Hibriu 13:1 - Manobo Ata

¹ Mgo sulod ku no nigtuu, paragasa now ka pogparakdakoloy now to goinawa no ogkounawa to patalasulod kow on ian.

Hibriu 13:1 Iomraidhean Croise

Huan 15:17

Soini ka igsugu ku kaniu to dakola now ka goinawa now to mgo duma now.”

Hinimuan 2:1

No kouma on ka allow no oghingaranan dan no Pintikustis. No ka mgo nigtuu, nanlimudlimud on dio to songo baloy.

Hinimuan 4:32

No ka tibo no mgo otow no nigtuu ki Hisus, nigsagboka ro ka goinawa ran woy nig–un–unawa ka pogdoromdom dan. Woy pigsasalupungan dan ka mgo kalaglagan dan su waro otow no ogkagi to, “Kalaglagan ku soini” ko kono tibo dan no kalaglagan.

Galasia 5:13

Sikanta mgo sulod, nig-abin kid on to Magboboot oyow kono kid on ogkouripon to sikan no Balaod. Di ka sikan og-awoson to kono ighimu no dalan to igpabulung to maroot no igkoibog to lawa ta. Di og-awoson atag to ogmabulbuligoy kinow no ogligkat to ogmadakdakoloy ki to goinawa.

Galasia 5:22

Di ko ogpaboot ki to Gimukud to Magboboot, ogdakolon ta ka goinawa ta to duma ta, ogkarago ki, ogmaawang ka goinawa ta, ogmalayaton ka goinawa ta to duma ta woy ogkohoy-uan ta, woy ogmaroyawon ta ka mgo batasan ta woy ogkasaligan ki.

Galasia 5:6

Ian su ko nasagboka kid on ki Hisus, agad ko natuli ki woy ko waro ki natuli, ogpokog-un-unawa kinow ro dio to tangkaan to Magboboot su ian do duon pulus to Magboboot ko dakol ka goinawa ta to duma ta no ogligkat to pogtuu ta ki Hisu Kristu.

Episu 4:3

Og-awoson to og-ayad-ayad kinow oyow kono ogkaatangan ka maroyow no pogdumaruma ta woy ogkaparagas ka pogkasagboka ta no ogligkat to maawang no goinawa ta no imbulig to Gimukud to Magboboot kanta.

Episu 5:2

No to tibo no oghimuon ta, iglagkos ta to igdakoli ta ka duma ta to goinawa. Ian su og-awoson to ogkounawa kinow ki Kristu no songo indakoli ki to goinawa rin no imbogoy rin on ka kandin no lawa to oyow ogkohimatayan no igpangabang kanta. No ka sikan, ian ogkounawaan ka moomut no ogtutungon no igpanubad dio to Magboboot no igkarago din.

2 Tisalunika 1:3

Mgo sulod, og-awoson to ungod noy ogsayoon ka Magboboot tongod kaniu. Litos ian sikan su ogdakol on ka pogtuu now woy ogparakdakoloy kow to goinawa now to duma now no nigtuu.

Hibriu 10:24

Agad pad, ogdoromdomon ta ko ogmonuon ta to ogmoos-osonoy oyow ogparakdakoloy ki to goinawa ta woy ogmabulbuligoy kinow.

1 Pedro 1:22

No ligkat to nigpaagad-agad kow on to soini no tu-tuu no nangnangonon tongod ki Hisu Kristu, nigmaawang on ka goinawa now su naawo on ka maroot no mgo batasan now. Woy kuntoon, duon on ka tu-tuu ian no dakol no goinawa now to mgo duma now no songo ogtuu. No og-awoson to waro maroot no ogpakasolug to sikan no igparakdakoli now kandan to goinawa.

1 Pedro 2:17

Ogbogayan ta to pogtahud ka tibo no mgo otow. Woy igdakdakoli ta to goinawa ka tibo no sulod ta to pogtuu. Ogtahuron ta ka Magboboot woy songo ogtahuron ta ka labow no igbuyag to tibo no mgo ugpaan.

1 Pedro 3:8

No, soini ka katamanan no ignangon ku kaniu. No og-awoson no tibo kaniu, ogkasagboka ka goinawa now woy ka doromdom now. Woy parakdakoloy kow to goinawa now unawa to patalasulod kow on ian. Pohoyhoy-uoy kow woy kono kow ogparakoldakol.

1 Pedro 4:8

Labow to tibo, og-awoson no oghogoton tad on ian ka pogparakdakoloy ta to goinawa. Ian su ko igdakoli ta to goinawa ka mgo duma ta, agad mohon-ing ka salo dan kanta, ogkohimu no ogkapasaylu ta sikandan.

2 Pedro 1:7

No to pog-unug ta to goinawa to Magboboot, iglagkos ta to pogpaam-amanooy ta. No to sikan no pogpaam-amanooy, iglagkos ta ka igdakoli to goinawa ta to mgo otow.

1 Huan 3:23

Soini ka igsugu din kanta to og-awoson ta to ogsalig ki to ngaran to Anak din no si Hisu Kristu woy ogkohoy-uan ta ka duma ta unawa to innangon ni Hisus kanta nokani.

1 Huan 4:20

Ko duon otow no ogkagi to, “Dakol ka goinawa ku to Magboboot,” dokad di to waro goinawa rin to duma rin, ubat doka ogkagion din. Ian su ko kono din igdakoli ka duma rin no ogkitoon din, kono ogkohimu no ogdakolon din ka goinawa rin to Magboboot no waro din kitaa.

Impapitow 2:4

Dokad di, duon dod soini no batasan now no kono ku ogkoiniatan. Ian su ka goinawa now kanak woy to mgo duma now, konad on ogkounawa karakol to sikan no goinawa now nokani to kabinunsuran to pogtuu now.