Hibriu 9:3 - Manobo Ata

³ Duon manggad no ingkoolot to sikan no nokohun-a no sinabong woy duon igkaruwa no manggad no ingkoolot to igkarangob no sinabong dio to solod. No ka sikan no sinabong no dio to limang to sikan no igkaruwa no ingkoolot, nighingaranan to Kinaroyawan no Sinabong.

Hibriu 9:3 Iomraidhean Croise

Matiu 27:51

Nokogdongan to pogkamatoy ni Hisus napori on ka sikan no malayat no makopal no manggad no ig-atang dut gumawan to songo sinabong dio to solod to Dakol no Ampuanan. To napori, dio to ampow nigbunsud taman to diralom. Woy nigdinug ka tano woy napori ka mgo daddakol no mgo batu.

Hibriu 6:19

Ka sikan no im-imanan tanow to ogkatuman on ka innangon to Magboboot, ogkounawa to igpalibatu to goinawa ta oyow kono ogkalokaan ka pogsalig ta kandin. No ligkat to sikan no im-imanan ta, ogkounawa to nakasolod kinow on dio lagboy to tangkaan to Magboboot. Ka sikan, nounawa to sikan no mgo Labow to mgo Talagpanubad to mgo Hudiu dongan no nakasolod to sikan no sinabong dio to ampuanan dan no noolatan to manggad su lagboy nig-indanan to Magboboot.

Hibriu 9:7

Di ian do ogpakasolod to sikan no igkarangob no sinabong, ka Labow to mgo Talagpanubad. No kasagboka ro ka pogsolod din to songo tuid. Di woy ro ogpakasolod sikandin ko duon langosa to ayam no og-alapon din no igbogoy woy igpanlimpas din dio to Magboboot no litos to kandin no salo woy ka salo to mgo duma rin no Hudiu.

Hibriu 9:8

No ligkat to sikan, impohitaga to Gimukud to Magboboot kanta, to tagood to waro pad napolod ka tahan no ampuanan, kono pad ogpakasolod ka duma no mgo otow dio to sikan no Kinaroyawan no Sinabong no dio lagboy to tangkaan din.