A Tx'an Is Carta San Pablo Bay Eb Aj Filipos 3:9 - A Txꞌan Biblia Yin Kꞌanjobal 1989

⁹ junxanej chi wuncan el yetok. A tinani', chi yal Dios, tol watx' in yul sat, yujtol chi waoc in c'ul yin Cristo, man yujok tol chi wikej tzet chi yal ley Moisés. Asan yuj chi jaoc co c'ul yin Cristo, xan chon occan watx'il yul sat Dios.

A Tx'an Is Carta San Pablo Bay Eb Aj Filipos 3:9 Iomraidhean Croise

Gn 7:23

Asanxanej Noé yetok eb ayoctok yetok yul arca, c'al no no' ayoctok yetok, max colchaji. Axa pax juntzanxa eb tu xin, max lajwi el eb.

Babel Libroal Yabixal Eb Rey 8:46

Ta chi oc co mul ayon a conob on ti' ayach, wal yel c'am junok tol c'am chi oc is mul, yuj tu' xan a yet ok oc co mul ayon a conob on ti' ayach cax ok tit owal jin, axa on aon oc yul k'ab eb jajc'ul tu', cax ok on ilaytok preso bay junokxa conob cawil ma najat,

2 Cr 32:25

Caxc'al xiwil watx'il tzet max cha' Ezequías, palta maj tx'ox watx'c'ulalil bay Jehová, a ti' yet tol max maynej ba. Yuj wal tu' xan max tit yowal Jehová yin, yetok yin Judá c'al yin Jerusalén.

2 Cr 32:31

Axa eb yajaw bay Babilonia max chektek eb is chekbej, yet max ul k'anlej eb tzet yayji jun milagro c'ayubtakxac'al max uj bay Judá. Max beklay Ezequías yuj Dios yunen bay chi cha c'ul, yuj yak'lay porobal c'al yilon Cham tzetbil yayji is nabal.

Salmos 14:3

A bay jun be yob max on tojcan co masanil. Junlajan max yun jetnentok co ba. Tok ayto wal mactxel chi unen watx' beybalej. Tutun c'am mactxel, tamwal junok.

Salmos 143:2

Man a k'anlej tzet wayji oc ayin a chekbej in ti', yujtol c'am mactxel watx' yayji a satak.

Salmos 19:12

¿Mactxel chi je' yilontek ba yin is paltail? Mamin, colinc'al bay juntzanxa in paltail c'am chi wiltek.

Ec 7:20

Palta xin, c'am wal junok mactxel bay yulyibank'inal ti' tojol, tol c'am bay chi oc is mul.

Is 46:13

A in tojolal cawilxa ayic' wuj, manxa ok mayjok. Ayman ok in colcan el conob Sión, caw wal mimanbil ok wut Israel, ẍi Jehová.

Is 53:11

A yet mayal lajwi ec' xiwil yailal yiban, ok tzalojbok aj c'ul yiloni, tol man nabac'alok max yab yail. Axca ti' yalon Jehová: A in chekbej tojol, xiwil mactxel ok yaoc yin watx'il, chi yal elapnok, a ton eb chi ojtaknen wal elok, yujtol a ok ion el is yobtakil eb.

Is 53:6

Co masanil max on saklemcantok axca no calnel, junjun onxac'al max on tojcan bay chi cha co c'ul; palta a wal caw Jehová max aoncan oc co mul co masanil yiban Cham, ẍi eb Israel.

Is 6:5

Axa walon tu' bian: Ok'bal in c'ul. Ok in camok, yujtol max wil Cham Rey, a ton Jehová Cham Yajaw yin Masanil, ti' pax yobc'al in k'anjabi, cax cajan in ec' nan xol conob yobc'al k'anjabi, quin chi.

Jeremías 23:6

A yul is tiempoal tu', a Judá caw wal ok colchajok, yetok c'apax Israel, c'amxac'al tzet ok na'. A ton wal jun biej ok ak'lay yik ti': A Jehová Cham chi watx'nen el co k'anej yin tojolal, ok ak'lay yika', quin chi.

