Huan 1:4 - Manobo Ata

⁴ Kandin ian ka pigpuunan to kouyagan woy ka soin no kouyagan ka ogkabat-ow to goinawa to mgo otow.

Huan 1:4 Iomraidhean Croise

Matiu 4:16

tibo soini no mgo otow marusilom on ka pogdoromdom dan. Di uromo ogkitoon dan on ka ogpakabat-ow to goinawa ran. Sikandan no og-uugpo do to sika marusilom taman to ogkamatoy sikandan, duon on ogpakabat-ow to dalan dan.”

Lukas 2:32

ogkatagaan dan to soini ian ka Talapangabang kandan. Kandin, ian ogkounawaan ka ilawan no ogpakabat-ow to mgo otow no konon Hudiu oyow ogkitoon dan ka dalan no ogpokohondio koykow,” kagi ni Simion to Magboboot. “No puun to soini no bato, ogkasayo ka mgo otow nu no mgo pinanganak ni Israil” kagi ni Simion.

Huan 11:25

Kagi ni Hisus kandin, “Igi, koddi ka ogligkatan to igkootawi to mgo namatoy. Woy koddi ka ogligkatan to kouyagan no waro katamanan. Sika otow no ogtuu koddi, agad ogkamatoy ka lawa rin, ogkootawan do dio to Magboboot.

Huan 12:35

Kagi ni Hisus kuwo kandan to pananglitan. Kagi, “Duon dini to kaniu ka sikan no igbat-ow, di magaan ogkaawo. Hihipanow kow dio to nabat-awan no dalan to duon dod nigduma kaniu no malayag oyow kono kow ogkoumaan to marusilom. Sikan no otow no oghipanow to marusilom no waro igbat-ow rin, kono ogkataga ko hondoi sikandin ogdolog.

Huan 12:46

Nighondini a to soin no kalibutan oyow koddi ka igbat-ow to doromdom now oyow sikan no otow no nigtuu koddi, kono din layun og-ugpo to marusilom.”

Huan 14:6

Kagi ni Hisus kuwo kandin, “Koddi ka dalan woy koddi ka kamalogotan, woy koddi ka ogligkatan to kouyagan now. Waro agad hontow no ogpokohondio to Amoy ku no Magboboot ko kono ogbayo koddi.

Huan 3:19

Soini ka tuud to ogbobootan. Nighondini to soin no kalibutan ka Igbat-ow to pogdoromdom to mgo otow. Di kono ogkoiniat ka mgo otow to soin no igbat-ow su konon gustu ran to ogkabat-awan ka sumsumanan dan su maroot man ka oghimuon dan.

Huan 5:21

Og-uyagon to Magboboot ka namatoy su oyow ogkootawan on. Agad koddi no Anak din, songo og-uyagon ku ka agad hontow no ogkoiniatan ku to og-uyag.

Huan 5:26

Ka Magboboot no Amoy ku ka pigpuunan to kouyagan woy songo pighimu rin ka Anak din no ogpuunan to kouyagan

Huan 8:12

Nokoy pad, nighutuk nigkagi si Hisus to mgo otow. Kagi rin, “Koddi ka Igbat-ow to goinawa to mgo otow kai to soin no kalibutan. Sikan no otow no ogpasakup koddi, kono no dio to marusilom ka igkabuhi din. Duon kouyagan din no waro katamanan.”

Huan 9:5

To duon a rod kai to soin no kalibutan, koddi ka igbat-ow to sumsumanan to mgo otow.”

Hinimuan 26:23

No ian dan innangon, to og–awoson no ogkabaybayaran on ka Kristu no ian Im–imanan to mgo Koot–otawan. Woy ligkat to kamatayon din, sikandin ka oghun-a ogkouyag to waro katamanan. No ian to oyow ogkabat–awan on ka pogdoromdom to mgo Hudiu woy ka kono no Hudiu.”

1 Kurintu 15:45

Ian su duon impasulat to Magboboot dongan. Kagi rin to, “Ka an-anayan no otow no si Adan, nohimu on no pinagogoinawa to kandin no lawa.” Si Hisu Kristu no oghingaranan to mohuri no Adan ka ogpakabogoy kanta to kouyagan no waro katamanan.

Episu 5:14

Ian su ka tibo no ogkoumaan to layag, ogkabat-awan on. No ko ogkabat-awan on, ogpakatokod ko nokoy on ka mgo batasan. Sikan dod ian ka lituk to soini dangob no pananglitan: “Sikaniu no ogmanhirogo, himata kow on. Woy sikaniu no nammatoy, kokouyag kow on, no ogkabat-awan kow on ni Kristu.”

Kulusas 3:4

Si Kristu ka ogligkatan to soini no iam no pogkouyag ta. No ko oglibong sikandin kai to kalibutan, ogpakaamut kid on kandin, no ogkakitaan tad ka igbogoy rin kanta no karoyawon din.

1 Huan 1:1

Soini ka igsulat ku kaniu tongod ki Hisu Kristu no ian ogngaranan to Kinagian. Duon tahan si Hisus no waro pad nohimu ka soini no kalibutan. Di sikanami no mgo suguanon din, nigdinog koy to kagi rin woy namolmologan noy on ian to pogpitow noy kandin, woy songo nakagongon koy to lawa rin. Si Hisus ka ogpohitaga kanta to pogkouyag no nigligkat to Magboboot,

1 Huan 1:2

No si Hisus dod ka kouyagan no impohitaga kanami. Sikandin, dio tahan nig-ugpo to Magboboot no ian Amoy ta di nighondiid to kanami. Nigkita noy on sikandin no ian ka ogbogoy kanta to sikan no kouyagan ta. No sikan ian to ogpakamalogot koy to sikan no kouyagan no waro katamanan no impohitaga to Magboboot kanami.

1 Huan 5:11

No ka soini igmalogot kanta to duon imbogoy to Magboboot kanta to kouyagan ta no waro katamanan. No ka sikan no kouyagan ta, ogligkat to Anak din.

Impapitow 22:1

Nò, ka sikan no diwata to Magboboot, songo duon impapitow rin kanak no woig no ogpakabogoy to kouyagan. Ka sikan no woig, mating-ow lagboy woy ogpangini-kini. No dio ogligkat to sikan no pinnuuanan to Magboboot to pandatuan din no ian dod ka pinnuuanan to sikan no ogkohingaranan to Nati no Karniru.

Impapitow 22:16

Kagi rin, “Sikanak no si Hisus, nigsugu ku ka diwata ku dio to kaniu no nigtuu to Magboboot oyow ogkanangnangonan kow on to soini tibo. Nò, kapunganan a ni Dabid dongan. No sikanak ka ogkohingaranan to malayag no buntatalo.”