Impapitow 2:13 - Manobo Ata

¹³ Nataga a to dio kow mokougpo to lunsud no ogkabobootan ni Satanas. Di nighirosonan now ro nasi ka pogtuu now to kanak no ngaran. No agad ko nohimatayan on si Antipas no talagmalogot to kinagian ku, waro now ian lokoi ka pogtuu now kanak.

Impapitow 2:13 Iomraidhean Croise

Matiu 10:23

Ko ogkabaybayaran kow dio to dangob no lunsud, agpas kow awo dio, woy hondio kow to duma no lunsud. Ignangon ku kaniu to kono kow pad ogpokologob no og-anad dio to tibo no mgo lunsud to Israil no sikoddi no Kakoy to mgo Koot-otawan, oglibong a kai.

Matiu 24:9

“Tibo no mgo koot-otawan, og-usig kaniu su ogtuu kow koddi. Ogdakopon kow to mgo otow woy ighatod kow dio to tangkaan to mgo talagboot oyow oglogparan kow woy oghimatayan pad ka duma su nigtuu kow koddi.

Matiu 4:10

Nigtabak si Hisus ki Satanas no nigsugu to, “Satanas, awo ka kai to koddi. Duon inkasulat no kagi to Magboboot dongan to, ‘Kaniu, ian now ro simbaa ka Magboboot now woy kandin do ogpaag-agaran now.’ ”

Lukas 21:17

Og-usigon kow to tibo no mgo otow tongod koddi,

Hinimuan 22:20

No ko nighimatayan dan si Istiban no talagmalogot to kinagian nu, nighoo ad woy nigsasindog a to longod dan no nanggalat ku ka mgo kinabo dan.’

Hinimuan 9:14

Woy ian to inhongkai ni Saulo su duon katondanan din ligkat to mgo igbuyag to mgo talagpanubad to oyow ogpandakopon din ka tibo no mgo otow kai no ogsampit to ngaran nu.”

1 Tisalunika 5:21

di ol-ologan tad ka tibo no ignangon, no ka maroyow, itagu ta to taliwaro to goinawa ta.

1 Timoteo 5:8

Di ko duon otow no nigtuu ki Hisus di kono ogtanudtanud to mgo sulod din no ogkohirapan no ogpakasalig poron kandin, woy lagboy ko kono din ogsagmanon ka marani rin lagboy, noongkoran din ka pogtuman din to pogtuu rin. Madmaroyow pa kandin ka mgo otow no wa mogtuu no ogsagman atag to karumaan din.

2 Timoteo 1:13

Timoteo, unug ka to in-anad ku su tu-tuu ian ka kagi ku. Hirosoni nu ka pogtuu nu ki Hisu Kristu woy ka dakol no goinawa nu to mgo otow no nigligkat to nasagboka kinow on kandin.

2 Timoteo 2:12

Ko og-aguantoon ta ka igkabaybayari ta kuntoon uromo ogbogayan ki to katondanan to ogbulig kandin to pog-alap to katondanan din to pandatuan. Di ko ogligalon ta sikandin, songo ogligalon ki nikandin.

Hibriu 10:23

Kono ta oglokaan ka og-im-imanan ta no pig-abin ta woy kono ki ogduaruwa su ogkasaligan ta ka Magboboot to ogtuman to tibo no insabut din.

Hibriu 3:6

Di si Kristu atag, ian ka Anak to Magboboot no ian tagtuun to baloy. No masalig si Hisus to og-alap to mgo otow no impasakup to Magboboot. No sikanta ka nohimu on no baloy rin, ko kono tad oglokaan ka pogsalig ta woy ka igkarago ta to sikan no og-im-imanan ta kandin.

Santiago 2:7

Woy og-inso a ko hontow ka ogsusumpalit to sikan no mabantug no ngaran ni Hisu Kristu no ian ka nig-abin kanta? Ian dod ka mgo datu.

Impapitow 11:3

Woy igpohondio ku ka daruwa no otow no talagmalogot to kinagian ku. No igpanangon ku ka kinagian ku taman to 1,260 no allow. Ogkikinabo sikandan to saku no nighimu no kinabo.

Impapitow 12:11

No ian to naroog dan si Satanas su ogligkat to nalipuwasan sikandan to langosa ni Hisus no oghingaranan to Nati to Karniru woy su ogligkat to kagi ran no igmalogot to pogtuu ran. Ian su agad ko oghimatayan sikandan, waro dan man ongkori ka pogtuu ran.

Impapitow 13:2

No to pogpitow ku to lawa to sikan no magintalunan, ogkoiling to dakol woy mabatok no miow no oghingaranan to liupardu. Ka paa rin, ogkoiling to paa to dakol no magintalunan no oghingaranan to usu. Ka bo-bo din, ogkoiling to bo-bo to liun. No ka ulod no oghingaranan to daragun, nigbogayan din ka sikan no magintalunan to kabogbogan din woy to ogpinpinnuu to pinnuuanan to pandatuan woy to dakol no katondanan din.

Impapitow 14:12

Omunaan sikaniu no mgo sakup to Magboboot no ogpaagad-agad to mgo sugu din woy ogtuu to kinagian ni Hisus, awoson now to og-aguantoon now ka igkabaybayari now no kono kow ogloko to pogtuu now to Magboboot.

Impapitow 17:14

No ogsulungon dan si Hisus no ian oghingaranan to Nati no Karniru. Di sikandin, lagkos to mgo nigtuu no ian ka nig-alam din woy masalig to ogtuman to kinagian din, ogpakaroog to sikan no mgo igbuyag, su sikandin ka Igbuyag no ogpakalabow to tibo no mgo igbuyag woy sikandin ka Datu no ogpakalabow to tibo no mgo datu.

Impapitow 17:6

Pogpitow ku to sikan no boi no nalasing sikandin to mgo langosa to mgo otow no sakup to Magboboot woy ka langosa to mgo nigtuu ki Hisus no nighimatayan dan su ligkat to pogtuu ran kandin. Pogpitow ku to sikan no boi no nabolongbolong ad on ian lagboy.

Impapitow 2:2

Nataga a to mgo batasan now. Woy nataga a to sikan no pogpoomot now to oghimuon now kanak, woy ka pog-aguanta now to mgo igkohirapi now. Woy nataga a to kono kow ogbogoy no ogdumaruma kaniu ka oghimu to maroot. No tongod to sikan no mgo otow no ubaton no ognangon to mgo suguanon sikandan ni Hisus, nig-ol-ologan now sikandan woy nigbatukan now to kono man no suguanon din sikandan.

Impapitow 3:11

Magaan ad on oglibong dio to tano. Sikan ian, hogota now ka pogtuu now kanak oyow kono ogkaagow ka sikan no igsayo ku kaniu.

Impapitow 3:3

Sikan ian, doromdoma now woy tumana now ka nigdinog now woy ka in-anad kaniu. Balowbalawi now ka goinawa now. Ian su ko kono kow oghimata, oghondiaan ku sikaniu to allow no waro now im-imani. Ogtokawon ku sikaniu no ian ogkounawaan ka poglopow to ogpanakow.