Huan 1:3 - Manobo Ata

³ Pinabayo kandin ka tibo no nighimu to Magboboot. Waro mohimu ka agad sagboka ko kono no pinabayo kandin. Salupungan din do to Magboboot to nighimu.

Huan 1:3 Iomraidhean Croise

Huan 1:10

Duon sikandin kai to soin no kalibutan no pinabayo kandin nighimu to Magboboot ka soin no kalibutan di waro tokora to mgo otow to sikandin ian ka ogpakabat-ow.

Huan 1:2

Ligkat to kabinunsuran, tahan on nokoruma ka Kagi to Magboboot.

1 Kurintu 8:6

Dokad di, sikantanow atag no nigtuu, sagboka ro ka tu-tuu ian no Magboboot no ian Amoy ta. Sikandin ka ogligkatan to tibo woy sikandin dod ka oghimuan ta to tibo no oghimuon ta. Woy sagboka ro ka Lagboy no Igbuyag ta no si Hisu Kristu. Sikandin ka pinohimu to tibo woy ligkat dod kandin, nabogayan kinow to iam no pogkouyag ta.

Episu 3:9

Woy nigsugu a rin to oyow ogpohitagoon ku ka agad hondoi no mgo otow ko ogmonuon to Magboboot ka pogtuman to tuud din no waro pad dongan ipohitaga to mgo otow. Ian su ka Magboboot no ian talaghimu to agad nokoy no kalaglagan no nohimu on, inholos din pad ka sikan no tuud din.

Hibriu 11:3

Nò, ligkat to pogtuu ta to Magboboot, nakasabut kid to nohimu soini no kalibutan ligkat to kagi ro to Magboboot. Su ian ian, nataga kid to ka ogkakitaan ta, nigligkat to sikan no kono tad ogkitoon.

1 Huan 5:1

Ka tibo no mgo otow no ogtuu to si Hisus ka Im-imanan to mgo Koot-otawan no oghingaranan ki Kristu, mgo anak to Magboboot sikandan. No ko tu-tuu ian to indakoli to songo otow ka Amoy ta no ka Magboboot, ogpakalagkos dod to igdakoli rin ka mgo anak din.

Impapitow 3:14

Nigkagi man do sikandin to, “Isulat nu ka soini no igpaalap nu dio to sikan no suguanon ku no ogtanudtanud to mgo otow no nigtuu to Magboboot no dio to lunsud to Laodisia. Soini ka kagi no igsulat nu, ‘Ka soini no kagi, ogligkat kanak no oghingaranan to Talagmalogot. Woy sikanak dod ka ogkasaligan woy tu-tuu ian ka igmalogot ku. Woy sikanak ka impohimu to Magboboot to tibo to soini no kalibutan woy ka dio to langit.

Impapitow 4:11

Magboboot noy no ian Lagboy no Igbuyag noy, sikoykow ro ka litos no ogsayoon woy to ogtauron woy to ogtokoron noy to mabogbog ka lagboy. Ian su nighimu nu ka tibo. Sikan ian to duon on sikandan woy duon on goinawa ran su ligkat to pogboot nu.”