A Tx'an Is Carta San Pablo Bay Eb Aj Filipos 3:19 - A Txꞌan Biblia Yin Kꞌanjobal 1989

¹⁹ Palta a eb tu', yowalil ok c'aycan el eb yin junelnej. Asan tzet chi yochej oc mimanil eb, asan yin tu' ayoc nabal eb, axca tol is diosal eb yayji oc juntzan tu'. Ay juntzan tzet chi el yunen eb, caw q'uixwiltak. Asan yin juntzan tu' chi luesnej ba eb. Asan juntzan yet yulyibank'inal ti' chi na eb.

A Tx'an Is Carta San Pablo Bay Eb Aj Filipos 3:19 Iomraidhean Croise

Salmos 17:14

Mamin Jehová, yetok epalil, col in el bay eb anima asan yulyibank'inal ti' chi yochej chi sataknej. Atek yailal eb, jun yailal yetc'alta' eb yayji. Tzakayokab tok yuninal eb, c'al yitxiquin eb yuj.

Salmos 52:1

¿Tzet yuj xan cha maynej a ba yin a yobtakil ach c'asan yin yobal? ¡A camc'ulal Dios ayc'al ec' yin tojbalk'inal!

Jeremías 44:17

Ok co beybalnejc'alta' axca tzet yetal mayal co na' tol ok co beybalnej ti'. Ok jak'c'alta' incienso c'al vino yin xajanbalil bay xal yajawil satcan, axcac'al lanan junen ti', axcac'al max yun eb jichmam c'al eb co reyal yetokc'al eb yajawil conob yayji bay Judá, bay yulak calleal Jerusalén. Yujtol a yet payxa tu', ay co lobej, watx'c'al co beytok, c'amc'al junok yailal max jayoc jiban.

Ez 13:19

Ayex ti', asan yuj junok botzan ixim cebada ma asan yuj junok bijan pan, asan yuj tu' chin e yintaknej el satak in conob. Che yak' cam eb anima tol man is mojok chi cami, axa eb anima tol man mojok chi iquisbican ec'ok, axa eb tu' c'am chi cam eb e yuj. Caywal tu' chi yun e yetnen in conob tol chi cha yab e lek'tial.

Ez 34:3

Ayex ti', lajan ex axca junok ilom calnel asanc'al yuq'uen is lecheal no', c'al watx'nen is pichil yetok xil no', c'al mak'on cam no' caw wal bak'ech yin chioni, palta c'am pax chi taynej no'.

Os 4:7

Atac'ala' max yun yaj can is bisil eb sacerdote, caywal tu' max yun yaj can is mul eb in satak. Yuj wal tu' xan a is mimanbilal eb tu', yinxa q'uixwiltakil ok wutcanok.

Miqueas 3:11

A eb juezal conob, chi watx'nej el eb k'anej eb yet animail yin man tojolalok, yuj chaon eb tumin. Ac'ala' eb sacerdote chi cuywaj eb, asan yuj chaon eb tumin, c'al eb lek'ti' chekbej Dios, asan yuj chaon tumin xan chi yal eb tzet max tx'oxlay yil eb yaloni, cax chi yalon eb tol ayoc Dios yetok eb, xan chi yal eb axca ti': A Jehová ayoc jetok, xan c'am tzet yetal ok ec'tok jiban, ẍi eb.

Miqueas 3:5

Axca ti' yalon Jehová: A in conob ti' caw wal ayc'al oc yul beal man tojolalok, yujc'al eb lek'ti' chekbej, tol chi alon elok tol ayc'al junc'ulal ta chi tojlanelay yin watx' bay eb. Axa pax bay mactxel c'am chi ak'on noj c'ul eb, chi yak'on eb owal yin eb. Xan chi wal yin juntzan chekbej tu':

Malaquías 1:12

Palta ayex ti', c'am welapnok yul e sat, yet che yaloni, tol c'am yelapnok waltar, a ton yet che yak'on juntzan loj yin xajanbalil ayin, tol yobxa yul e sat.

Mt 16:23

Axa yoc wal t'anan Jesús yin tu', max yalon bay: —Ach Satanás, elan in satak, yujtol chochej chi somchaj el in nabal. Manak tzet chi na Dios cha na'. Asan yin yet anima ayoc a nabal, ẍi bay.

Mt 25:41

Ok lajwok tu xin, cax ok walon bay eb ayic' bay in q'uexan: Elanek ayex ti' in c'atan, tol catabnebil ex. Asek can xol jun k'ak' c'am bak'in chi tani, bay jun lugar watx'nebilcan yuj Dios, bay ok tokcan nak diablo yetok eb yángel.

