Hibriu 8:5 - Manobo Ata

⁵ Ka oghimuon to sikan no mgo talagpanubad no kai to tano, tigbal do no ogkoiling woy ogkounawa ro to alung to sikan no tu-tuu ian no Kinaroyawan no Ampuanan no dio to Langit. Ogkounawa ian ki Moisis dongan, su to nigpohimu on ka Magboboot kandin to sikan no tagooran no ampuanan, kagi rin ki Moisis to, “Og-awoson to og-unugan nu ka impapitow ku koykow no dio ka pad to bubungan.”

Hibriu 8:5 Iomraidhean Croise

Matiu 2:12

Nò, to dio pad ka mamimituon no mgo otow to Bitlihim, pinabayo to tagoinop nignangonan sikandan to Magboboot no kono sikandan oglibong dio ki Hirodis. Tongod to soini, to poglibong dan to ugpaan dan waro sikandan nigbayo to dalan no nigbayaan dan to poghondio dan to Bitlihim.

Hinimuan 7:44

Kagi ni Istiban, “To dio dod ka mgo kaap–apuan ta to holholawan, songo pig–alap dan ka tagooran no ampuanan dan to tu–tuu ian no Magboboot. Ka sikan, in–ayun lagboy to sikan no innangon woy impapitow to Magboboot ki Moisis.

Kulusas 2:17

Ka sikan no mgo batasan no ogligkat to mgo Balaod no ingkasulat dongan ki Moisis, tigbal do no mgo alung no ingkatuon to mgo otow to sikan no waro pad dongan matuman. Di si Kristu ka nakatuman to sikan no impananglitan dan.

Hibriu 10:1

Nò, ka sikan no Balaod ni Moisis dongan, noiling do to alung su tigbal do nokog-iling to sikan no ogpokouma no madmaroyow no ian tu-tuu uromo. Sikan ian, to tibo no tuid, ka sikan no ogsimba, ungod oghutukhutuk to pogtubad dan to mgo ayam no igtuman to sikan no Balaod. Di ka sikan waro lagboy makaayun kandan to Magboboot.

Hibriu 11:7

Si Noi dongan, ligkat to pogtuu rin to Magboboot, nigpamminog to mgo imbohog kandin ko nokoy ka ogkatuman no waro pad nigbunsud. Nigpaagad-agad no nighimu to dakol no arka oyow ogpokountud ka asawa rin, mgo anak din woy ka mgo asawa to mgo anak din oyow kono ogkallonod sikandan. Ligkat to kandin do no pogtuu, nabobootan ka tibo no waro nigtuu kai to kalibutan woy nigbogayan to Magboboot si Noi to sikan no naayun no goinawa rin dio to tangkaan din no ogligkat to pogtuu tanow kandin.

Hibriu 12:25

Sikan ian, og-awoson to og-ayad-ayad ki ro to ogpamminog to sikan no ogkagi no ian ka Magboboot su ka mgo otow dongan no waro nigpamminog to kagi rin no impanangon din ki Moisis, niglogparan sikandan. No sikanta kuntoon, dakoldakol pad man ka iglogpad kanta ko og-iniug ki to Magboboot no ogbohog kanta no ogligkat dio to langit.

Hibriu 13:10

Sikan ian, ka mgo talagpanubad to mgo Hudiu no og-unug to sikan no mgo Balaod dio to sikan no tagooran no ampuanan dan, waro labot dan to soini no karoyawon no ogligkat to ingkatubad ni Hisus no ogpakaawo to mgo salo ta.

Hibriu 9:9

Ka sikan no nohimu ran, ogpanag-ilingan to soini no kuntoon on kanta su ligkat to nighimu ni Hisus. Ian su, ka mgo igbogoy to mgo otow dio to Magboboot woy ka mgo ayam no oghimatayan dan no igtubad, kono ogpakaayun to goinawa to mgo ogsimba dio to kandin.

Impapitow 15:5

Pogkaponga to sikan, nigkita ku no napulasan on ka Kinaroyawan no Sinabong to Dakol no Ampuanan no dio to langit. No dio to solod, duon ka ingkasulat no sabut to Magboboot.