Hibriu 12:1 - Manobo Ata

¹ Sikantanow, ogkoiling to nataliwaro ki to sikan no nalimudlimud no mohon-ing no mgo nigtuu dongan no ogbabantoy kanta. Nò, su ian ian, og-awoson to og-awoon ta ka tibo no ogpakabalabag to dalan ta dio to Magboboot woy og-ongkoran ta ka mgo salo ta no nakabanggut to goinawa ta. No ogpoomot ki to ogpallaguy to tu-tuu ian no dalan.

Hibriu 12:1 Iomraidhean Croise

Matiu 10:22

Og-usigon kow to tibo no mgo otow su sakup ku sikaniu. Di sika otow no ogpakaaguanta taman to ogkaponga ka sikan no igkabaybayari now, ogkabogayan sikandin to kouyagan no waro katamanan.

Matiu 24:13

Di atag, ka otow no ogparagas no ogsalig koddi woy ogpakaaguanta to igkoirapi rin taman to mohuri no allow sikandin ka ogkabogayan to kouyagan no waro katamanan.

Markos 10:50

Nò, nig-agpas nigsasindog no niglu-ung din ka malayat no kinabo din no nigdalapak ki Hisus.

Lukas 12:15

No nigkagian ni Hisus ka tibo no mgo otow to, “Bantoy kow woy tanudtanud kow oyow kono kow logodlogod to agad nokoy no kalasi no kalaglagan su agad datu ki, ka kouyagan ta, kono ogpuun to igkaratui ta.”

Lukas 16:28

su lalimma ka mgo hari ku no tibo lukos. Igpabohog ku sikandan,’ kagi, ‘oyow kono songo ogpokohondini to soini no ugpaan no dakol no igkabaybayari.’

Lukas 21:34

Kagi ni Hisus, “Sikaniu, bantoy kow to oyow kono ogkoolatan ka doromdom now ligkat to igkasasow now to mgo pogkoon now mgo pog-inum now no igkalasing, woy oyow kono kow ogparoog tongod to pog-ugpo now su ko kono kow ogbantoy, ogkatokow kow buwa to ig-uli ku

Huan 3:32

Ignangon din ian ka nigkita rin woy ka nigdinog din. Di manalingboka ro ka ogtuu to kagi rin.

Huan 4:39

Nigtuu ki Hisus ka mohon-ing no mgo taga Samaria ligkat to sikan no lunsud su ka innangon to sikan no boi to, “Innangon din koddi ka tibo no nighimu kud.”

Huan 4:44

agad malogot no nigkagi rin to kono ogtahuron ka talagnangon to kagi to Magboboot dio to kandin no lunsud.

Ruma 12:12

Og-awoson to ungod kinow ogkarago su duon pog-iman-iman ta to pogkouyag ta uromo. Og-awoson to og-aguantoon ta ka mgo igkabaybayari ta, woy ungod ki og-ampu to Magboboot.

Ruma 2:7

No ka kouyagan no waro katamanan, igbogoy rin dio to mgo otow no ogpoomot to oghimu to maroyow su ogkoiniat sikandan to karoyawon woy ka igsayo no igbogoy to Magboboot uromo kandan, woy ogkoiniatan dan ka kouyagan no waro katamanan no igbogoy rin kandan.

2 Kurintu 7:1

Nò, mgo sulod no indakoli kud to goinawa, su duon ka sikan no innangon to Magboboot kanta, og-awoon tad on ka agad nokoy no maroot no duon to batasan ta woy ka dio to goinawa ta. No ogpoomot ki to ogtuman to sikan no maroyow no ogkaayun to goinawa to Magboboot oyow waro solug no maroot to mgo batasan ta. No sikan ka og-awoson no igtahud ta kandin.

Galasia 2:2

Ian to nighondio koy su sikan ka impohitaga to Magboboot kanak no goinawa rin. No to pogkouma noy, nig-al-alukuy ad to mgo pogbuyagon to mgo nigtuu. Di nigmatongtongopoy koy ro ka olin no mgo igbuyag. No innangonnangon kud on kandan ka tibo to soini no Maroyow no Nangnangonon no ig-anad ku to sikan no mgo otow no kono no Hudiu su ian goinawa ku to, ka talabau ku nokani woy ka kuntoon, kono ogkaraat.

Galasia 5:7

Sikaniu, mgo sulod, maroyow man poron ka binunsuran to pog-unug now ki Hisus. No hontow man ka nigpasuwoy kaniu to nighagtong kow on to sikan no pog-unug now to tu-tuu ian no ingkaanad kaniu?

Episu 4:25

Sikan ian mgo sulod, kono kid on og-uubat su og-awoson to ian ta ro ignangonnangon to duma ta ka tu-tuu ro ian su nasagboka kinow on ka nigpasakup ki Hisu Kristu.

