Impapitow 17:2 - Manobo Ata

² Ka mgo igbuyag to kalibutan, tibo nanhimu to maroot to sikan no boi. Woy ka tibo no koot-otawan, naayat to mgo maroot no hinimuan din. No nalasing sikandan to inumanon to sikan no boi su ligkat to poghimu ran to maroot.

Impapitow 17:2 Iomraidhean Croise

Huan 2:10

no kagi rin kuwo kandin, “Ka tahan no batasan to mgo otow, igpohun-a ran ka maroyow no inumanon. Ko dakol ka pog-inum to mgo magaliug, no konad on ogkananaman ka pog-inum dan, ian igpoinum ka mad-ang on. Di sikoykow, atag, noindanan nud ka maroyow no inumanon no kuntoon on igpoinum to mgo otow ka maroyow.”

Impapitow 14:8

Woy duon igkararuwa no diwata to Magboboot no nigsundul to sikan no nokohun-a no diwata, no nigkagi to, “Nagulak on. Nagulak on ian lagboy ka mabantug no lunsud no ogkohingaranan to Babilunia. Ian su ka mgo nan-ugpo to sikan no lunsud, nig-ayat dan ka tibo no mgo otow kai to kalibutan to ogmanhimu to maroot. No ian dan ogkounawaan ka boi no maroot so batasan no ogpoinumon to mgo lukos to mabulut no inumanon to oyow ogkaayat din to oghilabot kandin.”

Impapitow 17:13

Ka sikan no sampulu no mgo igbuyag, og-uyun lagboy no ogkasagboka ro ka tuud dan to igbogoy ran ka kandan no katondanan woy ka kabogbogan dan no igbulig to sikan no magintalunan no ogligkat to dagat.

Impapitow 17:17

Ian ka oghimuon dan su ka Magboboot ka ogligkatan to pog-uyun dan oyow ogkasagboka ro ka tuud dan. Sikan ian to og-uyun sikandan to igbogoy ran ka pandatuan dan dio to sikan no magintalunan taman to ogkatuman on ka mgo innangon to Magboboot.

Impapitow 17:5

Dio to bukod din, duon ngaran no ingkasulat no ingkoholos ka kalitukan din. Soini ka ingkasulat to: “Babilunia no ian mabantug no lunsud woy inoy to tibo no ogmanhimu to agad nokoy no maroot no batasan kai to kalibutan no ogpakasipod.”

Impapitow 17:8

Ka sikan no magintalunan no nigkita nu, duon pogkootow rin dongan, di warad on kuntoon. Di konad no malugoy no ogpakalibuwas sikandin ligkat to sikan no bitu no kono ogkatogkad ka karalomi rin. Pogkaponga, ogkaalap sikandin dio to ugpaan no ogpakalogpad kandin to waro katamanan. Ka tibo no mgo otow no waro ikasulat ka ngaran dan dio to sikan no sulatanan to mgo ngaran to mgo otow no ogbogayan to kouyagan no waro katamanan ligkat to poghimu to kalibutan, ogkabolongbolong sikandan ko ogkita to sikan no magintalunan su duon dongan, naawo on di mangkuwan duon on man do.”

Impapitow 18:23

Songo konad on ogkohutuk no ogkabat-awan to agad nokoy no ilawan. Woy konad on ogdinogon kai ka mgo lagong to mgo iam pad og-asawa. Ka mgo ogpandagang kai to soini no dakol lunsud, mabantug poron lagboy sikandan dio to agad hondoi kai to kalibutan. Di ligkat to pogpamulingan dan no ogpokoubat, nagawayan ka tibo no mgo koot-otawan to soini no kalibutan.

Impapitow 18:3

Ian su tibo no mgo koot-otawan to soini no kalibutan, nokoinum to sikan no inumanon din no ian ka mgo ig-ayat din oyow ogpokounug sikandan to mgo maroot no batasan din. Ka mgo igbuyag to soini no kalibutan, nighulid kandin. No ka mgo otow no ogsasaliu, nasalapian on to igkaratui rin no nigligkat to pogpanhilabot to kono no asawa rin.”

Impapitow 18:9

Ka mgo dakol no igbuyag to soini no kalibutan no nandumaruma kandin to ogmanhimu to mgo maroot no mgo batasan, ko ogkitoon dan ka obol to hapuy no ogpakasilab kandin, ogmaninsinogow woy ogpandawot.

Impapitow 2:22

Sikan ian to oglogparan ku sikandin woy ka mgo duma rin no ogmanhimu to mgo maroot. No ogbogayan ku sikandan to dalu no konad on ogpakaonow-onow dio to hibatanan dan. No ogkabaybayaran lagboy sikandan to dalu no igbogoy ku kandan. Magaan ku ogtumanon ka soini no imbohog ku ko kono dan ogbalbalawan ka goinawa ran no og-ongkoran ka mgo maroot no oghimuon dan.

Impapitow 3:10

Ian su nigpoomot kow to ogtuman to innangon ku no nig-aguanta now ka mgo igkabaybayari now. Sikan ian, ko ogdatong on ka sikan no dakol ian no igkabaybayari no ig-ol-olog uromo to tibo no mgo otow kai to tano, og-aliguan ku sikaniu.

Impapitow 9:21

Woy songo kono dan og-ongkoran ka mgo maroot no batasan dan. Di ogparagason dan nasi to ogpamunu woy to ogpamulingan no ogsampit to mgo busow, woy to oghilabot to kono no asawa ran woy kono oghagtong to ogpanakow.