Hibriu 8:10 - Manobo Ata

¹⁰ “ ‘Nò,’ kagi to Lagboy no Igbuyag ta to, ‘Soini ka iam no sabut ku no oghimuon ku uromo to mgo pinanganak ni Israil. Ka mgo Balaod ku, igsabuk ku dio to doromdom dan woy dio ku igsulat to goinawa ran. No ogkohimu ad on no Magboboot dan. No sikandan, songo ogkohimu on no mgo sakup ku.

Hibriu 8:10 Iomraidhean Croise

2 Kurintu 3:3

Ogtokoron ta to si Hisu Kristu ka talagsulat no nigpatuu kaniu ligkat to innangonnangon noy kaniu. Di kono no tinta ka insulat din woy songo kono no batu no manipis ka nigsulatan. Di ka Gimukud to Magboboot ka nigsulat dio to goinawa now.

1 Pedro 2:9

Di sikanta atag, nig-abin kinow rin no mgo sakup. Woy nohimu kinow on no mgo talagpanubad to Labow no Igbuyag ta no si Kristu. Woy nig-indanan kinow to Magboboot oyow ogkounug ta lagboy ka mgo batasan din. Woy sikandin ka lagboy no tagtuun kanta. No ian su oyow ogpakanangonnangon ki to maroyow woy kabolongbolonganan no mgo hinimuan din. Nigpangabangan kinow rin to salo ta oyow ogkaawo kinow on to karusiloman woy ogkahalin kinow on dio to kandin no kaawangan no maroyow lagboy.

Ruma 11:27

Soini ian ka pogkasabuti ku kandan to og-awoon kud on ka mgo salo dan.” Soini ka ingkasulat dongan.

Santiago 1:21

Sikan ian to og-awoson to og-iniugan tad on ka tibo no maroot no batasan ta woy ka tibo no lagut no duon to goinawa ta. Woy songo og-awoson to igpariralom tad ka goinawa ta to Magboboot su oyow ogpakapaagad-agad ki to kinagian din no ingkasabuk din duon to goinawa ta. Ian su ka kinagian din ka ogpakapangabang kanta to sikan no iglogpad din.

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

1 Pedro 1:23

Ian su nigbogayan kinow on to Magboboot to iam no pogkouyag no waro nigligkat to otow no ogkamatoy. Di nigligkat atag to Magboboot no kono ogkamatoy. No ka kinagian din no kono ogkaawo, ian ingkabogoy to sikan no kouyagan ta no waro katamanan.

Santiago 1:18

Ligkat to imboot to Magboboot, nighimu kinow rin on no mgo anak din ligkat to pogtuu ta to kinagian din no tu-tuu ian. No ian su noiniatan din to oyow ogpakaampow-ampow ki to tibo no nighimu rin. No ian ogkounawaan ka an-anayan no ogkagaani ta no igpayag ta to Magboboot.

Matiu 22:32

Nalugoy on namatoy si Abraham woy si Isaak woy si Hakub to nignangon ka Magboboot ki Moisis to ‘Sikoddi ka Magboboot ni Abraham woy ni Isaak woy ni Hakub.’ Sikandin ka Magboboot to mgo nouyag no mgo otow; kono no Magboboot to mgo nammatoy.”

Hibriu 11:16

Dokad di, lagboy ran ogkoiniatan ka madmaroyow no lunsud no ian ka dio to langit. No su ian ka ogkoiniatan dan, kono ogkasipod ka Magboboot to og-abinon dan to sikandin ka Magboboot dan. No duon impanagana rin no songo lunsud no litos kandan no dio to langit.

1 Kurintu 6:16

Woy songo nataga kow on porom to, ka lukos no oghulid to boi no maroot ka batasan din, ogkasagboka on ka lawa ran. Ian su ogkounawa to impasulat to Magboboot dongan tongod to iam no alunggun. Kagi rin to, “Ogkasagboka ro ka lawa to sikan no daruwa.” Ian ka nasulat.