A Tx'an Is Carta San Pablo Bay Eb Aj Filipos 4:3 - A Txꞌan Biblia Yin Kꞌanjobal 1989

³ Ach wuẍtak, jet mulnajwomal, chin k'an ayach, tol chach colwaj a watx'nen el is k'anej eb janab bay tu', yujtol a cawan eb janab tu', caw max tec'baj ba eb mulnaj wetok, yet max ec' walon el k'anejal yet colbanilej. Yetok c'apaxok, max mulnaj nak Clemente wetok, c'al juntzanxa eb. A eb tu', tz'ibbilxatok bi eb yul tx'an libro bay tz'ibxa yayji co bi ayon ayxa co k'inal tol ayc'al yin tojbalk'inal ti'.

A Tx'an Is Carta San Pablo Bay Eb Aj Filipos 4:3 Iomraidhean Croise

Salmos 69:28

Ican el bi eb yul tx'an libro yet k'inalej. Manchak acan ay bi eb yul libroal yet eb tojol yul a sat.

Ex 32:32

Yuj wal tu xin, chin oc tean en, ta chak' tanil is mul eb tu'. Ta maj ak' tan xin, cax cha joon c'ayil in bi bay yul libro bay tz'ibbil is bi eb tol et-xa yayji, ẍi cham Moisés bay Jehová.

Is 4:3

A wal ok yunej, a mactxel okto cancan cajan bay Sión, a ton eb iquisto bay Jerusalén, ok al-layok tol yetc'al Jehová eb.

Ez 13:9

Ok wi wal aj in k'ab waon oc yailal juntzan chi yaloc ba in chekbejok tu', tol ay tzet chi yil eb tol man yelok, tol ay c'apax lek'tial k'anej chi yalil eb. C'am yalon yet eb bay is wajayil in conob Israel, c'am bay ok binaj bi eb bay yul listail conob, tamwal ok meltzoj eb bay yul is tx'otx'. Caywal tu' ok yun nachaj el e yuj tol ayin ton Jehová Yajaw in.

Dn 12:1

A yet tu' ok colwaj cham ángel Miguel, yajaw c'al taynemal a conob Israel. Ay wal mimek yailal yet tu'. C'am junelok maxax yak' axca tu' yettaxc'al max el yich tz'unchaj nacionlak. A wal yet tu', masanil eb a conob ok colchajok, chi yal elapnok, a ton mactxel tz'ibbil is bi bay yul tx'an libro.

Lc 10:20

Palta man yujok chi yikej eb espíritu yob ayex chex tzaloji, palta tzalojanek yujtol tz'ibxa yayji e bi bay satcan, ẍi Jesús bay eb.

Ro 12:1

Ex wuẍtak, ex wanab, caw chi ok' c'ul Dios jin. Yuj wal tu', chin tewi ayex, tol che bekoc e ba yul is k'ab. Axca junok xajanbal iquis, tol chi ak'lay bay Cham. Ta chi co bekoc co ba bay axca tu', chi yal elapnok tol yet on, cax chi tzaloj c'ul Cham jin. Axca tu' is mojal chi yun joc ayilal bay.

Ro 16:12

Chi wa c'apaxtok cawil c'ul janab Trifena yetok Trifosa, eb tol caw chi mulnaj yin yobra Cham Jajawil. Chi wa c'apaxtok cawil c'ul janab Pérsida. Caw ay in camc'ulal yin, yujtol caw chi yiajtek c'ulok mulnaj yin yobra Cham Jajawil.

Ro 16:9

Chi watok cawil c'ul juẍtak Urbano, yujtol chi mulnaj jetok yin yobra Cristo Jesús. Chi wa c'apaxtok yet juẍtak Estaquis, yujtol ay c'apax in camc'ulal yin.

A Tx'an Is Carta San Pablo Bay Eb Aj Filipos 1:12

Ex wuẍtak, ex wanab, chi wochej c'apax chi nachaj el junxa ti' e yuj, tol a tzet max jay wiban ti', man yobok wet yuj, palta tol yuj, xan chi aj can pukax el k'anejal yet colbanilej tinani'.