Pilipus 1:30

No kuntoon, nohimu kow on no duma ku to pog-aguanta to igkabaybayari ku no nigkita now dii to kanak nokani woy songo ogdinogon now no ogkaaguanta ku kuntoon.

Pilipus 2:16

ka Maroyow no Nangnangonon no ig-anad now kandan, ian ka ogpakabogoy kandan to kouyagan no waro katamanan. Ko sikan ka oghimuon now, ogkohimu on no igkarago ku ko ogdatong on ka allow to poglibong ni Kristu kai to tano su ogkataga a to duon ian dakol no pulus to nohimu ku dio to kaniu.

2 Timoteo 2:4

su ka otow no nohimu on no sundalu, kono oglitos no ogkatalantan to sikan no igkatiglingoy to duma no mgo otow no kono no sundalu. Ian su og-awoson to ian din do oghimuon ka igkarago to igbuyag din.

2 Timoteo 4:7

No ian ku nounawaan ka otow no ogpallaguy no ogpaag-agapoy no ogpokouma on to katamanan su nigpoomotan ku ka pogtuman ku to tibo no insugu to Magboboot kanak no nig-unugan ku lagboy ka tu-tuu ian no tinuuan.

Hibriu 6:15

Nò, su nig-aguanta ni Abraham to ogtagad to pogtuman to Magboboot to kagi rin, pogkalugoy, nakapurut si Abraham to sikan no insabut to Magboboot kandin.

Santiago 1:3

su nataga ki to, ligkat to pog-aguanta ta to sikan no mgo igkool-olog to pogtuu ta, oyow ogkohogotan on.

1 Pedro 2:1

Nò, su nabogayan kinow to iam no pogkouyag ta, og-awoson no oghagtongan ta ka agad nokoy no lunsura no maroot no batasan. Kono kid on og-uubat. Woy og-awoson to kono no malibu-libu ka poghimu ta. Kono ta ogkoimaan ka mgo kalaglagan to duma ta woy kono kid on ogdoot to duma no otow.

1 Pedro 4:2

No ligkat kuntoon to kai ki pad to tano, og-awoson to ogpaagad-agad kinow to ogkoiniatan to Magboboot. No kono kid ogpaagad-agad to mgo maroot no koiniatan to soini no lawa ta.

1 Pedro 5:1

Sikaniu no mgo pogbuyagon to mgo nigtuu no sakup to Magboboot, duon ig-udling ku kaniu su songo pogbuyagon a rod to mgo nigtuu woy nakakita a to mgo igkabaybayari ni Kristu. Woy songo ogpakalagkos a rod kaniu no ogkatalaran ki to karoyawan din to igkapayag sikandin uromo to poglibong din kai to tano.

1 Pedro 5:12

Si Silbanu ka nigbulig kanak to ogsulat to soini no malopot no sulat. Natagaan ku to masalig sikandin no sulod ta to pogtuu ki Hisu Kristu. No ian to nigsulat a kaniu to soini su oyow ogkohogot ka pogtuu now. Woy ogpohitagoon ku sikaniu to tu-tuu ian ka soini no pogkohoy-u to Magboboot. Gongoni now ro ka sikan no pogkohoy-u rin.

2 Pedro 1:6

No lagkos to ogponoron ta ka kono no litos no ogkoiniatan ta, og-awoson to og-aguantoon ta ka mgo igkabaybayari ta. No lagkos to pog-aguanta ta to mgo igkabaybayari, og-awoson to og-unug ki to goinawa to Magboboot.

Impapitow 1:9

Sikanak no si Huan, sulod now to pogtuu ki Hisus. No nohimu a no duma now to pog-aguanta ta to igkabaybayari no ogligkat to nalagkos kinow to pog-alap din to pandatuan din. Impougpo a to songo pulu to dagat no oghingaranan to Patmus su ligkat to nignangonnangon a to kinagian to Magboboot woy su ligkat to immalogot ku ka in-anad ni Hisus kanak.

Impapitow 13:10

Ka otow no ogkakulisan to ogdakopon sikandin, ogkarakop. No ka otow no ogbunu, songo ogkabunu dod sikandin.” Omunaan to sikanta no mgo sakup to Magboboot, og-awoson to og-aguantoon ta ka igkabaybayari ta woy ogpoomot kinow to pogtuu ta.

Impapitow 22:16

Kagi rin, “Sikanak no si Hisus, nigsugu ku ka diwata ku dio to kaniu no nigtuu to Magboboot oyow ogkanangnangonan kow on to soini tibo. Nò, kapunganan a ni Dabid dongan. No sikanak ka ogkohingaranan to malayag no buntatalo.”

Impapitow 3:10

Ian su nigpoomot kow to ogtuman to innangon ku no nig-aguanta now ka mgo igkabaybayari now. Sikan ian, ko ogdatong on ka sikan no dakol ian no igkabaybayari no ig-ol-olog uromo to tibo no mgo otow kai to tano, og-aliguan ku sikaniu.