Hibriu 4:9 - Manobo Ata

⁹ Sikan ian to, nataga ki to duon dod himolayan no igbogoy to Magboboot dio to mgo otow no ogpasakup kandin. No ka sikan, ogkounawa rod to sikan no himolayan to Magboboot dongan to sikan no igkapapitu no allow ko napongaan din on ka tibo no nighimu rin.

Hibriu 4:9 Iomraidhean Croise

Matiu 1:21

Og-anak sikandin to lukos no hingarani nu sikandin ki Hisus su sikandin ka ogpakapangabang to mgo koot-otawan to mgo salo dan.”

Titu 2:14

Sikandin ka nigpakimatoy dio to krus oyow ogbalukason kinow to oyow ogkohimu to kono kid on oghimu to maroot. Woy nigbogayan kinow rin to goinawa no ogmaawang kandin, woy nighimu kinow rin no mgo sakup din no ogpoomotan no oghimu to maroyow ro ian.

Hibriu 11:25

Madmaroyow rin atag, to og-aguantoon din ka mgo igkabaybayari to mgo duma rin no mgo pinanganak ni Israil no sakup to Magboboot to ogpakaamut pa sikandin to sikan no igkarago no magaan do ogkaawo no ogligkat to mgo maroot no oghimuon dan dio to Ehipto.

Hibriu 3:11

Sikan ian to nabolu ad on ian no nigsapaan ku to konad on ogpokosolod ka sikan no mgo otow dio to intagad ku poron kandan no himolayan.” Sikan ka innangon to Magboboot.

Hibriu 4:1

Sikan ian, tagood to duon dod ka sikan no innangon to Magboboot kanta to duon himolayan no impanagana rin, og-awoson to og-ayad-ayad ki oyow waro agad sagboka kanta no kono ogpakatood no ogsolod uromo dio to sikan no himolayan.

Hibriu 4:10

Ian su, agad hontow no ogsolod to himolayan to Magboboot, songo ogpakahagtong on to kandin no oghimuon no ogkoiling dod to Magboboot no nighimoloy on to kandin no poghimu.

Hibriu 4:3

Di sikantanow atag no nigtuu on, ogpakasolod kid to sikan no intagad din no himolayan. Ka innangon ku, ogpakaayun to kagi to Magboboot no ingkasulat dongan. Kagi rin to, “Nò, su nabolu ad, nigsapaan ku to kono ad on ogbogoy to ogsolod ka sikan no mgo otow to sikan no himolayan ku.” Sikan ian ka kagi rin di ko napongaan din on ka soini no kalibutan, duon on tahan ka sikan no igtagad din no himolayan.

Hibriu 4:8

Woy songo nataga ki to, ka sikan no himolayan no innangon to Magboboot dongan no igbogoy rin, kono man no ka nigdatongan to mgo otow no nigduma dongan ki Husui, su ko ian ian pa ka himolayan, waro din porom inangon to duon dangob no allow uromo no ogbogoy sikandin to sikan no himolayan.

1 Pedro 2:10

Nokani, kono ki pad no mgo sakup to Magboboot, di kuntoon nohimu kinow on no sakup din. Nokani, waro ki pad nohoy-ui to Magboboot, di kuntoon, nohoy-uan kinow rin on.

Impapitow 14:13

Woy duon narinog ku no lagong ligkat to langit no nigkagi to, “Isulat nu ka soini. Ligkat kuntoon, ogkapulusan ka mgo otow no ogkoumaan to igkamatoy ran su ligkat to pogtuu ran to Lagboy no Igbuyag ta. No nigtabak ka Gimukud to Magboboot no nigkagi to, “Malogot ian to ogkarago sikandan su ogpokohimoloy on sikandan su warad on ka igkabaybayari ran no nig-aguanta ran tongod to pogtuu ran. Woy ogsayoon sikandan su tongod to mgo maroyow no hinimuan dan.”

Impapitow 21:4

Og-awoon din on ka tibo no igmasakit to goinawa ran su warad kamatayon, warad on igpandawot, warad on ogsinsinogow, su ogpunasan din ka tibo no mgo luwo to mgo mata ran su ka tahan no pog–ugpo to soini no kalibutan, ogkaawo on.”