A Tx'an Is Carta San Pablo Bay Eb Aj Filipos 4:17 - A Txꞌan Biblia Yin Kꞌanjobal 1989

¹⁷ Manak e colwal tu' chin saya', ma chi wochej, xan chi waltok juntzan ti' ayex, palta tol chi wochej chi mimanbi is pak tzet che yak' tu' yul sat Dios.

A Tx'an Is Carta San Pablo Bay Eb Aj Filipos 4:17 Iomraidhean Croise

Pr 19:17

A junok chi colwaj bay eb meba', axca tol a bay Jehová chi yak' majanil; axa Cham ok ak'on meltzoj jun majan tu'.

Miqueas 7:1

Max yalon is chekbej Dios: ¡Ay… ok'bal in c'ul! Lajan inxac'al axca eb chi ec' sayoj uva, ma higo yet chi lo', yet mayal lajwi ec' sat awoj. Palta c'amxa an satej maxto cani, tamwal an babel satej caw ochebil.

Malaquías 1:10

Matawal a junok ex ayex ti' che makchej is puertail templo, yet watx' man nabaok chi oc k'ak'al waltar. Yujtol ayin Jehová in, Yajaw in yin Masanil, caw wal c'am in tzalojc'ulal e yetok, tamwal oktoc'al in cha e yofrenda tu'.

Jn 15:16

Mayexnak max quin e siq'uilok, palta tol ayin max ex in siq'uilok. Max waon oc e yopiso yin e yunenc'al wochwan, xan a tzet che yun tu' chi ayjic'al ec' yin tojbalk'inal. Yuj tu' xan jantakc'al tzet ok e k'an bay co Mam Dios ok yak' ayex yujtol wet ex.

Jn 15:8

Ta xiwil tzet watx' chi txecloj el e yin, cayton tu' ok e yut e tx'oxk'abnen elok tol miman yelapnok in Mam. Cay c'apax tu' ok e yut e tx'oxk'abnen elok tol in cuywom ex.

Ro 15:28

Yuj tu' xan yowalil chi ec' wak' jun ofrenda tu' bay eb aj Jerusalén. Chi lajwi tu xin, cax chex ec' wilon yet lanan in toj bay España.

2 Co 11:16

Ti chi waltok ayex junelxa, c'amokab ex che na' tol c'am in nabal. Ta che na' axca tu xin, chaek in k'anjab axca junok mac c'am is nabal tu', yet watx' chi je' wion can in ba jabok axca juntzan eb chi yi' can ba.

2 Co 9:5

Yuj tu', max in na', tol yowalil chin k'an bay eb juẍtak ti', yet watx' a ayex tu' chi babji toj eb. Ok tok eb colwaj e yetok yin chaon e yofrenda tu', axca max e yut e yak'on e ti'. Ta caytu', watx'xaokab yayji e yofrenda tu', cax ok e yak'on yuj e watx'c'ulal, yet watx' mayonnak ok ex tok jak' pural e yak'oni.

A Tx'an Is Carta San Pablo Bay Eb Aj Filipos 1:11

Ok oc Jesucristo e yetok, yet watx' tojolc'al ok e yut e beybal. Ta axca tu', ok txecloj el e yin, tzetbil tol caw xiwil watx'il c'ul Dios, cax ok al-lay watx' k'anej bay Cham.

A Tx'an Is Carta San Pablo Bay Eb Aj Filipos 4:11

Toc'al chi waltok juntzan ti' ayex; man yujok majilal xan chi wala', yujtol mayal in cuy in ba wak'on tzaloj in c'ul yin tzet ayin.

1 Ts 2:5

E yojtak, tol man toc'alok max ex ec' jal watx'il. Man yujok jion tumin, xan max ec' jalcan el ayex. Chi yil Dios, tol caw wal yel chi jala'.

1 Ti 3:3

Manokab uq'uemanok eb. Manokab mak'wajwomok eb. Watx'okab c'ul eb. Manokab ak'om owalok eb. Manokab asannejok yin ak'oj ganar tumin ayoc nabal eb.

1 Ti 6:10

Ta pek' on yin ch'en tumin, chi je' chon toj yin tzanc'al tzet makanil yobtakil yuj ch'en. Ay eb asan tumin chi yochej ocok. Yuj tu' xan max bekcan eb juntzan cuybej bay max tz'ak yalej oc c'ul. Mimek cusc'ulal wal max yitek eb yiban.

Tito 1:7

Yujtol a eb chi oc yilomalok eb jet creyenteal tu', yowalil caw wal watx' chi yut eb is beybal, yujtol yak'omal cuenta mulnajil Dios yayji eb. Maj je' tol asanxanej eb chi yochej chi yal yet. Maj je' tol c'un chichon aj c'ul eb. Manokab uq'uemanok eb. Maj je' tol mak'wajwom c'apax eb. Yetok c'apaxok, maj je' yion tumin yin yobal.

Tito 3:14

Cha cuy eb jet creyenteal bay tu', tol chi yun eb tzet watx', cax chi colwaj eb bay eb ay is majilal, yet watx' ay yopiso eb yul sat Dios.

Hebreos 6:10

Yujtol a Dios bayc'al ijan chi yutej. Man ok tok c'ayc'ulal tzet max el e yunen yuj. Man ok tok e camc'ulal max e tx'ox bay, yin c'ayc'ulal yuj, yet max ex colwaj bay eb yet-xa Dios jetok. Ac'ala'to e colwaj tinani' c'apaxok.

Is Babel Carta San Pedro 5:2

Axca junok ilom calnel, cayokab tu' che yut e yiloni, ma e taynen eb max ak'lay e taynej, yujtol axca tol is calnel Dios yayji eb yul e k'ab. Manokab yujok chex ak'lay pural, ma manokab yujok e yochen oc tumin xan chex mulnaj yin e yopiso tu'. Palta yujokab tol e yochwan chex mulnaji, yujtol axca tu' chi yochej Dios. Mulnajanek yin tzalojc'ulal.

Yet Is Cab Carta San Pedro 2:15

Max bekcan eb watx' beybalej, cax max c'aycantok eb. Yuj tu' xan a is beybal cham Balaam,*fn* cham c'ajol Beor, a' chi beybalnej eb. A cham Balaam tu' max yaloc ba chekbejok Dios, palta asan yion tumin yin tzet man watx'ok max yochej cham.

Yet Is Cab Carta San Pedro 2:3

Yuj pek' tuminal eb, xan watx'xac'al ok yut yalon eb lek'tial k'anej ayex, a ton juntzan k'anej tol yulc'al yet eb max naon aj eb. Palta payxatax beyc'ulnebil eb yuj Dios. Yuj tu', yowalil ok c'aycan el eb yin junelnej. Maj je' colon ba eb bay jun c'aybanilal tu'.

San Judas 1:11

Caw wal ok'bal c'ul eb, yujtol lajan wal tzet chi beybalnej eb, axca tzet max beybalnej nak Caín. Yujc'al tumin xan chi yut ba eb axca yutnak ba Balaam.*fn* Axca yunnak Coré,*fn* tol ak'bil camok yujtol yak'lejnak owal yetok Dios, cac'apax tu' ok yun yak'lay cam eb yuj is tenomtakil.