Impapitow 16:10 - Manobo Ata

¹⁰ Ka igkalima no diwata to Magboboot, songo imbus-ug din ka tagu to kandin no boung dio to pinnuuanan to pandatuan to sikan no magintalunon no nigligkat to dagat. Pogkaponga to pogbus-ug, nigmarusilom lagboy ka pandatuan din. Nò, nanakagat to mgo otow ka mgo dilo dan su masakit lagboy ka nangoram dan.

Impapitow 16:10 Iomraidhean Croise

Matiu 13:42

Igpandogpak dan sikandan dio to imperno no lagboy no moinit ka hapuy no ogkikigot ka mgo ngipon dan woy ogsisinogow to ogkabaybayaran lagboy sikandan.

Matiu 13:50

Igpandogpak ka maroot dio to imperno no lagboy no moinit ka hapuy no ogkikigot ka mgo ngipon dan woy ogsisinogow sikandan to ogkabaybayaran lagboy sikandan.”

Matiu 22:13

Nò, sikan do ian, no nigsugu on to labow no igbuyag ka mgo suguonon din no kagi rin to, ‘Bangguti ka mgo bolad din mgo paa rin. Idogpak now sikandin dio to libuwasan dio to marusilom dio to logparanan. Dio ogmansinogow woy ogkakagot sikandan to ngipon dan, su ogkabaybayaran lagboy ian sikandan dio.’ ”

Matiu 24:51

Nò, subla ka poglogpad to sikan no maroot no suguanon woy igparuma to mgo otow no patuutuu ro so pogtuu ran dio to hapuy no waro katamanan. Ogngangang sikandin woy ogkikigot ka mgo ngipon din su moinit on ian lagboy ka hapuy.”

Matiu 8:12

Di songo duon mgo pinanganak ni Israil no nigpanaganaan to Magboboot to pougpaan dio to langit, di songo duon otow no igpandogpak dio to hapuy no waro katamanan. Ogkikigot ka mgo ngipon dan woy ogsinogow sikandan no ogkabaybayaran lagboy sikandan.”

Lukas 13:28

Nigparagas nigkagi to, ‘Ko ogkatuman on ka allow to Pandatuan to Magboboot, ogkitoon now si Abraham, si Isaak, si Hakub lagkos to tibo to dongan no mgo talagnangon to kagi to Magboboot woy tibo kandan dio ogpokougpo. Di sikaniu atag, dio kow ro ogpokougpo to libuwasan.’ ”

1 Pedro 2:17

Ogbogayan ta to pogtahud ka tibo no mgo otow. Woy igdakdakoli ta to goinawa ka tibo no sulod ta to pogtuu. Ogtahuron ta ka Magboboot woy songo ogtahuron ta ka labow no igbuyag to tibo no mgo ugpaan.

Impapitow 11:10

Lagboy no igkarago to mgo otow ka kamatayon to sikan no daruwa. No oghimu sikandan to ogkaragaan woy ogmabogbogayoy to mgo igkarago no mgo kalaglagan su namatoy ka sikan no daruwa no nakabayadbayad to sikan no mgo otow no og-ugpo kai to soini no tano.

Impapitow 11:2

Di kono nu sokora ka lama to sikan no Dakol no Ampuanan to Magboboot, su igkabogoy pad to mgo otow no waro mogtokod to Magboboot. No taman to kohop-atan woy daruwa no bulan, ogpandaatdaaton dan ka dakol no lunsud to Hirusalim no ian ka lunsud no pig-indanan to Magboboot.

Impapitow 11:8

Ka lawa to sikan no daruwa no nammatoy, nakatuus do duon to kalasara to sikan no dakol no lunsud. No dongan, dio ilansang ka Lagboy no Igbuyag ta to krus. Woy ian dod ka lunsud no songo ogpanag-iling to Suduma woy ko Ehipto.

Impapitow 17:17

Ian ka oghimuon dan su ka Magboboot ka ogligkatan to pog-uyun dan oyow ogkasagboka ro ka tuud dan. Sikan ian to og-uyun sikandan to igbogoy ran ka pandatuan dan dio to sikan no magintalunan taman to ogkatuman on ka mgo innangon to Magboboot.

Impapitow 17:9

Nigparagas to kagi to diwata to, “Ian do ogpakasabut to soini ka otow no mougsob ka pogdoromdom din. Ka kalitukan to sikan no papitu no ulu to sikan no magintalunon, ian ka papitu no bubungan no nigpinpinnuuan to boi no maroot. Woy ogkalituk dod to papitu no mgo igbuyag.

Impapitow 18:2

Nigbabansagon sikandin no kagi rin to, “Nagulakgulak on ka mabantug no lunsud to Babilunia. Nohimu on no ugpaanan to mgo busow woy ka mgo balbal. Woy dio ogman-ugpo ka agad nokoy mgo maligsom woy ka maroot no mgo manukmanuk.

Impapitow 18:21

Pogkaponga, duon mabogbog no diwata to Magboboot no nighonat to dakol no galingan no batu no indogpak din dio to dagat. No kagi rin to, “Ogkounawa to soini ka pogkagulak to sikan no mabantug no lunsud to Babilunia. Konad on ogkohutuk no ogkitoon.

Impapitow 18:23

Songo konad on ogkohutuk no ogkabat-awan to agad nokoy no ilawan. Woy konad on ogdinogon kai ka mgo lagong to mgo iam pad og-asawa. Ka mgo ogpandagang kai to soini no dakol lunsud, mabantug poron lagboy sikandan dio to agad hondoi kai to kalibutan. Di ligkat to pogpamulingan dan no ogpokoubat, nagawayan ka tibo no mgo koot-otawan to soini no kalibutan.

Impapitow 8:12

Nò, ka igkohop-at no diwata to Magboboot, songo nighiup on to kandin no bungag, no nigmarusilom ka igkatatolu no baad to allow woy to bulan woy to mgo bituon. Omunaan no kono amana oglayag sikandan ko marusilom woy ko maallow su naawo on ka igkatatolu no baad to layag dan.

Impapitow 9:2

Nò, nigpulasan to bituon ka sikan no bitu. No duon niglibuwas no makopal lagboy no obol. No ian ogkounawaan ka obol no ogligkat to dakol no ogkasilaban. No nigmarusilom on ka kalibutan woy naatangan ka layag to allow su ligkat to obol no niglibuwas to sikan no bitu.