A Tx'an Is Carta San Pablo Bay Eb Aj Filipos 1:27

Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin.

A Tx'an Is Carta San Pablo Bay Eb Aj Filipos 1:5

Yujtol yecheltaxc'al max e chaon Cristo, masantac'al tinani', junxanej mulnajilal chi jun yin is k'anejal yet colbanilej tinani'.

A Tx'an Is Carta San Pablo Bay Eb Aj Filipos 1:7

Caw wal chex in camc'ulnej; watx' ton tzet chin na ti', yujtol ayex ti' ayoc e colwal wetok yin wopiso max yak' Dios. Max ex colwajc'al wetok yet bekan wayji yin walon elok tol yel jun k'anejal yet colbanilej; lanantoc'al e colwaj wetok caxc'al ayin oc yul preso ti'.

A Tx'an Is Carta San Pablo Bay Eb Aj Filipos 4:2

A tinani', chin tewitok bay Evodia yetok bay Síntique, yet watx' junxanejokab chi yut eb nabal, yujtol nuej ba eb yul k'ab Cham Jajawil.

A Tx'an Is Carta San Pablo Bay Eb Aj Colosas 1:7

A Epafras max ex cuyon yin jun abix tu'. A Epafras tu', caw wal camc'ulnebil juj, yujtol jet mulnajwomal co ba yetok. Yikemc'al chi yut ba yin yak'on serbil Cristo e nan e xol tu'.

Ap 13:8

Max yiay ba masanil anima sat tx'otx' bay jun chi yik No' tu'. A pax eb tz'ibbil ay is bi yul tx'an un yet k'inalej tol ayc'al yin tojbalk'inal, maj yiay ba eb bay. A eb tu' max tz'ibelaycantok bi eb yul tx'an un yet Cham chi yik Calnel, Cham mak'bil cam yettax manto tz'unchaj yulyibank'inal atac'ala' is nabal Dios.

Ap 17:8

A jun chi yik No' max el tu', ayc'alta' ec' payxa, palta c'amxa ec' tinani'. Palta ok aj pax ul yul jun xab olan, yet manto toj bay c'aybanilal yin junelnej. A anima tol man tz'ibbilok is bi yul tx'an un yet k'inalej yet c'amto chi tz'unchaj yulyibank'inal, caw wal ok c'ayaj c'ul eb yet ok yilon eb jun chi yik No' tol ayxac'alta' ec' yet payxa tu'. Yujtol caxc'al c'amic' tinani', palta ok jay pax yet is cayelal.

Ap 20:12

Max wilon c'apax yin masanil eb camnak, tol lecan oc eb masanil satak Dios, eb mimanbil c'al eb c'am yelapnok. Lajwi tu', max jaklay juntzan tx'an libro, cax ay junxa tx'an max jaklay c'apaxtok, a ton tx'an libro yet k'inalej tol ayc'al yin tojbalk'inal, cax max beyc'ulnelay tzetak yetal max el yunen junjun eb camnak tu', atac'ala' tzet tz'ibbil ay yul juntzan libro tu'.

Ap 20:15

Masanil mac man tz'ibok yayji bi yul tx'an libro yet k'inalej tol ayc'al yin tojbalk'inal tu', ac'al tu' max k'oklaycantok eb.

Ap 21:27

C'am junok yobtakil ok uj yul jun conob tu'. C'am junok mac chi unen tzet yajbejtak yuj Dios ok oc bay tu'. C'al mac lek'ti', tutun wal c'am junok ok oc bay tu'. Asannej eb tz'ibbil ay is bi yul tx'an libro yet k'inalej tol ayc'al yin tojbalk'inal, asan eb ok ocok. A tx'an libro tu', yet Cham chi yik Calnel.

Ap 3:5

A eb ok yak' techajok, ok alay oc junjun is pichil eb caw wal sak. Man ok in joc'ay bi eb yul tx'an libro yet k'inalej, tol ayc'al yin tojbalk'inal. Ok walaj satak in Mam, c'al satak eb is yángel, tol wet eb.