Hibriu 6:3 - Manobo Ata

³ Di ko igbogoy to Magboboot, ogparagason noy ro porom ka pog-anad noy no ogpakahogot to pogtuu now.

Hibriu 6:3 Iomraidhean Croise

Hinimuan 18:21

Di woy nighipanow si Pablo, kagi rin kandan to, “Ko igbogoy to Magboboot, oglibong a ro.” No nigsakoy man do si Pablo to barku ligkat to Episu.

Ruma 15:32

No ian to oyow, ko igbogoy to Magboboot, dakol ka igkarago ku no ogpokohondio a to kaniu, woy to oyow ogmaawang ka goinawa ku ligkat to pogsagpit ku dio to kaniu.

1 Kurintu 16:7

Ian su to soini no ighondio ku kaniu, kono a ogkoiniat no ogsagpit a ro duon su og-iman-iman a ko ogmalugoy a pad poron to kaniu ko igbogoy to Lagboy no Igbuyag ta.

1 Kurintu 4:19

Dokad di, ko igbogoy to Lagboy no Igbuyag ta, magaan a ro ogpakapanumbaloy dio to kaniu. No ko ogpokouma ad on, ogkatagaan ku ka kabogbogan to sikan no otow no ogparakoldakol ko tu-tuu ian woy ko tigbal do no kagi ran.

Hibriu 6:4

Ian su ko duon otow no nabat-awan on to Magboboot ka goinawa ran, woy nokool-olog sikandan to soini no pogkouyag ta no igbogoy to Magboboot, woy nabogayan on sikandan to Gimukud din, woy to karoyawan no ogligkat to kinagian to Magboboot. Woy songo nakakita sikandan to oghimuon to Magboboot no nigligkat to kabogbogan din no ogkoiling to sikan no oghimuon din uromo ko ogpokouma on ka mohuri no mgo allow. Di ko og-ongkoran on to sikan no otow ka pogtuu ran, konad on ogkohimu no ogkohutuk no ogsondit woy og-ongkod to maroot no batasan dan no oghalin man doka goinawa ran dio to Magboboot. Ian su ka oghimuon dan, ogkounawa to igpalansang dan man doka Anak to Magboboot dio to krus woy ogpasiporan dan si Hisus dio to tangkaan to mgo otow.

Santiago 4:15

Soini atag ka maroyow no ignangon ta porom. Ogkagi ki to, “Ko igbogoy to Lagboy no Igbuyag ta no kono ki pad ogkamatoy, litos no ogkaparagas ta ko nokoy ka oghimuon ta.”