Hibriu 4:16 - Manobo Ata

¹⁶ Sikan ian to kono kid ogkasipod to ogdani to Magboboot no magaan ogkohoy-u. Ian su oyow ogkohoy-uan kinow rin no ogkabuligan kinow nikandin ko duon kohirapi ta.

Hibriu 4:16 Iomraidhean Croise

Episu 2:18

Ligkat to nasagboka kinow on ki Kristu, sikanami no Hudiu woy sikaniu no kono no Hudiu, nakarani kinow on to Amoy ta no ian Magboboot. No ian su sagboka ro ian ka Gimukud to Magboboot ka og-alagad kanta dio to tangkaan din.

Episu 3:12

No kuntoon, su ligkat to nasagboka kinow on ki Hisu Kristu woy su nigtuu kinow on kandin, kono kid ogkasipod to ogdani to Magboboot no og-ampu.

Hibriu 13:6

Omunaan to waro igduwaruwa ta no ogkagi ki to, “Ka Lagboy no Igbuyag ka talagbulig kanak. Kono a ogkahallok ko ogkoomonu a to mgo otow.”

Hibriu 3:6

Di si Kristu atag, ian ka Anak to Magboboot no ian tagtuun to baloy. No masalig si Hisus to og-alap to mgo otow no impasakup to Magboboot. No sikanta ka nohimu on no baloy rin, ko kono tad oglokaan ka pogsalig ta woy ka igkarago ta to sikan no og-im-imanan ta kandin.

Hibriu 7:19

Ian su ka sikan no tahan no Balaod, waro makaayun to goinawa to agad hontow. Dokad di kuntoon, nabogayan ki to madmaroyow no ogkoim-imanan ta. No ka sikan, ogkohimu on no dalan ta oyow ogpakarani kid on to Magboboot.

Hibriu 7:25

Sikan ian to agad nokoy no allow, ogkohimu no ogkapangabangan din ka agad hontow no ogbayo kandin no ogdani to Magboboot. Ian su waro katamanan to pogkouyag ni Hisus no ogpakabulig to mgo otow dio to tangkaan to Magboboot.

Hibriu 9:5

Dio to ampow to sikan no baul, duon ka nohimu no inotow to daruwa no noiling to diwata to Magboboot no igmaganangon to duon ka Magboboot to marani. Ka ampow to sikan no baul, natorongan to pakpak dan no nighingaranan dan to Pasayluanan to Magboboot. Di waro igliwak noy kuntoon to igbatbat ka tibo.

1 Pedro 2:10

Nokani, kono ki pad no mgo sakup to Magboboot, di kuntoon nohimu kinow on no sakup din. Nokani, waro ki pad nohoy-ui to Magboboot, di kuntoon, nohoy-uan kinow rin on.