Impapitow 18:8 - Manobo Ata

⁸ Sikan ian, to songo allow ro ogkoumaan on sikandin to mgo igkabaybayari rin, mgo daralu, woy ka mgo igkapandawot din, woy ka mgo bitil, lagkos to ogkasilaban on. Ian su ka Lagboy no Igbuyag no ian ka Magboboot woy mamabogbog to tibo, ian ka oglogpad kandin.”

Impapitow 18:8 Iomraidhean Croise

Impapitow 17:16

No ka nigkita nu no sampulu no sukat no ian ka sikan no sampulu no mgo igbuyag woy ka sikan no magintalunan, ogpangusig to sikan no boi no maroot so batasan. No og-agawon dan ka mgo karatuan din no oglobasan dan sikandin woy ogkoonon dan ka sapu din no ogsilaban dan on.

Impapitow 18:19

No to pog-amulung dan, nigpanabukan dan ka mgo ulu ran to obol to tano woy ogmaninsinogow sikandan woy ogmandawot lagboy no ogpaagbot to ogkagi to, “Kalogon lagboy su naraat on ka sikan no mabantug no lunsud. Ian su ligkat to kandin no igkaratui, ogpanalapi poron ka tibo no mgo otow no tagtuun to mgo sakayan to dagat. Di to songo uras do, noubus on ka tibo no mgo kalaglagan din.” Sikan ka ogkagion dan.

1 Kurintu 10:22

Nò, kono ta og-ol-ologan ka Magboboot to ogpanalikud kanta ko ogsayoon ta pad sikandin di pogkaponga, ogsoip ki no ogsayo to mgo busow. Bak dakoldakol ka kanokalan ta to kabogbogan to Magboboot!

Impapitow 19:3

Nò, nigdinog ku ka mgo otow dio to langit no nigmaagbot man do to nigkagi to, “Sayoon tanow ka Magboboot su taman to waro katamanan, ungod og-oobol ka hapuy no ogsilab to sikan no mabantug no lunsud to Babilunia.”

Impapitow 18:17

No to waro do malingonngon no ka tibo to sikan no igkaratui rin, noubus on.” Sikan ka kagi ran. No ka tibo no mgo kapitan to mgo sakayan dio to dagat, woy ka mgo ogmanakoy woy ka mgo ogmanalabau to mgo sakayan no dio to sikan woy ka tibo no mgo otow no ogmanalabau dio to dagat, songo ogmansasindog sikandan dio to mariu to sikan no dakol no lunsud ka ogbabantoy.

Impapitow 17:18

No ka sikan no boi no nigkita nu, ian ka sikan no mabogbog no lunsud no ogboboot to tibo no mgo dakol no igbuyag kai to kalibutan.”

Impapitow 11:17

“Magboboot no ian Lagboy no Igbuyag noy, Mamabogbog ka to tibo, no sikoykow ka Magboboot dongan woy ka kuntoon woy taman to waro katamanan. Ogpasalamatan noy sikoykow su nigpurut nud on ka pandatuan nu no mabogbog lagboy woy nigbunsud kad on to pog-alap nu to mgo koot-otawan kai to kalibutan.