita nu, duon pogkootow rin dongan, di warad on kuntoon. Di konad no malugoy no ogpakalibuwas sikandin ligkat to sikan no bitu no kono ogkatogkad ka karalomi rin. Pogkaponga, ogkaalap sikandin dio to ugpaan no ogpakalogpad kandin to waro katamanan. Ka tibo no mgo otow no waro ikasulat ka ngaran dan dio to sikan no sulatanan to mgo ngaran to mgo otow no ogbogayan to kouyagan no waro katamanan ligkat to poghimu to kalibutan, ogkabolongbolong sikandan ko ogkita to sikan no magintalunan su duon dongan, naawo on di mangkuwan duon on man do.”

Impapitow 2:26

Ka mgo otow no kono ogparoog ki Satanas woy ogtuman to kanak no ogkoiniatan taman to kamatayon dan, ogbogayan ku sikandan to katondanan to oyow ogpakalagkos kanak to pog-alap ku to mgo dakol no ugpaan kai to tano. No ka katondanan dan, mabogbog lagboy no ogkoiling to sikan no imbogoy to Amoy ku kanak su ogkounawa to putow no ogpakagopang to kuron su waro ogpakaroog kandan. Woy songo ogbogayan ku sikandan to igkarago dan no ogkounawa to kalayag to buntatalo.

Impapitow 20:6

Ka sikan no mgo otow no ogpakalagkos to sikan no an-anayan no pogkouyag to mgo nammatoy, ogkapulusan woy ogkoindanan sikandan to waro igkoogot kandan kono ogpakalagkos to sikan no iglogpad no oghingaranan to igkararuwa no kamatayon dio to ogliabliab no hapuy no waro katamanan. Di ogkohimu on atag sikandan no mgo talagpanubad no ogsasindog to tangkaan to Magboboot woy ki Kristu. Woy ogbogayan sikandan to katondanan to ogbulig ki Kristu to pog-alap din to kandin no pandatuan to sikan no songo malan no tuid.

Impapitow 22:5

Konad on ogmarusilom dio woy konad on og-awoson ka mgo ilawan woy ko ka layag to allow. Ian su ka Magboboot no ian Lagboy no Igbuyag dan, ian on ka ogpakabat-ow kandan. No ogbogayan sikandan to katondanan to ogbulig to pog-alap to Magboboot to pandatuan din taman to waro katamanan.

Impapitow 3:21

Ka mgo otow no kono ogparoog ki Satanas, ogbogayan ku sikandan to oyow ogpakalongod kanak to ogpinpinnuu uromo su oyow ogpakabulig kanak to pogboboot ku. No ka sikan, ogkounawa rod kanak no nakaroog a ki Satanas, no songo ogpokoglongod a to Amoy ku no ogpinpinnuu no ogpakabulig a kandin to pogboboot din.

Impapitow 4:4

No ka sikan no pinpinnuanan din, songo nalingotan to kawaan woy hop-at no pinnuuanan. No duon naminpinnuu no songo kawaan woy hop-at no mgo pogbuyagon. Mamaputi ka mgo sabinit dan woy duon bulawan no tangkulu ran.

Impapitow 6:9

No pogpitow ku man do to Nati no Karniru, no ogloko to sikan no igkalalimma no imparokot to sikan no ogbasoon. No dio to diralom to tubaranan, nigkita ku ka mgo gimukud to mgo otow no nigpanhimatayan su nigtuu sikandan to kinagian to Magboboot woy su nasaligan sikandan to immalogot dan to sikan no kinagian din.

Impapitow 7:3

Kagi rin kandan to, “Kono now pa daata ka kalibutan woy ka dagat woy ka mgo kayu taman to ogkapangotoban on ka mgo bukod to tibo no mgo sakup to Magboboot no igpatokod to sikandan ka sakup din.”