Impapitow 1:6 - Manobo Ata

⁶ Nigbogayan kinow ni Hisus to katondanan oyow ogpakabulig ki to pog-alap din to pandatuan din. Woy nohimu kinow on no mgo talagpanubad dio to tangkaan to Magboboot no ian Magboboot din dod woy Amoy rin. No si Hisu Kristu ka litos no ogkasayo ta woy to og-alap to pandatuan din woy ka kabogbogan din to waro katamanan. Malogot ian ka soini.

Impapitow 1:6 Iomraidhean Croise

Matiu 6:13

Igpamariu koy nikoykow to maroot no pogdoromdom oyow kono koy ogpokohimu to maroot. Woy igpamariu koy nikoykow ki Satanas no igbuyag to mgo busow.’

Huan 5:23

oyow songo ogsayoon a to mgo otow no ogkounawa to ogsayoon dan ka Magboboot no Amoy. Sikan no otow no kona a no Anak din ogsayoon, songo kono din ogsayoon ka Amoy ku no nigsugu koddi.”

Ruma 11:36

Ian su ka Magboboot ka ogligkatan to tibo no nohimu, woy sikandin dod ka ogsugu to tibo. Woy ligkat to tibo no nohimu, ogkasayo ka ngaran din. Sayoon ta ka Magboboot to waro katamanan. Hoo ian.

Ruma 15:6

No ian to oyow, tibo kaniu, ogkasagboka ro ka pogkasayo now to Magboboot no ian Magboboot woy Amoy to Lagboy no Igbuyag ta no si Hisu Kristu.

Pilipus 2:11

Woy tibo ogpakanangon to, si Hisu Kristu, ian ian ka Lagboy no Igbuyag to tibo. No ka sikan, songo ogkasayo dan ka Amoy ta no ian Magboboot.

1 Timoteo 6:16

Sikandin do ka ligkatan to kouyagan no waro katamanan no og-ugpo to malayag no kono ta ogkaranian. Waro nakakita kandin woy kono songo ogkakitaan to mgo otow sikandin. Ogsayoon ta sikandin woy sikandin ka ogsugu to waro katamanan. Litos ian.

Hibriu 13:21

Sikan ian to og-ampu a to oyow ka Magboboot, no ian ligkatan to maawang no goinawa ta, ogbogoy kaniu to tibo no og-awoson now to oyow ogpakatuman kow to mgo igsugu din. Woy songo og-ampu a to oyow ligkat ki Hisu Kristu, ogpokohimu kow to ogkoiniatan din. Nò, ogsayoon ta sikandin taman to taman. Hoo ian.

1 Pedro 4:11

No ko ogbogayan ki to katondanan to og-anad, og-awoson to ian ta ignangonnangon ka kinagian to Magboboot. No ko ogbogayan ki to katouanan ta to ogbulig to duma ta, og-awoson to ka igbulig ta, ogligkat to dayagang no igbogoy to Magboboot kanta. Ian su og-awoson to ligkat to tibo no igpohimu ni Hisu Kristu, ogkasayo on ka Magboboot. No sikandin ka litos no ogsayoon woy sikandin dod ka mabogbog to waro katamanan.

1 Pedro 5:11

Ogsayoon ta ka Magboboot su sikandin ka mabogbog to waro katamanan.

2 Pedro 3:18

Og-awoson to ogkatimul ka pogsabut now to sikan no ingkaanad kaniu tongod ki Hisu Kristu no ian Lagboy no Igbuyag ta woy Talagpangabang kanta. No ka sikan no pogsabut, ogligkat to pogkohoy-u rin kanta. No ligkat kuntoon taman to waro katamanan, ogsayoon tanow si Hisu Kristu. Malogot ian.

Impapitow 1:9

Sikanak no si Huan, sulod now to pogtuu ki Hisus. No nohimu a no duma now to pog-aguanta ta to igkabaybayari no ogligkat to nalagkos kinow to pog-alap din to pandatuan din. Impougpo a to songo pulu to dagat no oghingaranan to Patmus su ligkat to nignangonnangon a to kinagian to Magboboot woy su ligkat to immalogot ku ka in-anad ni Hisus kanak.

Impapitow 20:6

Ka sikan no mgo otow no ogpakalagkos to sikan no an-anayan no pogkouyag to mgo nammatoy, ogkapulusan woy ogkoindanan sikandan to waro igkoogot kandan kono ogpakalagkos to sikan no iglogpad no oghingaranan to igkararuwa no kamatayon dio to ogliabliab no hapuy no waro katamanan. Di ogkohimu on atag sikandan no mgo talagpanubad no ogsasindog to tangkaan to Magboboot woy ki Kristu. Woy ogbogayan sikandan to katondanan to ogbulig ki Kristu to pog-alap din to kandin no pandatuan to sikan no songo malan no tuid.

Impapitow 4:11

Magboboot noy no ian Lagboy no Igbuyag noy, sikoykow ro ka litos no ogsayoon woy to ogtauron woy to ogtokoron noy to mabogbog ka lagboy. Ian su nighimu nu ka tibo. Sikan ian to duon on sikandan woy duon on goinawa ran su ligkat to pogboot nu.”

Impapitow 5:10

Nighimu nu sikandan no mgo sakup nu woy to mgo talagpanubad no ogsayo to Magboboot no ian Magboboot noy. No ogbogayan nu sikandan to katondanan to ogbulig to pog-alap nu to pandatuan nu kai to tano.