Impapitow 11:7 - Manobo Ata

⁷ Pogkaponga ran to igmalogot to kinagian to Magboboot, oglibuwas on ka makahallokhallok no magintalunan no ogligkat to sikan no bitu no kono ogkatogkad ka karalomi rin. No ogsulungon din ka sikan no daruwa no talagmalogot to kinagian to Magboboot. No ogkaroog din woy oghimatayan din on.

Impapitow 11:7 Iomraidhean Croise

Lukas 13:32

Kagi ni Hisus kandan, “Hondio kow to sikan no magawoygawoy no igbuyag. Nangoni now sikandin to kuntoon no allow, pananglitan, woy ko asolom, ogdogilon ku ka mgo busow no nigsolod to lawa to mgo otow, woy ogbawian ku pad ka mgo otow no duon masakit dan, woy ka igkatatolu no allow, ogkapongaan kud on ka tuud ku kai to tano.

Lukas 8:31

Nigpohoy-uhoy-u ka mgo busow ki Hisus to, “kono koy patinugpua dio to maralom no linow no oglogparanan.”

Huan 17:4

Nigsayo a koykow, Amo kai to soin no kalibutan tongod to napongaan kud on ka insugu nud koddi.

Huan 19:30

Ko nigsupsup on ni Hisus ka mangilu no bino, nigkagi rin to, “Natuman on ka tibo.” No, nig-unduk woy inlibuwas din ka gimukud din.

Hinimuan 20:24

Di,” kagi ni Pablo, “kono ku ogkannugunan ka lawa ku. Balagad ko ogkamatoy ad oyow ogkapongaan kud on ka katondanan ku woy to sikan no igpohimu to Lagboy no Igbuyag ta no si Hisus. No ian to oyow ignangonnangon kud on ka Maroyow no Nangnangonon to sikan no igkohoy–u to Magboboot to mgo otow.

2 Timoteo 4:7

No ian ku nounawaan ka otow no ogpallaguy no ogpaag-agapoy no ogpokouma on to katamanan su nigpoomotan ku ka pogtuman ku to tibo no insugu to Magboboot kanak no nig-unugan ku lagboy ka tu-tuu ian no tinuuan.

Impapitow 11:3

Woy igpohondio ku ka daruwa no otow no talagmalogot to kinagian ku. No igpanangon ku ka kinagian ku taman to 1,260 no allow. Ogkikinabo sikandan to saku no nighimu no kinabo.

Impapitow 12:17

Nò, nabolu lagboy ka ulod to sikan no boi. Sikan ian to ogsulungon din ka duma no mgo anak to boi no ian ka ogpaagad-agad to mgo sugu to Magboboot woy ka ogpamalogot to sikan no impan-anad ni Hisu Kristu.

Impapitow 13:11

Pogpitow ku no duon dangob no magintalunan no nigligkat dio to tano. daruwa ka sukat din no ogkoiling to sukat to nati to karniru. Di ka lagong din, ogkoiling to kagi to ulod no oghingaranan to daragun.

Impapitow 13:7

No songo nigbogayan pad ka magintalunan to liwak din to ogsulung to mgo sakup to Magboboot. No ogpakaroog pad ka magintalunan kandan. Woy ogbogayan pad sikandin to katondanan din to og-alap to tibo no mgo kapunganan woy ka mgo ugpaan no ogkaloinloin no mgo kinagian kai to kalibutan.