Impapitow 2:21 - Manobo Ata

²¹ Nigbogayan ku sikandin to mgo allow no igliwak to ogbalbalawan ka goinawa rin, di kono din man og-ongkoran ka mgo maroot no batasan din.

Impapitow 2:21 Iomraidhean Croise

Ruma 9:22

Ogkounawa rod ka nighimu to Magboboot. Agad to magaan din poron iuwang to igkabolu din no igpapitow rin poron ka dakol no kabogbogan din, di nigtuud sikandin to oyow og-aguantoon din pad ka igkabolu din to mgo otow no oglitos poron to ogkalogparan.

1 Pedro 3:20

Sikan ka gimukud to mgo otow dongan no waro mogpamminog to kinagian to Magboboot ko nighimu si Noi to dakol no barku no oghingaranan to arka. Nig-aguanta to Magboboot ka maroot no batasan to mgo otow tagood to napongaan ni Noi ka poghimu rin to sikan no arka. Wawalu ro no otow ka nigsolod to arka no napangabangan on ligkat to woig no nig-ugub.

2 Pedro 3:15

Kono tad ogkalingawan to ian to og-aguantoon pad to Lagboy no Igbuyag ta ka mgo otow su oyow duon ogliwak to ogkapangabangan sikandan to logpad to Magboboot. Sikan dod ka ingkasulat ni Pablo kaniu. No sikandin, ka indakoli ta no patalasulod to pogtuu ta. No ian to nakasulat sikandin su duon katouanan din no nigligkat to impohitaga to Magboboot kandin.

2 Pedro 3:9

Agad to duon mgo otow no nahan no ogmananoy ogtuman ka Magboboot to innangon din, di kono man no mananoy. Ian su og-aguantoon din no ogtagad to mgo otow su oyow ogliwak sikandan no og-iniug to maroot no mgo batasan dan. Ian su kono ogkoiniat sikandin no duon agad sagboka no otow no kono ogkapangabangan to logpad din.

Impapitow 16:11

No nigtungayawan dan ka Magboboot no dio to langit su nabaybayaran sikandan to mgo kogang woy ka mgo masakit dan. Di waro dan ongkori ka mgo maroot no mgo oghimuon dan.

Impapitow 16:9

Sikan ian no nanatutung on sikandan. No nigtungayawan dan ka ngaran to Magboboot su sikandin ka duon kabogbogan din to ogboboot to sikan no mgo igkabaybayari ran. Dokad di waro dan nasi balbalawi ka goinawa ran woy waro dan sayaa ka kabogbogan to Magboboot.