Lc 12:19

Ok lajwok tu', cax ok in naon axca ti': A tinani', xiwil tzet max in wajbaj, caw miman tiempo ok in k'anbalnej. Yuj tu', chi je' chin xew tinani'; chi je' chin lowi, c'al wuq'uena', jantakc'al chi wochej. Chi je' wak'on tzalojbok in c'ul, quin chi ok waloni, ẍi nak.

Lc 16:19

A yet junel, ay jun winak caw wal beyom. A pichilej caw wal can tojol chi yaocok. Watx'c'al tzet chi lo' junjun c'u.

Lc 18:4

Palta c'amc'al chi yal c'ul cham chi watx'nej el jun owal tu'. Yuj tu' xan cac'al ti' waxi ec' xal. Palta c'ojanc'ulal max na cham axca ti': Ayin ti' c'am yelapnok Dios yul in sat. C'am c'apax yelapnok junok anima ayin.

Ro 16:18

Yujtol a eb tu', manak Cham Jajawil Jesucristo chi yak' serbil eb; asan tzet chi yochej oc mimanil eb chi yak' serbil. Chi ilay aytek sat eb c'am chi nachaj el yuj, yuj eb. C'ununixac'al chi yut tz'ak yalon eb. Axca tol watx' tzet chi tz'ak yal eb tu', palta titol man pax watx'ok.

Ro 6:21

Palta, ¿ay mi jabok tzet max ji' yin juntzan max jun tu'? Caw chon q'uixwi yuj juntzan tu' tinani'. Yujc'al juntzan tu', xan chi tojcan eb anima bay camich yin junelnej.

1 Co 3:3

Yujtol atoc'al e nabal chex ikbani. Ilab tol ay chichonc'ulal e xol. Ac'ala'c'al e yochen chex pojchaji. Chi yal elapnok tol ac'ala' e nabal chex ikbani. Lajan wal che yut e ba axca eb man creyenteok.

1 Co 5:2

E yojtak tol caytu' chi yut ba nak, palta ac'ala' e yion paxcan e ba. Moj wal tol chi tac e c'ul yuj sic'libil. A nak chi unen jun yobtakil tu', yowalil che yiel nak e xol.

1 Co 5:6

Yuj jun yobtakil max uj e xol tu', xan man mojok che yi' can e ba. ¿Tom man e yojtakok, tol jabnej yich pan chi ak'on pajboktok junok miman xilan harina?

2 Co 11:12

Palta ac'ala' ok wut in ba, axcac'alta' wutnak in ba e xol. Ok wut in ba axca tu', yet watx' a eb chi say tzetbil chi yun yion can ba, ok can eb yalan yuj. Yujtol chi tz'ak yal eb, tol lajan yopiso eb wetok.

2 Co 11:15

Yuj tu', c'am chi c'ayaj co c'ul, ta chi yal eb chi ak'on serbil nak tu' tol caw wal tojol beybal eb. A eb tu', ok cha eb paktzil, atac'ala' tzet max el yunen junjun eb.

Gl 6:13

Caxc'al chi ak'lay circuncidar eb, palta c'am chi ikchaj masanil tzet chi yal ley Moisés yuj eb, palta chi yochej eb che yak' circuncidar e ba, yet watx' chi maynej ba eb e yin, yujtol max pol-lay oc jun yechelej tu' yin e mimanil.

A Tx'an Is Carta San Pablo Bay Eb Aj Filipos 2:21

Yujtol junjunc'al mactxel, asan yet eb chi na'. C'am jabok chi na' eb is mulnajil Cristo Jesús.

A Tx'an Is Carta San Pablo Bay Eb Aj Colosas 3:2

A tinani' jaokabtok co nabal yin tzet yetal ay bay satcan, manokab yin oc tzet ay bay sat tx'otx' ti',

2 Ts 1:9

Ok tokcan eb bay c'aybanilal yin tojbalk'inal. Ok ilay el eb c'atan Cham Jajawil tu', yet watx' c'amxa oxlajon bak'in ok yil eb is watx'ilal Cham, c'al is yipalil.

2 Ts 2:12

Yuj tu', masanil eb mac maj yal c'ul max yaoc c'ul yin jun cuybanilej caw wal yel, ok alaycantok eb bay yailal, yujtol max yak' tzalojbok eb c'ul yin yobtakil.

