Hibriu 1:1 - Manobo Ata

¹ Dongan, nigkagian to Magboboot ka kaap-apuan ta no ian ka mgo Hudiu. No ka mgo talagnangon to kinagian din ka impakagi rin kandan. Di ka batasan din to igpohitaga rin kandan to kinagian din, nigloinloin.

Hibriu 1:1 Iomraidhean Croise

Lukas 1:72

Sikan ka innangon to Magboboot kandan,” kagi ni Sakarias, “ka innangon no igkohoy-u rin to mgo apu ta no minuna. Ogtumanon din ian su naroromdom din no duon intaga rin dongan ki Abraham

Lukas 24:27

Nò, impasabut ni Hisus kandan ka tibo no ingkasulat ni Moisis dongan bahin kandin. Songo impasabut din to kagi to tibo no mgo talagnangon dongan to kagi to Magboboot no ingkasulat dan bahin kandin.

Lukas 24:44

Pogkaponga, kagi ni Hisus kandan, “To kai a pad to kaniu, impanoy ku man inangon kaniu to awos to ogkatuman ka tibo no ingkasulat to Balaod ni Moisis dongan bahin koddi lagkos to ingkasulat dongan to duma no mgo talagnangon to kagi to Magboboot, lagkos to tibo no ingkasulat ni Dabid dio to sinulat no Mga Salmo.”

Huan 16:13

Di ko ogpokouma on kai to kaniu no mgo nigtuu ka Gimukud to Magboboot no sikandin on ka ogpasabut kaniu bahin to malogotan woy kandin ka og-anad kaniu to tibo no malogot no ogligkat dio to Magboboot. Kono ogligkat dio to kandin no goinawa ka kagi rin. Ka innangon din atag ka ogdinogon din no ogligkat to Magboboot. Woy ignangon din to nokoy ka ogpakatood uromo.

Huan 7:22

Nigsugu ni Moisis to igpatuli ka mgo anak now no lukos. Si Moisis ka nigsugu kaniu di ka mgo minuna pad ni Moisis songo igpatuli ka mgo anak dan. Di sikanta kuntoon, ogtulion ta ka mgo bato to Allow ta to Oghimoloy.

Huan 9:29

Nataga koy to nigkagian to Magboboot si Moisis. Di soin no lukos nò, wa koy mataga ko hondoi mogligkat sikandin.”

Hinimuan 13:32

Kuntoon, ognangonan noy sikaniu to soini no Maroyow no Nangnangonon. Sikan dod ian ka insabut to Magboboot dongan to mgo kaap–apuan ta.

Hinimuan 28:23

Pogkaponga to alukuyan dan, nig–indanan dan ka allow no iglimudlimud dan man do. No pogkouma to sikan no allow, mohon–ing ka nalimud dio to baloy no nig–ugpaan ni Pablo. Ligkat to masolom taman to nahapunan on, innangonnangon ni Pablo kandan tongod to pandatuan to Magboboot. Woy ligkat to mgo ingkasulat dongan to Balaod ni Moisis woy to mgo talagnangon to kagi to Magboboot, impamalogot din to si Hisus ka nigtuon dan. Ian su og–ol–olog porom si Pablo no ogpatuuon sikandan ki Hisus.

Hinimuan 3:21

Di dio pad ogpokougpo si Hisus to langit taman to ogkatuman on ka tibo no impanangon to Magboboot dongan to bo–bo to mgo maroyow no talagnangon to kagi rin.

Hibriu 11:2

su ka pogtuu to mgo masalig no otow dongan, ian ligkatan to igkarago to Magboboot kandan.

Hibriu 12:25

Sikan ian, og-awoson to og-ayad-ayad ki ro to ogpamminog to sikan no ogkagi no ian ka Magboboot su ka mgo otow dongan no waro nigpamminog to kagi rin no impanangon din ki Moisis, niglogparan sikandan. No sikanta kuntoon, dakoldakol pad man ka iglogpad kanta ko og-iniug ki to Magboboot no ogbohog kanta no ogligkat dio to langit.

Hibriu 2:2

Ian su nataga ki to tu-tuu ian ka sikan no Balaod to Magboboot dongan no impahatod to mgo diwata no suguanon din. No agad hontow no niglop-ang to agad nokoy no insugu din woy ko waro nigpaagad-agad, niglogparan on sikandin to litos to salo din.

Hibriu 2:3

Nò, sikantanow, ko kono kid ogsagman to soini kuntoon no dakol no pogpangabang kanta to mgo salo ta, kono ki ogpakasasalia to iglogpad din kanta. Ian su ka Lagboy no Igbuyag ta no si Hisus ka nokohun-a no nignangon to soini no nangnangonon. No ka mgo nigdinog kandin, sikandan ka nigpamalogot kanta to tu-tuu ian ka sikan no innangon din.

Hibriu 3:5

Ko si Moisis dongan, suguanon do to Magboboot no masalig sikandin to tibo no pog-alap din dio to mgo otow no impasakup to Magboboot. Di ka sikan no nohimu ni Moisis, immaganangon to sikan no igpatuman to Magboboot uromo.

Hibriu 4:8

Woy songo nataga ki to, ka sikan no himolayan no innangon to Magboboot dongan no igbogoy rin, kono man no ka nigdatongan to mgo otow no nigduma dongan ki Husui, su ko ian ian pa ka himolayan, waro din porom inangon to duon dangob no allow uromo no ogbogoy sikandin to sikan no himolayan.

Hibriu 5:5

Songo ogkounawa rod ki Kristu, su ka nohimu sikandin no Labow to mgo Talagpanubad, waro nigligkat to igparakoldakol to kandin no ngaran ko kono ligkat do ian to Magboboot no nigbogoy kandin to katondanan din. Ian su kagi to Magboboot kandin to, “Koykow ka Anak ku. No kuntoon no allow, igpatokod kud on to sikanak ka Amoy nu.”

Hibriu 9:19

Songo nounawa rod to soini ka nighimu ni Moisis dongan. An-anayan, nignangonan din ka tibo no mgo otow to tibo to sikan no Balaod to Magboboot. Pogkaponga, nigpurut din ka langosa to mgo nati to baka woy ka langosa to mgo kambing no igkatubad no in-amut din to woig. Woy songo nigpurut din ka bulbul to karniru no natina to malalab no inlibod to doisok no sugpang to kayu no nighingaranan dan no isupu. Pogkaponga, in-olod din to sikan no nokogsolugsolug no langosa woy impamilikpilik din to sikan no nasulatan to Balaod woy inlagkos din ka mgo otow.