Jeremías 33:16

A yet tu', a eb aj Judá ok colchajok; axa eb aj Jerusalén, c'amxac'al tzet ok on eb; caytu' ok yun yak'lay yik jun conob ti' axca ti': A Jehová chi watx'nen el co k'anej yin tojolal, ẍi eb.

Dn 9:24

Ok ec' 70 semana*fn* yiban eb et israelal c'al yiban a conob tol yet Dios yayji, masantac'al yet chi lajwican ec'nakilal c'al mulej, cax chi ak'lay tan mulej tu', axa yayjic'al ec' tojolal yin tojbalk'inal. A yet tu' ok yuncan el masanil tzet max tx'oxlay yil eb chekbej Dios, c'al tzet albilcan yuj eb, cax ok alay oc jun sic'bil yuj Dios yin yopiso.

Mt 9:13

Asek xin, ojtaknejek el tzet chi yal elapnok jun k'anej yul tx'an Un Tz'ibbilcanok, bay chi yal axca ti': Chi wochej tol chi ok' e c'ul yin e yet animail, yintak pax e yak'on tz'a xajanbal ayin, ẍi. Man yujok ul wawten eb watx' is beybal naoni, xan max in jayi, palta yuj ul wawten eb chi yojtaknej el ba tol yobtakwom, ẍi bay eb.

Ro 1:17

A jun k'anejal yet colbanilej ti', a' chi ak'on nachaj el juj, tol watx' on yul sat Dios, yujc'al tol chi jaoc co c'ul yin. Yuj tu', chi ja wal oc yin co c'ul sic'libil. Axca tz'ibelaycan yul tx'an Un: A eb watx' yul in sat, ok ayjokc'al ec' eb, yujtol chin yac'al oc eb yin c'ul, ẍi Dios yul tx'an.

Ro 10:10

Watx' on yul sat Dios asan yuj chi jaoc co c'ul yin Jesús. Chon colchaji, yujtol chi jala' tol a Cham Jesucristo Jajawil.

Ro 16:7

Chi watok cawil c'ul eb wet conob Andrónico yetok Junias. Wet presowomal in ba yetok eb junel. Miman yelapnok eb co nan co xol ayon chekbej Cristo on ti'. Babel yanak oc eb c'ul yin Cristo in satak.

Ro 5:21

Ayon oc co masanil yul k'ab yobtakil. Yuj yipalil yobtakil, xan chon cami, palta a is watx'c'ulalil Dios, ay c'apax is yipalil. Yuj xan, watx' on yul sat tinani'. Axca tu' max yut yak'on co k'inal tol ayc'al yin tojbalk'inal yin Cham Jajawil Jesucristo.

Ro 8:1

A tinani', junxanej jayji yetok Cristo Jesús, xan c'amxa yowal c'ul Dios jiban.

Ro 8:3

Yuj co yob ochwanilal ti', xan c'am chi je' jiken tzet chi yal ley Moisés. Yuj tu', c'am yopiso jun ley tu' on is coloni. Palta a Dios chon coloni, yuj yanaktek is C'ajol yuj ul yuten ba yin animail. Lajan is mimanil Cristo axca jet ayon anima on ti', yuj tu' max je' cam yuj co mul. A yet max cami, tz'akan max yi' lowbanilej yailal mulej yin is mimanil, tol lajan axca jet.

1 Co 1:30

Palta a wal caw Cham max on junanencan yetok Cristo Jesús, cax max yak'on jelanil Cristo co jelanilok. Yuj Cristo xan watx' on yul sat Dios. Yuj c'apaxok, xan max on yioc yetok. Yetok c'apaxok, yuj Cristo xan, colchajnak onxa elok.

