Hibriu 4:2 - Manobo Ata

² Ian su ogkounawa ki rod to sikan no mgo otow no noumaan on dongan to soini no Maroyow no Nangnangonon. Di agad to songo nakarinog sikandan, waro pulusi to sikan no nangnangonon su waro dan tuui.

Hibriu 4:2 Iomraidhean Croise

Hinimuan 13:46

Di nasi no nigbaghotan ni Pablo woy ki Birnabi to ignangon dan to mgo Hudiu to, “Sikaniu porom ka oghunnaan ognangoni to kinagian to Magboboot. Di, su ogkoison now man, sikaniu ka nigboboot to kono no litos no ogpurut kow to soini no kouyagan no waro katamanan. Sikan ian to dio koy on ogpannangonnangon to mgo otow no kono no Hudiu.

Hinimuan 3:26

Kagi ni Pedro to, “Sikan ian no impohondini to Magboboot si Hisus no Suguanon din kai to tano. No nigpohun-a rin sugua kai to kanta no mgo Hudiu oyow ogkohunnaan kid ogkabogayan to karoyawan su tongod to og–ongkoran tad on ka mgo maroot no batasan ta.”

Ruma 2:25

Tongod to batasan ta no Hudiu to ogpatuli no igmaganangon to nigpasakup kinow on to Magboboot, duon ian pulus ko ogpaagad-agad kinow to sikan no dongan no Balaod din. Di ko kono ta ogpaagad-agaran ka sikan no Balaod din, waro pulus ka pogpatuli ta su ogkounawa kinow ro to mgo otow no kono no Hudiu no waro nigpatuli no tahan no waro mataga to Magboboot.

Ruma 3:3

Agad to duon mgo Hudiu no waro nigpaagad-agad to kinagian to Magboboot no impasulat din kandan, di kono ogkohimu ko kono ogtuman ka Magboboot to kandin no innangon,

1 Kurintu 13:3

No ko igpambogoy ku ka tibo no kalaglagan ku dio to mgo ayuayu, woy ko igbogoy ku to ogpasilaban ka soini lawa ku su ligkat to pogtuu ku ki Hisus, di ko waro goinawa ku to mgo otow, songo waro pulus ku.

Galasia 3:2

Nò ka nigbogayan kow to Gimukud to Magboboot, og-inso a ko nigligkat pa to pogtuman now to Balaod ni Moisis? Waro su nataga kow to, woy kow mabogayi to Gimukud to Magboboot ko nigtuu kow on ki Hisu Kristu no nigdinog kow to sikan no nangnangonon tongod kandin.

Galasia 3:8

Duon to Tahan no Kasulatan to kinagian to Magboboot to duon uromo mgo otow no kono no Hudiu no ogkohimu on no maroyow dio to tangkaan din su ligkat to pogtuu ran kandin. Sikan ian to impanoy rin innangonnangon ki Abraham to soini no Maroyow no Nangnangonon no nigkagi ka Magboboot kandin to, “Ligkat to pogtuu nu kanak, ogkohoy-uan ku ka agad hontow kai to soini no kalibutan.” Ian ka kagi rin.

Galasia 4:13

Nataga kow to, ka sikan no an-anayan no innangonnangon ku kaniu tongod ki Hisus no dio a pad to kaniu, ian su nigdaralu ad dio no waro a mokohipanow.

1 Tisalunika 1:5

No ian to nataga koy su ka innangon noy kaniu to sikan no Maroyow no Nangnangonon, waro nigligkat to kanami ro no kagi di nigligkat to kabogbogan to Gimukud to Magboboot no immalogot to kagi noy. Woy nigkita kow to ian do batasan noy no nig-ugpo koy dio to kaniu to oyow ogpakabulig koy kaniu.

1 Tisalunika 2:13

Woy ungod noy ogsayoon ka Magboboot su namminog kow to innangonnangon noy kaniu no kagi rin, woy insabuk now on dio to taliwaro to goinawa now su nigtokoran now on to kinagian ian to Magboboot, kono no kagi ro duon to mgo otow. No ligkat to sikan no kagi rin, ogmasalig ka pogtuu now ka mgo otow no nigtuu on kandin.

1 Timoteo 4:8

Duon malintok no pulus ta ko og-anaron ta ka lawa ta, di dakol ka pulus ko ogkaanad ki to ogpaagad-agad to ogkoiniatan to Magboboot su sikan ka ogpakabogoy kanta to maroyow no pog-ugpo ta kuntoon woy ko uromo no dio kinow on to langit.

Hibriu 11:6

Nò, kono ogkarago ka Magboboot kanta ko waro pogtuu ta kandin su sikan no otow no ogdani kandin no og-ampu, og-awoson to ogtuu to duon ian sikandin woy to ogbogayan din to maroyow ka sikan no otow no ogpamangho kandin.

Hibriu 3:12

Nò mgo sulod to pogtuu, ayad-ayad kow oyow waro agad sagboka kaniu no ogmarooton to goinawa now no kono kow on ogtuu ki Hisus, su ko ogkoiling kow, ogkoiniugan now buwa ka Magboboot no kono ogkamatoy.

Hibriu 4:6

Nò, ka sikan no mgo otow no nokohun-a no nigdinog to sikan no Maroyow no Nangnangonon to Magboboot, waro makasolod to himolayan din su waro nigtuu. No sikan ian to duon on duma no mgo otow no ogpakasoip no ogliwan kandan. No ian on ogkabogayan to Magboboot to ogsolod to himolayan din.

Santiago 1:21

Sikan ian to og-awoson to og-iniugan tad on ka tibo no maroot no batasan ta woy ka tibo no lagut no duon to goinawa ta. Woy songo og-awoson to igpariralom tad ka goinawa ta to Magboboot su oyow ogpakapaagad-agad ki to kinagian din no ingkasabuk din duon to goinawa ta. Ian su ka kinagian din ka ogpakapangabang kanta to sikan no iglogpad din.

1 Pedro 1:12

Di nigpohitagaan to Magboboot ka mgo talagnangon to kagi rin to kono no sikandan ka ogkabuligan to sikan no innangon dan dongan, di sikanta kuntoon ka ogkabuligan. No ka sikan no impanoy ran inangon, songo ingkanangon on kuntoon su duon mgo otow no nigsugu to Magboboot oyow ogkanangonan kow to soini no Maroyow no Nangnangonon tongod ki Hisu Kristu. No ka Gimukud to Magboboot no nigligkat to Langit ka nigpohitaga kandan ko nokoy ka igkanangonnangon dan. No ka mgo diwata to Magboboot, songo ogkoiniat no ogpakasabut poron sikandan to sikan no ignangonnangon dan.