Hibriu 1:6 - Manobo Ata

⁶ No ko ogkatuman on ka allow to Magboboot no magaan din on igpohondini ka panganoy no Anak din kai to soini no kalibutan, duon dangob no kagi rin tongod to Anak din to, “Og-awoson to ogsayoon sikandin to tibo no mgo diwata no suguanon ku.”

Hibriu 1:6 Iomraidhean Croise

Matiu 24:14

Woy ka Maroyow no Nangnangonon bahin to Pogsugu to Magboboot, ogpakalogob to kalibutan. Ko ogkatuman on soini, sikan ian ka katamanan to soin no kalibutan.”

Huan 1:14

Soin no oghingaran to Kagi, nigpootow woy nig-ugpo kai to kanta to soin no kalibutan. Ogkoy-u lagboy sikandin woy malogot do ian ka kandin no ogpangagion. Nigkita noy ka karayawi rin no ka ogligkatan to sika karayawi ka Magboboot su kandin ka bugtung no Anak to Magboboot.

Huan 1:18

Waro otow no nakakita to Magboboot. Agad sagboka, waro. Ka bugtung no Anak to Magboboot no sikandin ka layun dio to longod to Amoy rin no nokog-unawa ka goinawa ran, kandin ka nighitaga kanta bahin to Magboboot.

Huan 3:16

“Sikan su imbogoy to Magboboot ka bugtung no Anak din to ogkamatoy oyow kandin on ka oglipuas to salo to mgo otow su dakol lagboy so goinawa rin to tibo no mgo otow kai to soin no kalibutan. Agad hontow, no ogtuu kandin, kono ogkamatoy ka sikan no otow, ogkootawan do no waro katamanan dio to Magboboot.

Ruma 8:29

No ka tahan no nig-abin to Magboboot, songo tahan no nigtuuran din to oyow og-unug on sikandan to Anak din no si Hisu Kristu oyow si Hisus ka ogkohimu on no kakoy to mohon-ing on no mgo hari rin.

Kulusas 1:15

Kono ogkitoon ka Magboboot, di si Hisus ka igpohitaga kanta ko nokoy ka Magboboot su ogkounawa lagboy si Hisus kandin. Si Hisus ka ogpakalabow to tibo to agad nokoy no kalaglagan no nohimu.

Kulusas 1:18

Woy si Hisus dod ka ogpakalabow kanta tibo no nigtuu no ian ogkohingaranan to lawa rin. Sikandin ka ogligkatan to iam no pogkouyag ta woy sikandin dod ka an-anayan no ligkat to lobong no nouyag on to waro katamanan. No ian ian su oyow sikandin ka ogpakalabow to tibo.

Hibriu 1:5

Nataga ki to soini su ka kagi to Magboboot ki Hisus, waro mog-unawa to kagi rin to mgo diwata rin. Ian su duon impasulat din dongan to kagi rin to Anak din. Kagi rin to, “Sikoykow ka Anak ku, no kuntoon no allow, sikanak on ka amoy nu.” Di agad kon-u, waro din innangon to agad hondoi no diwata no suguanon din to, “Sikanak ka amoy rin woy sikandin on ka Anak ku.”

Hibriu 10:5

Sikan ian, to magaan on oghondini si Kristu to soini no tano, nignangonan din ka Magboboot to: “Waro nu noiniati ka mgo ayam no igtubad to mgo otow woy ka duma no igbogoy dan, di duon lawa no impanagana nu kanak.

1 Pedro 3:22

No pogkaponga, nigbatun si Hisus dio to Langit no duon on sikandin to kawanan to Magboboot. Si Hisus ka ogpakaboot to tibo no diwata to Magboboot woy to mgo tagalangit no og-alap-alap to katondanan lagkos to sikan no og-alap to dakol no kabogbogan dan.

1 Huan 4:9

Soini ka impohitaga to Magboboot kanta to dakol ian ka goinawa rin kanta, su nigsugu din ka bugtung no Anak din kai to soini no kalibutan oyow ogkabogayan ki to kouyagan no ogligkat to nighimu ni Hisus kanta.