A Tx'an Is Carta San Pablo Bay Eb Aj Filipos 4:20 - A Txꞌan Biblia Yin Kꞌanjobal 1989

²⁰ Mimanokab yelapnok co Diosal yin tojbalk'inal, a ton Cham co Mam. Yun okabi.

A Tx'an Is Carta San Pablo Bay Eb Aj Filipos 4:20 Iomraidhean Croise

Salmos 115:1

C'am chi yal co c'ul chi al-lay watx' k'anej jin on Mamin Jehová. Asan ach bay chi al-lay watx' k'anej yuj a camc'ulal, c'al yujtol chak'c'al yun tzet chala'.

Salmos 72:19

Al-layokab watx' k'anej bay Cham yin tojbalk'inal. Il-layokab is mimanbilal Cham bay masanil tx'otx' tx'otx' ti'. Yunokab axca tu'.

Mt 28:20

Che cuycan eb, yet watx' masanil tzet max walcan ayex, ok yikej eb. Ojtaknejek el sic'libil, tol ayinc'al ec' e yetok masantac'al ok jay lajubal, ẍi Jesús bay eb.

Mt 6:9

Yuj tu xin, caytu' che yut txajlok e ba axca ti': Ach co Mam, tol ay ach ec' bay satcan, mimanokab yelapnok a bi.

Ro 11:36

Yujtol masanil tzetak yetal, a bay Dios chi tita. A Cham watx'nenej masanil tzetak yetal, yet watx' chi txecloj el is watx'il Cham. Mimanokabc'al yelapnok Cham masanil tiempo. Yunokabi.

Ro 16:27

Asan Dios ojtaknej masanil tzetak yetal. Jalek watx' k'anej bay Cham yin tojbalk'inal yuj Jesucristo. Yunokabi.

Ef 3:21

Mimanbilokab Dios juj yin tojbalk'inal, mac on ayon oc tz'akok yiglesia ti', c'al yuj Cristo Jesús c'apaxok. Yunokabi.

A Tx'an Is Carta San Pablo Bay Eb Aj Filipos 1:11

Ok oc Jesucristo e yetok, yet watx' tojolc'al ok e yut e beybal. Ta axca tu', ok txecloj el e yin, tzetbil tol caw xiwil watx'il c'ul Dios, cax ok al-lay watx' k'anej bay Cham.

A Tx'an Is Carta San Pablo Bay Eb Aj Filipos 4:23

Ayokab ec' watx'c'ulal Cham Jajawil Jesucristo e yetok e masanil bay tu'.

1 Ti 1:17

A Dios, Yajaw yayji yin tojbalk'inal. C'am bak'in ok cam Cham. C'am junok mac chi je' yilon oc yin. Asan jun Dios ti', cax c'am junokxa. Mimanokab yelapnok Cham yul co sat. Jalek watx' k'anej bay yin tojbalk'inal. Yunokabi.

Ap 1:6

A Cham max on aon oc yin reyal. Max yak' Cham jopiso junjun on yin sacerdoteal bay Dios, Cham is Mam. Caw mimanbilokab Cham, ayokab is yikbej Cham yin tojbalk'inal. Yunokabi.

Ap 11:13

A wal yet jun bek tu', ok ec' jun quixcab. Caw ow ok yun yeq'ui. Xiwil na ok ayc'ay bay jun miman conob tu'. Yin lajlajon bulan ok yun yayc'ay junjun bulan. Ukeb mil anima ok cam yuj. A pax juntzanokxa anima xin, caw ok xiw eb sic'libil. Ok yalon eb tol caw miman yelapnok Dios ayic' bay satcan.

Ap 14:7

Caw yip yalon bay eb axca ti': Xiwanek bay Dios. Alek watx' k'anej bay, yujtol toxa chi jay tiempoal e beyc'ulnelay yuj. Alek e ba bay, yujtol a' watx'nenej satcan, yetok sat tx'otx' c'al a' mar, yetok nuk'lak aej, ẍi.

Ap 5:12

Caw yip eb yalon axca ti': A Cham chi yik Calnel, tol max mak'lay camok, caw moj chi jal yin tol ay yikbej, ay is beyomal, ay is jelanil, c'al yip. Mimanbil Cham, caw miman yelapnok. Caw moj ton jalon watx' k'anej bay, ẍi eb.

Ap 7:12

¡Yunokabi! ¡Al-layokab watx' k'anej bay Dios! ¡Al-layokabi, tol miman yelapnok, c'al jelan Cham! Moj tol chi al-lay yuj diosalil bay, tol mimanbil Cham, xiwil is yikbej, cax xiwil yip Cham yin tojbalk'inal. ¡Yunokabi! ẍi eb.