Impapitow 19:12 - Manobo Ata

¹² Ka mata rin, ogkounawa to logdog to hapuy woy mohon-ing ka mgo tangkulu rin. Duon ngaran no ingkasulat to lawa rin, di sikandin doka nataga ko nokoy ka kalitukan to sikan no ngaran.

Impapitow 19:12 Iomraidhean Croise

Matiu 11:27

Pogkaponga ni Hisus no og-ampu, nignangonan din man do ka mgo hibatoon din to, “Ka koddi no Amoy ka nigbogoy to tibo no katondanan koddi. Woy ka Amoy ku ro ka ogkataga ko hontow a. No unawa, koddi do no Anak din, ogkataga a to Amoy ku ko hontow sikandin. Songo ogkataga ka sika mgo otow no og-alamon ku ko hontow ka Amoy ku.”

Matiu 21:5

‘Nangoni ka mgo otow dio no matig Hirusalim to ogdatong ka Labow no Igbuyag dan kuntoon. Matuwarong sikandin no og-untud sikandin to nati to asno.’

Matiu 28:18

Nignangon si Hisus to, “Imbogoy koddi ka tibo no katondanan to langit woy to kalibutan.

Lukas 10:22

No, kagi ni Hisus to mgo otow, “Ka koddi no Amoy ka nigbogoy to tibo no katondanan koddi. Woy ka Amoy ku ro ka ogkataga ko hontow a. No unawa, ian koddi do no anak din, ogkataga a to Amoy ku ko hontow sikandin. Songo ogkataga ka sika mgo otow no og-alamon ku ko hontow ka Amoy ku.”

Huan 17:11

Di Amo, kona ad ogmalugoy kai to soin no kalibutan su og-uli a dio to koykow. Di sikandan, palinggalat do kai to soin no kalibutan. Woy Amo, koykow no waro salo, bantayi nu sikandan pinabayo to kabogbogan nu no unawa ian to kabogbogan no imbogoy nud koddi. Bantayi nu oyow kono ogkalagak dio to dalan no oghondio to koykow oyow ka tibo, ogkasagboka ro dio to koykow no unawa si koddi woy sikoykow, salupungan ki ro.

Huan 17:12

Ko duma a pad kandan, koddi ka nigbantoy kandan pinabayo to kabogbogan to koykow no ngaran no imbogoy nud koddi. Nigbantayan kud sikandan no waro nalagak sikandan; sagboka ro kandan ka nigsuwoy to dalan no oghondio to koykow no ian ka lukos no tahan no ogkalogparan sikandin. Nakasuwoy oyow ogkatuman ka impasulat nu dio to Tahan no Kasulatan dongan.

Episu 1:21

No dio ian si Hisu Kristu ka ogsugu. No ka katondanan din, ogpakalabow to katondanan to agad hondoi no igbuyag woy to agad hontow no mabogbog woy agad hontow no og-alap to mabogbog no katondanan. Nabogayan si Kristu to dakol no ngaran no oglabow to tibo no ngaran kai to kalibutan kuntoon woy ka dio to langit taman to waro katamanan.

Hibriu 2:9

Di duon soini no natagaan ta atag tongod ki Hisus, to impamalintok pad ka ngaran din to mgo diwata to Magboboot. No nohimu ka sikan oyow ogpakimatoy si Hisus to tibo no mgo otow su ian ka igkohoy-u to Magboboot kanta tibo. No kuntoon, nabogayan on sikandin to dakol no karoyawan woy to oyow ogmabantug on su ligkat to sikan no pogkamatoy rin kanta.

Impapitow 1:14

Ka bulbul din, maputi lagboy no ogkoiling to gapas. No ka mata rin, noiling to logdog to hapuy.

Impapitow 12:3

Pogpitow ku, duon dangob no kabolbolonganan no dio to langit. No nigkita a to malalab no ulod no dakol lagboy no oghingaranan to daragun. Duon papitu no ulu rin, no nalogob to tangkulu. Woy sampulu ka mgo sukat din.

Impapitow 13:1

Pogpitow ku man do no duon magintalunan no niglibuwas dio to dagat. Sampulu ka sukat din woy papitu ka ulu rin. Woy to tag sagboka no sukat din, duon tangkulu. Woy duon ngaran no ingkasulat to sikan no tag sagboka no ulu rin no ogdoot to Magboboot.

Impapitow 19:16

Woy duon ingkasulat no ngaran din dio to kinabo din woy dio to longod to bubun din. No kagi to sulat to, “Datu no ogpakalabow to tibo no mgo datu woy Igbuyag no ogpakalabow to tibo no mgo igbuyag.”

Impapitow 3:12

Ka otow no kono ogparoog ki Satanas, ogbogayan ku to oyow ogpokougpo sikandan dio to ugpaan ku dio to langit to waro katamanan. No ian dan ogkounawaan ka mgo suloy to sikan no Baloy no Ampuanan to Magboboot. Kono og-awo sikandan to sikan no baloy. No igsulat ku dio to kandan ka ngaran to Magboboot no ian Igbuyag ku, woy iglagkos ku to igsulat ka ngaran to sikan no dakol no lunsud to Magboboot ku. Sikan ka iam no Hirusalim no ogligkat dio to langit no oglogsad kai to tano. Woy songo iglagkos ku to igsulat kandan ka iam no ngaran ku.

Impapitow 6:2

Pogpitow ku, duon maputi no kuddo. Ka nigpanguddo, niggongon to piot. No nigbogayan sikandin to tangkulu. Nighipanow on sikandin. No ka poghipanow rin, ian ogkounawaan ka bagani no ogpakaroog to mgo usig din.