Impapitow 2:2 - Manobo Ata

² Nataga a to mgo batasan now. Woy nataga a to sikan no pogpoomot now to oghimuon now kanak, woy ka pog-aguanta now to mgo igkohirapi now. Woy nataga a to kono kow ogbogoy no ogdumaruma kaniu ka oghimu to maroot. No tongod to sikan no mgo otow no ubaton no ognangon to mgo suguanon sikandan ni Hisus, nig-ol-ologan now sikandan woy nigbatukan now to kono man no suguanon din sikandan.

Impapitow 2:2 Iomraidhean Croise

Matiu 7:23

Nò, ian igtabak ku kandan to, ‘Wara a mogtokod kaniu. Awo kow kai to koddi, kaniu no mgo makasasalo.’ ”

Huan 6:6

Sikan ka inso din su oyow og-ol-ologan din ko nokoy buwa ka igtabak ni Pilipi kandin. Ka malogot, nataga on si Hisus to oghimuon din to ogpakoon to mgo otow.

Galasia 1:7

Kono man no maroyow no nangnangonon ka sikan su sagboka ro ka maroyow no nangnangonon no ian ka in-anad noy kaniu. No ian ku ogkagian sikaniu to soini su duon mgo otow no ogsasowsasow kaniu su ligkat to ig-anad dan. Ian su ogbalbalawon dan porom ka maroyow no nangnangonon tongod ki Kristu oyow ogpakasuwoy kow porom.

Episu 4:14

Ko ogtumanon ta ka sikan, kono kid on ogkounawa to mgo bato no ogkahalinhalin ka goinawa ran. Di ogkasagboka ro ka goinawa ta. No kono kid on ogmagaan ogkaalap to agad nokoy no tinuuan no kono no tu-tuu no ig-anad to mgo otow no magawoygawoy to og-uubat to mgo otow.

1 Tisalunika 1:3

ko og-ampu koy to Magboboot no ian Amoy ta, su kono noy ogkalingawan to oghingaranan ka maroyow no oghimuon now no ogligkat to pogtuu now ki Hisu Kristu. Woy ognangon koy ka ogpoomotan now ka sikan no oghimuon now su ligkat to dakol so goinawa now kandin. Iglagkos, ignangon noy to og-aguantoon now ka igkabaybayari now su dakol ka pog-iman-iman now kandin no ian Lagboy no Igbuyag ta no si Hisu Kristu.

1 Tisalunika 5:21

di ol-ologan tad ka tibo no ignangon, no ka maroyow, itagu ta to taliwaro to goinawa ta.

2 Timoteo 2:19

Di ka tu-tuu ian no tinuuan ta no imbogoy to Magboboot, ian ogkounawaan ka kono ogkawoil no ogpounturan to baloy. No duon impasulat to kagi to Magboboot to, “Nataga ka Lagboy no Igbuyag ta ko hontow ka tu-tuu no sakup din.” No ka dangob no impasulat din kagi, “Ka sikan no otow no og-abin to nigpasakup to Lagboy no Igbuyag ta, og-awoson to og-ongkoran din on ka tibo no maroot no batasan.”

Hibriu 6:10

Ian su maayun-ayun ka tibo no pogboot to Magboboot. Sikan ian to kono din ogkalingawan ka maroyow no nighimu now woy ka dakol no pogbulig now to mgo nigtuu no nigligkat to indakoli to goinawa now ka Magboboot. No ka sikan no batasan now, songo ogkatuman now rod kuntoon.

1 Huan 4:1

Mgo sulod, kono tad on ogtuuan ka tibo no mgo nangnangonon no ogligkat dio to agad hondoi. Ian su og-awoson to og-ol-ologan ta ka sikan no mgo nangnangonon ko tu-tuu no nigligkat to Gimukud to Magboboot woy ko kono. Ian su mohon-ing ka mgo otow no og-alap-alap to mgo nangnangonon kai to ampow to soini no kalibutan no og-abinon dan to mgo talagnangon to kagi to Magboboot dokad di ubat doka ogkagion dan.

Impapitow 2:5

Doromdoma now ka sikan no dakol no goinawa now kanak nokani. Balowbalawi now ka goinawa now woy himua now ka maroyow no nighimu now nokani to kabinunsuran to pogtuu now. Ian su ko kono now ogbalowbalawan ka goinawa now, oghondiaan ku sikaniu no og-awoon ku ka sabukanan to kaniu no ilawan.

Impapitow 2:6

Di duon dod oghimuon now no maroyow ku su ka mgo maroot no oghimuon to mgo otow no oghingaranan no Nikolaita no maroot lagboy to goinawa ku, songo immaroot now to kaniu no mgo goinawa.

Impapitow 2:9

Nataga a to mgo igkabaybayari now no ogligkat to pogtuu now kanak. Woy nataga a to noil-iluan kow on to og-awoson to pog-ugpo now kai to tano. Dokad di, nohimu kow on no datu dio to langit. Woy nataga a rod to ogsumpalitan kow to mgo Hudiu no og-abin no mgo sakup sikandan to Magboboot. Dokad di to kono no tu-tuu ian no Hudiu sikandan su mgo sakup naan sikandan ni Satanas.

Impapitow 3:1

Nò, nigkagi man do sikandin to, “Isulat nu ka soini no igpaalap nu dio to sikan no suguanon ku no ogtanudtanud to mgo otow no nigtuu no dio to lunsud to Sardis. Soini ka igsulat nu, ‘Ka soini no kagi, ogligkat kanak no duon Gimukud ku no duon papitu no igpohitaga to kabogbogan din. Woy duon to kanak ka papitu no bituon. Nataga a to mgo batasan now. Agad to duon mgo otow no nahan dan to mohogot ka pogtuu now kanak, di nataga a to waro atag mohogot ka pogtuu now. Ian su noiling kow to mgo nammatoy su ogkoiling to waro pogtuu now kanak.

Impapitow 3:15

Natagaan ku ka mgo batasan now su ka goinawa now kanak, kono no moinit woy songo kono amana no mahagsil. Maroyow ku poron ko ogmoinit on ian ka goinawa now kanak. Ko kono, maroyow ko ogmahagsil kow on ian.

Impapitow 3:8

Nataga a to mgo batasan now. Agad kono kow amana no mabogbog, di nigtuman now nasi ka kinagian ku woy waro now ongkori ka pogtuu now kanak. Sikan ian to ogpulasan kud on ka gumawan no ogpakasolod kow on, no kono ogkalokoban to agad hontow.