Hibriu 4:1 - Manobo Ata

¹ Sikan ian, tagood to duon dod ka sikan no innangon to Magboboot kanta to duon himolayan no impanagana rin, og-awoson to og-ayad-ayad ki oyow waro agad sagboka kanta no kono ogpakatood no ogsolod uromo dio to sikan no himolayan.

Hibriu 4:1 Iomraidhean Croise

Matiu 24:48

Di pananglitan,” kagi ni Hisus, “Ko maroot so goinawa to sikan no suguanon din, kagi to goinawa rin to, ‘Mananoy pad og-uli ka igbuyag ku.’

Hinimuan 3:19

“Sikan ian mgo sulod, sonditi now on ka mgo batasan now no maroot woy halina now ka goinawa now dio to Lagboy no Igbuyag ta no si Hisus oyow ogkaawo on ka mgo salo now woy oyow ogkabogayan kow to maawang no goinawa no ogligkat to ogdanian kow nikandin.

Ruma 11:20

Tu-tuu ian to nakaliwan kow. Di ian to natamporan on ka mgo Hudiu su waro mogtuu. Di sikaniu, nakasumpul kow on atag su nigtuu kow on. Sikan ian, kono kow ogmarayandayan di ayad-ayad kow,

Ruma 3:23

su ka tibo no mgo otow, makasasalo to Magboboot no ka mgo batasan dan, nakamariu to karoyawon din.

1 Kurintu 10:12

Sikan ian, ka sikan no otow no nahan din no dakol ka pogtuu rin, og-awoson din to ogdoroyow oyow kono ogpakasalo sikandin.

2 Kurintu 6:1

Nò, su nohimu koy on no talagbulig to Magboboot, duon ogbuyuon noy kaniu no nabogayan on to ingkohoy-u to Magboboot. No ian noy igbuyu to oyow kono now ogdaaton ka sikan no ingkohoy-u rin kaniu.

Galasia 5:4

Sikaniu no ogsalig to pogtuman now poron to Balaod ni Moisis su nahan now no ian ka ogpokohimu kaniu no maroyow dio to tangkaan to Magboboot, niglokaan now si Kristu. No sikan ian to naatangan kow on to sikan no pogkohoy-u rin poron kaniu.

2 Timoteo 2:13

Agad kono ki ogkasaligan no ogtuman to kinagian to Magboboot, di ogkasaligan atag sikandin no ogtuman to kinagian din su kono ogkohimu ko kono din ogtumanon ka innangon din.

Hibriu 12:15

Soini pad. Doyowroyow kow oyow waro agad sagboka kaniu no ogkasayop to tibo no igkohoy-u to Magboboot kanta woy to oyow waro maroot dio to kaniu no ogpakasuwoy to pogtuu to duma ta no ian ogkounawaan ka ogtubu no mapoit no ogpokohilu.

Hibriu 12:25

Sikan ian, og-awoson to og-ayad-ayad ki ro to ogpamminog to sikan no ogkagi no ian ka Magboboot su ka mgo otow dongan no waro nigpamminog to kagi rin no impanangon din ki Moisis, niglogparan sikandan. No sikanta kuntoon, dakoldakol pad man ka iglogpad kanta ko og-iniug ki to Magboboot no ogbohog kanta no ogligkat dio to langit.

Hibriu 13:7

Doromdoma now ka nokohun-a no mgo igbuyag now su sikandan ka nig-anad kaniu to kinagian to Magboboot. Woy songo doromdoma now ka mgo batasan dan taman to kamatayon dan. No unugi now ka malogot no pogtuu ran ki Hisus.

Hibriu 3:11

Sikan ian to nabolu ad on ian no nigsapaan ku to konad on ogpokosolod ka sikan no mgo otow dio to intagad ku poron kandan no himolayan.” Sikan ka innangon to Magboboot.

Hibriu 4:11

Sikan ian no og-awoson to ungod ki ogpoomot to oyow ogpakasolod ki to sikan no himolayan to Magboboot. No og-ayad-ayad ki to oyow waro agad sagboka kanta no ogpokoiling to sikan no mgo otow no waro nigpaagad-agad no waro makatood no ogsolod.

Hibriu 4:9

Sikan ian to, nataga ki to duon dod himolayan no igbogoy to Magboboot dio to mgo otow no ogpasakup kandin. No ka sikan, ogkounawa rod to sikan no himolayan to Magboboot dongan to sikan no igkapapitu no allow ko napongaan din on ka tibo no nighimu rin.