Hibriu 10:4 - Manobo Ata

⁴ Ian su kono ogkohimu ko ka langosa to mgo lukosan no baka woy ko kambing, ogpakaawo to salo.

Hibriu 10:4 Iomraidhean Croise

Markos 12:33

Nigparagas to, “Og-awoson ta to ogpakasabuk kandin to taliwaro to pusung ta woy to tiboon ta ka doromdom ta kandin woy to ogtiboon ta ka dayagang ta to ogtuman no insugu din kanta to dakol ka goinawa ta kandin. Agad og-awos to ogpounawoon ta to goinawa ta to mgo duma ta to goinawa ta to kantan lawa. Madmaroyow ka pogtuman ta to soin no darua no sugu to oghalaran ta ka ayam, mgo dangob no igtubad ta dio to Magboboot.”

Huan 1:29

Ka sunud no allow, nigkita ni Huan si Hisus no dio to dalan no oghondio to kandin. Kagi rin to mgo otow, “Pitow kow dio. Soinid on ka nati to karniru to Magboboot su kandin ka ogpakimatoy oyow ogkaawo ka salo to tibo no mgo otow kai to kalibutan.

Ruma 11:27

Soini ian ka pogkasabuti ku kandan to og-awoon kud on ka mgo salo dan.” Soini ka ingkasulat dongan.

Hibriu 10:1

Nò, ka sikan no Balaod ni Moisis dongan, noiling do to alung su tigbal do nokog-iling to sikan no ogpokouma no madmaroyow no ian tu-tuu uromo. Sikan ian, to tibo no tuid, ka sikan no ogsimba, ungod oghutukhutuk to pogtubad dan to mgo ayam no igtuman to sikan no Balaod. Di ka sikan waro lagboy makaayun kandan to Magboboot.

Hibriu 10:11

Ka tibo no mgo talagpanubad to mgo Hudiu, allow-allow ogtuman to katondanan dan no ogkohutukhutuk ka sikan dod no pogtubad dan to mgo ayam. Di kono man ogpakaawo to mgo salo.

Hibriu 10:8

Agad to sikan no oghimuon dan, ogpakatuman to sikan no tahan no Balaod, di nigkagi ka sulat to sikan ganna to, “Waro nu noiniati woy waro nu karagoi ka sikan no mgo ayam no ingkatubad woy ka mgo ayam no impatutung dan woy ko ka duma no inbogoy to mgo otow no og-awo poron to salo dan,” kagi.

Hibriu 9:9

Ka sikan no nohimu ran, ogpanag-ilingan to soini no kuntoon on kanta su ligkat to nighimu ni Hisus. Ian su, ka mgo igbogoy to mgo otow dio to Magboboot woy ka mgo ayam no oghimatayan dan no igtubad, kono ogpakaayun to goinawa to mgo ogsimba dio to kandin.

1 Huan 3:5

Nataga kow to ian inhondii ni Hisus to tano su oyow ogkaawo din ka salo to mgo otow woy nataga kow to waro maroot dio to goinawa rin.