Hibriu 13:4 - Manobo Ata

⁴ Mataltahuroy ki tibo to pogpaas-asawooy ta no kono ta oghilaboti ka loin. Ian su ka Magboboot, oglogparan din ka sikan no otow no oghilabot to kono no asawa rin.

Hibriu 13:4 Iomraidhean Croise

1 Kurintu 6:18

Mariu ka to agad nokoy no ogpakaayat to maroot no batasan, to ogpanhilabot to kono no asawa rin. Ian su ka duma no mgo salo, kono ogpakaligsom to lawa ta. Di ka sikan otow no oghimu to maroot, ogpakasalo to kandin no unoy no lawa.

1 Kurintu 6:9

Nataga kow man poron to kono ogpakaamut to Pandatuan to Magboboot ka mgo otow no oghimu to agad nokoy no maroot. Kono kow ogpagawoy to goinawa now su kono ian ogpakaamut to Pandatuan to Magboboot ka mgo otow no oghimu to maroot, woy ka og-ampu to inotow-otow, woy ka oghimu to maroot to kono no asawa rin, woy ko duon otow no ogmool-olinoy ko lukos woy ko boi.

1 Kurintu 7:38

Sikan ian, ka lukos no og-asawoon din on ka ogkoiniatan din no boi, maroyow ka pogboot din. Di ka otow no kono ogpangasawa, madmaroyow ka kandin no pogboot.

1 Kurintu 9:5

Woy songo ogkohimu rod poron ko duon asawa ku no songo ogtuu no ogdumoon ku no ogkounawa ki Pedro woy ka duma no mgo suguanon woy ka mgo hari to Lagboy no Igbuyag ta no si Hisus.

2 Kurintu 5:10

Ian su tibo kinow, ogpakatangko ki Hisu Kristu uromo no ogbobootan kinow nikandin ko nokoy ka nohimu ta ko maroyow woy ko maroot. No ogbogayan ki nikandin to litos to sikan no nohimu ta ko kai ki pad to tano.

Galasia 5:19

Malomu ka pogtokod ta to mgo maroot no batasan no ogligkat to sikan no igkoibog to lawa ta: ko ogpanlibug ki, ko maligsom ka doromdom ta, woy ko aligon ki, woy ko duon agad nokoy no maroot no batasan ta no igkasipod ta poron.

Galasia 5:21

Ogkoima, oglasinglasing. No ko oglimudlimud, ian dan og-umalagon ka igbulung to agad nokoy no igkoibog to lawa ran. Woy duon dod duma no oghimuon dan no maroot. Ogbohogon ku sikaniu kuntoon no ogkoiling dod to sikan no imbohog ku kaniu nokani to, ka sikan no otow no oghimu to sikan no mgo batasan, kono ogpokosolod to pandatuan to Magboboot.

Episu 5:5

Malogot ian ka ignangon ku kaniu. Waro agad hontow no ogkabogayan to karoyawon dio to Pandatuan to Magboboot woy ki Kristu ko maroot ka mgo batasan din, woy ko duon batasan din to ogpan-ayat to dangob no otow oyow oghimu to maroot no batasan, woy ko oggogolgol sikandin to mgo kalaglagan. Ian su ka sikan no mgo koibogan, ogkounawa to inotow-otow no ian ta ogsimboon.

1 Tisalunika 4:6

Og-awoson to waro otow dio to kaniu no oghimu to maroot no ogpakasalo to duma rin su nokani, nigbaghotan noy bohoga sikaniu tongod to oglogparan to Magboboot no Lagboy no Igbuyag ta ka otow no oghonhonduon.

1 Timoteo 3:12

No ka mgo lukos no talagbulig to pogbuyagon to mgo nigtuu, songo og-awoson to sagboka ro ka asawa ran, woy to maroyow ka pog-alap dan to asawa ran, mgo anak dan.

1 Timoteo 3:2

Sikan ian to og-awoson to, ka to mgo otow no ogtuu, waro maroot no batasan din no igkoogot kandin. Woy og-awoson to sagboka ro ka asawa rin no kono ogpanlibug woy kono ogmagolgol to agad nokoy, woy ogkatapid so goinawa rin no molungangon, woy maroyow ka pogsagman din to mgo magaliug din, woy ogkatou sikandin no og-anad to mgo otow.

1 Timoteo 3:4

Og-awoson to maroyow ka pog-alap din to pog-aalunggun din to oyow ogpakapaagad-agad ka mgo anak din woy to oyow ogtahuron dan sikandin.

1 Timoteo 4:3

Og-anad sikandan to kono no litos ko duon ogpangasawa woy nahan dan no duon ngalap no kono no litos no igpakoon kanta. Di nighimu to Magboboot ka tibo no ngalap. No sikanta no nataga to tu-tuu ian no tinuuan woy nigtuu on kandin, litos no ogkoonon ta ka sikan, no ogsayoon ta ka Magboboot no nigbogoy kanta.

1 Timoteo 5:14

Sikan ian, ka maroyow ku ko ogliwan on ogkaasawa ka sikan no mgo nabalu on no boi no bato-bato pad oyow og-anak woy ogtantanuran dan ka pog-ugpo dan su oyow kono ki ogkasamilian to mgo otow no og-ogot kanta.

Titu 1:6

to ian nu ro oghimuon no pogbuyagon, ka lukos no waro maroot no batasan din, woy og-awoson to sagboka ro ka asawa rin, woy to ogtuu on ka mgo anak din woy to kono no maroot so mgo batasan dan, woy og-awoson to ogpaagad-agad sikandan to amoy ran.

Hibriu 12:16

Woy doyowroyow kow ro oyow waro agad sagboka no oghilabot to kono no asawa rin woy to oyow kono ki ogkoiling ki Isau dongan no inat to waro pulus din to og-unug to Magboboot su insaliu rin on ka kandin no pogkakakoy to songo pogkoon do.

Impapitow 22:15

Di ka mgo otow no oghimu to ogpakasipod, woy ka oghimu to mgo mamulingan, woy ka ogbunu, woy ka ogsimba to mgo inotow-otow, woy ka oghimu to maroot to kono no asawa ran, woy ka tibo no mgo ubaton, woy ka oggawi to duma ran, kono ogpakasolod dio to sikan no dakol no lunsud to Magboboot.