A Tx'an Is Carta San Pablo Bay Eb Aj Filipos 4:5 - A Txꞌan Biblia Yin Kꞌanjobal 1989

⁵ Yowalil caw watx' chi jut co nabal yil masanil anima, yujtol janic'xanej ok jay Cham Jajawil.

A Tx'an Is Carta San Pablo Bay Eb Aj Filipos 4:5 Iomraidhean Croise

Mt 6:25

Yuj tu xan chi wal ayex, tol manchak ex oc il yuj e cawil cayti', yuj e lobej c'al yuj e pichil. Ta chi yak' Dios e cawil, ¿tom ato wal e lobej man ok yak'a'? Ta max yak' Dios e mimanil, ¿tom ato wal e pichil man ok yak'a'?

Mt 6:34

Yuj tu xin, manchak ex oc il yuj tzet ayex yecal, yujtol man e yojtakok tzet ibil oc yuj jun c'u yecal tu', xan maj je' e yoc il. K'okbilc'alnaj che naobtanej yin tzetak yetal ibil oc yuj junjun c'u.

Lc 21:34

Che yilc'al e ba. Manchak e cha' pitbok e ba yuj pek'al, yuj uq'uem anil, ma yuj junokxa tzet yetal chex oc il yuj bay yulyibank'inal ti'. Ta c'amak, axa ok jay jun c'ual tu', cax man watx'ok e yayji.

1 Co 16:22

Ta ay junok mac c'am chi camc'ulnen Cham Jajawil Jesucristo, titokab yowal c'ul Dios yiban. Ach Jajawil, matawal chach jay yin ayman.

1 Co 6:7

A yet chi bet e yalen oc e ba satak yajaw tu', yob chex can yul sat Dios. Ta ay junok e yet creyenteal yob chi yut ba ayex, matawal toc'al che yak' techajok. Ta ay junok mac chi elk'anen junok tzet yetal ayex, ak'ek mimanc'ulal yin.

1 Co 8:13

Yuj tu', k'inalok ta ay junok mac chi etax el is nabal yujc'al tzet chin chi', yel mi watx' c'amxa chin chi' chibej, yet watx' c'am junok mac chi etax el nabal wuj.

1 Co 9:25

Masanilc'al mac chi oc yin sakach tu', chi taynej ba eb yin masanil tzet chi on yetax el mimanil eb. Chi taynej ba eb, yujtol chi yochej eb chi cha' paktzil. A paktzil chi cha eb tu', jun ch'an bek chi etaxtok.*fn* A pax paktzil ok co cha' ayon ti xin, c'am bak'in chi etaxtok. Yuj tu', yowalil chi co taynej co ba yin tzet man watx'ok.

2 Co 10:1

A Cristo, yaynakil yutnak ba, xiwil is watx'c'ulal. Axca yutnak ba tu', caytu' chi wut tewoktok in ba ayex ayin Pablo in ti'. Chi al-layi, tol ayilal ab chi wut in ba yet ayin ec' e yetok, palta axa ab yet ayin ec' najat xin, tolab caw ow in.

2 Ts 2:2

manchak somchaj el e nabal, ta ay eb chi alon ayex, tol jaynakxa is c'ual Cham Jajawil. Caxc'al chi yal eb tol a Yespíritu Dios max alon bay eb, caxc'al yul yet eb tx'oklil chi yalon eb, manchak ex oc il bay chi yal eb. Caxc'al chi yal eb tol max apni co carta bay eb yuj jalon jun ti', manchak e cha e yabej.

Tito 3:2

Manokab comonok chi buchwaj eb yin yet animail. Manokab comonok chi yak'lej eb owal yetok junok mactxel. Watx'okab chi yut eb is nabal, mansookab chi yut ba eb bay masanil anima.

Hebreos 10:25

Manchak co bekay co wajban co ba, axca beybal juntzan eb co xol. Yowalil chi jiptzelejek co ba. Jak'ek jip, yujtol lanan jilon juntzan yechel chi tx'oxon tol toxa chi jay c'ual jayubal Cham Jajawil.

Hebreos 10:37

Yujtol chi yal yul tx'an Un axca ti': Janic'xanej wali, cax chi jay Cham yowalil ok jayok, man ok ec' tiempoal jayi.

Is Babel Carta San Pedro 1:11

A Yespíritu Cristo ayoc yin eb, a' max ak'on yojtaknej el eb jantak yailal t'inan yilon Cristo. Lajwi tu xin, axa Cham ok yak' Yajawilal. A eb chekbej Dios tu', max yak'lej eb naon elok, mactxel jun ok jay tu', c'al tzet tiempoal ok jayok.

Is Babel Carta San Pedro 4:7

A tinani', janic'xanej chi jay is tiempoal is lajubal masanil tzet yetal. Yuj tu', watx'okab chi jut co ba tinani'. Tec'anc'al chi jut co nabal co txajli.

Ap 22:20

A Cham max alon juntzan ti', ac'al oc chi alon c'apax axca ti': Wal yel ok in jay yin aymanil, ẍi Cham. Yunokabi, sebach ach Jajawil Jesús.

Ap 22:7

¡Yin aymanil ok in jayok! Caw watx' yet eb chi iken tzet chi yal jun libro ti', yujtol a Dios max ak'on ojtaknelay el tzet chi yala', ẍi Jesucristo.