2 Co 5:17

A junok mactxel ayoc yin Cristo, mayal q'uexchaj is nabal, axca tol max ac'bi. A is beybal yet yalantok max ec'can elok. Pilan max watx'jican oc beybal masanil.

2 Co 5:21

A Cristo c'am jabok yobtakil max el yuneni. Palta ilaynakcan ec'tok masanil co yobtakil yiban Cristo yuj Dios, yet watx' watx' onxa yul sat Cham, yujtol junxanej chi juncan yetok Cristo.

Gl 2:16

Palta jojtak, tol c'am junok mac chi oc watx'il yul sat Dios yujc'al chi yikej ley Moisés. Asan mac chi yaoc c'ul yin Jesucristo, asannej eb watx' satak Dios. Ilab on c'apax ayon ti', chi ja c'apax oc co c'ul yin Jesucristo, yet watx' watx' on yul sat Dios. Asan yuj chi jaoc co c'ul yin Jesucristo, xan watx' on yul sat Cham, man yujok jiken ley Moisés, xan watx' on. Yujtol c'am junok mac watx' yul sat Dios, yujc'al tol chi yikej jun ley tu'.

Dt 27:26

Catabnelayokab mactxel c'am chi tx'oxoni, tol ay yelapnok juntzan chekbanilej ti' yul sat yin yikeni, ẍiokab eb levita. Yunokabi, ẍiokab eb conob.

A Tx'an Is Carta San Pablo Bay Eb Aj Filipos 3:6

A yet tu' caw chi waoc in nabal yin in religión, yuj tu' xan etnebil eb yet-xa Cristo wuj. Maxc'al wikej masanil tzet chi yal ley Moisés, c'am jabok tzet bay moj in tzulayi.

2 Ti 1:9

Colbil on el yuj Dios, cax awtebil on c'apax el yuj, yet watx' watx'c'al chi jut co beybal. Man yujok jabok tzet watx' max el juneni xan max on colchaji, palta yujtol axca ti' max el yin c'ul Dios chi juncan elok, c'al yuj is camc'ulal jin, yujtol junxanej jayji yetok Cristo Jesús. Ayxac'alta' camc'ulal Dios jin yet c'amto chi tz'unchaj yulyibank'inal.

Tito 3:5

Yuj tu', max on colchaj el yuj. Man yujok junok tzet watx' max el juneni, xan max on is colo'; palta asan yuj max ok' c'ul Cham jin. A yet max tx'ajon el co yobtakil jin, axca wal tol max on alji yet cayelal. A Yespíritu max q'uexon co nabal.

Hebreos 6:18

Yak'nak Dios is ti', cax max locban is bi, yuj tu', a tzet yalnakcanok, c'am bak'in tol man ok yunej, yujtol a Dios, c'am chi je' yak'on lek'tial. A tzet yalnakcanok, chi jaoc yipok co c'ul, yujtol janak oc co ba yul k'ab yuj on is coloni. Lanan jechbanen tzet ok yak' ayon, cax ayoc yipok co c'ul.

Santiago 3:2

Yujtol co masanil, caw coc'takc'al chi oc co yobtakil. Tatol c'am bay chon ayc'ay yin tzet chi jala', watx' on ton wal satak Dios chi yal tu', cax chi je' co mitx'on oc wanaj co mimanil masanil.

Yet Is Cab Carta San Pedro 1:1

Ayin ton Simón Pedro in, yak'omal in serbil Jesucristo. Is chekbej in c'apaxok. Ti chin tz'ibejtok jun in carta ti' ayex, ex che yaoc e c'ul yin Dios jetok on, xan lajan wal watx'il e yet axca jet ti'. Tix yuj ti' xan watx' jet, yujtol a co Diosal, a ton Cham co Colomal Jesucristo, caw watx' ton Cham.

1 Jn 3:4

A mac chi beybalnen yobtakil, man lananok yiken chekbanil Dios. Yujtol a mac c'am chi iken juntzan chekbanil tu', a yobtakil chi el yuneni.