Hibriu 3:3 - Manobo Ata

³ Dokad di to dakoldakol ka igkasayo ki Hisus to sikan no igkasayo ki Moisis. No ian ogkounawaan ka baloy no oghimuon ta su songo dakoldakol ka igsayo ta to talaghimu to baloy, di mamalintok ka igsayo ta to baloy no nighimu rin.

Hibriu 3:3 Iomraidhean Croise

Matiu 16:18

Bahin to soini no ignangon ku koykow, ka pogtuu nu koddi makogal, ogkounawa to kakogal to dakol no batu. Omunaan no mohon-ing ka mgo otow no ogsundul no ogpohibatoon koykow. Agad ko ogpohirapan sikandan ni Satanas no igbuyag to mgo busow di kono sikandan ogkaroog.

1 Kurintu 3:9

Ian su sikanak woy si Apulus, ogpabulbuligoy koy to igpohimu to Magboboot kanami. No sikaniu, ka ogkounawa to kamot din. No songo ogkounawa kow rod to Baloy to Magboboot no igpohimu rin.

2 Kurintu 3:7

Ka sikan no Balaod, nigpanultulisan on dio to manipis no batu. No to pogsulat, nalayagan on to Magboboot ka langlanguwan ni Moisis. Di agad to ogkasalinan on ka sikan no layag, ko diad on si Moisis to tangkaan to mgo otow no ian kaap-apuan ni Israil, kono ogpakapitow ka mgo otow kandin su ogsilangon to sikan no layag. Nò, agad to ligkat to sikan no Balaod, ogkalogparan ki poron to kamatayon no waro katamanan di dakol ka kabogbogan to sikan no Balaod.

Kulusas 1:18

Woy si Hisus dod ka ogpakalabow kanta tibo no nigtuu no ian ogkohingaranan to lawa rin. Sikandin ka ogligkatan to iam no pogkouyag ta woy sikandin dod ka an-anayan no ligkat to lobong no nouyag on to waro katamanan. No ian ian su oyow sikandin ka ogpakalabow to tibo.

Hibriu 2:9

Di duon soini no natagaan ta atag tongod ki Hisus, to impamalintok pad ka ngaran din to mgo diwata to Magboboot. No nohimu ka sikan oyow ogpakimatoy si Hisus to tibo no mgo otow su ian ka igkohoy-u to Magboboot kanta tibo. No kuntoon, nabogayan on sikandin to dakol no karoyawan woy to oyow ogmabantug on su ligkat to sikan no pogkamatoy rin kanta.

Hibriu 3:4

Ka tibo no mgo baloy, duon mgo otow no nighimu, di ka Magboboot, ian ka talaghimu to tibo.

Hibriu 3:6

Di si Kristu atag, ian ka Anak to Magboboot no ian tagtuun to baloy. No masalig si Hisus to og-alap to mgo otow no impasakup to Magboboot. No sikanta ka nohimu on no baloy rin, ko kono tad oglokaan ka pogsalig ta woy ka igkarago ta to sikan no og-im-imanan ta kandin.