Impapitow 11:12 - Manobo Ata

¹² No inogo on no ogdinogon to sikan no daruwa ka maagbot no kagi no ogligkat to langit no ognangon kandan to, “Hondini kow on.” No ogkabatun on sikandan dio to langit. No ogpakatotongtong ka mgo usig dan taman to ogkabukusan on sikandan to mgo salagapun.

Impapitow 11:12 Iomraidhean Croise

Lukas 16:23

No ka gimukud to datu, dio makarolog to Hadis. Nabaybayaran on ian ka sika datu no poglonghag din, nigkita rin ka gimukud ni Abraham no dio to mariu, woy duon do ian nigpinnuu ka gimukud ni Lasaru to longod din.”

Hinimuan 1:9

Pogkaponga ni Hisus to sikan no innangon din kandan, nabatun on sikandin dio to Langit no nigbantoy ka mgo suguanon din taman to naatangan on to salagapun.

1 Tisalunika 4:17

No sikanta no nigtuu no duon dod to ampow to soi tano woy ka mgo nigtuu no nouyag on, ogkabatun kinow on no ogpokog-amut-amut kinow on dio longod to mgo gapun ka ogpakatagbu to Lagboy no Igbuyag ta. No dio kinow og-ugpo kandin to waro ogkataman.

Impapitow 12:5

No lukos ka in-anak to boi. No ka sikan no bato, ian ka ogpakaalap to pandatuan to tibo no mgo koot-otowan kai to kalibutan uromo. No ko ogsugu on sikandin, waro agad hontow no ogpakaatu su mabogbog lagboy sikandin no ogkounawa to putow. Nò, nigsakolow ka bato no nig-alap dio to Magboboot woy dio to pinnuuanan din to pandatuan din no dio to langit.

Impapitow 3:21

Ka mgo otow no kono ogparoog ki Satanas, ogbogayan ku sikandan to oyow ogpakalongod kanak to ogpinpinnuu uromo su oyow ogpakabulig kanak to pogboboot ku. No ka sikan, ogkounawa rod kanak no nakaroog a ki Satanas, no songo ogpokoglongod a to Amoy ku no ogpinpinnuu no ogpakabulig a kandin to pogboboot din.

Impapitow 4:1

Pogkaponga, duon nigkita ku no gumawan dio to langit no napulasan. Woy nakarinog a to maagbot no kagi no noiling to bungag no sikan dod ka lagong no nigdinog ku to an-anayan. No nigkagi to, “Lopow ka kai su igpapitow ku koykow ka ogpokouma uromo.”