2 Ts 2:8

Catatu bian, ok tx'oxk'abnen aj ba nak yajaw yob tu'. Palta toc'al ok xulay cam yuj Cham Jajawil Jesús. A tzekekial yili Cham Jajawil yet ok jay tu', a' ok ak'on c'ayil jun nak tu'.

1 Ti 6:5

Axca ton ti' chi yut ba eb etaxnak el is nabal, eb c'amxa chi yaoc nabal yin cuybej acaw yel. Chi yochej eb chi yi' eb tumin yin co cuybanil.*fn*

2 Ti 3:4

A yet ok jay jun tiempoal tu', ok naaj eb k'anej yin yamigo. Maj xiw eb yunen tzet man watx'ok. Ok tz'ak yaloc ba eb jelanil. Asan yin tzet ok yochej oc eb yetok is mimanil bay ok yaoc eb is nabal. Axa yin Dios xin, c'am jabok is camc'ulal eb.

Santiago 4:16

Akxa tinani', ay ex maynejbail che yunej yet caytu' che yut k'anjab e ba axca tu'. Masanilc'al mactxel chi k'anjab yin maynejbail axca tu xin, man watx'ok chi yut ba eb satak Dios.

Yet Is Cab Carta San Pedro 2:1

A eb wet israelal yet payxa, ay eb max tz'ak yaloc ba chekbejok Dios. Ac'ala' c'apax co xol, ay eb ok yaloc ba meẍtolal, cax yin ewantakil ok yak'on eb cuylay lek'ti cuybanilej co xol, yet watx' ayon ok on etax el yuj eb. Caw wal c'am yelapnok Cham Jajawil yul sat eb tu', palta ti pax wal a Cham max cam yuj tojolok is yobtakil eb. Yuj tu xin, munilc'al chi yitek eb yiban. Ayman ok c'aycan el eb yin junelnej.

Yet Is Cab Carta San Pedro 2:13

Axca chi yut yaon oc eb yailal yiban juntzanokxa, caytu' ok yun yalay c'apax oc yailal eb. Caxc'al c'ualil, chi yaoc eb nabal yunen tzet chi yochej ocok, yuj yak'on eb tzalojbok c'ul yin. Caw wal q'uixwiltak yayji eb e xol, yob e yili yul sat Dios yujc'al eb. Yujtol comonc'al chi low eb e yetok yet che yak'on waj loj. A yet chi oc eb e yetok, toc'al chi yak' eb tzalojbok c'ul yin tzet chi yochej oc eb tu'.

Yet Is Cab Carta San Pedro 2:3

Yuj pek' tuminal eb, xan watx'xac'al ok yut yalon eb lek'tial k'anej ayex, a ton juntzan k'anej tol yulc'al yet eb max naon aj eb. Palta payxatax beyc'ulnebil eb yuj Dios. Yuj tu', yowalil ok c'aycan el eb yin junelnej. Maj je' colon ba eb bay jun c'aybanilal tu'.

San Judas 1:10

Palta eb ti', comonc'al chi buchwaj eb yin junok tzet man yojtakok. A tzet yojtak eb, asanc'al axca tzet yojtakc'alta' no no' c'am is nabal; a yin juntzan tu' chi texac'al yak' etax el ba eb.

San Judas 1:16

A eb ayic' co xol ti', owalc'al ay eb. Comonc'al chi yal eb yobtakil yin junokxa mactxel. Asan yin juntzan tzet chi yochej oc eb yetok is mimanil, asan yin tu' chi yaoc eb is nabal. Jelan ton chi yut ba eb k'anjabi. Tzanc'al mac chi yal eb watx'il, yujtol chi yochej eb chi yi' jabok tzet yin eb.

San Judas 1:4

Chi waltok juntzan ti' ayex, yujtol ayxa mactxel mayal oc co xol yin ewantakil. A eb tu', caw wal yob eb. Ilab tol chi yal eb axca ti': Colbil onxa yuj is watx'c'ulalil Dios. Yuj tu', chic'al je' junen tzanc'al tzet yobtakilal chi yochej co c'ul, ẍi eb. Asan Jesucristo chon ikbani, cax asannej Cham Jajawil, palta caw wal chi yintaknej el eb. A ton eb tu' tz'ibbilcan yabixal yul tx'an Un Tz'ibbilcan yet payxa, tol yowalil ok tokcan eb bay yailal.

Ap 18:7

Yuj max yiaj can ba sic'libil, cax asan yin beyomal max yaoc is nabal, xan caytu' che yut e yaon oc yailal c'al cusc'ulal yin. Ilab tol max na' axca ti': Ayin ti', reina in. Chotan in ay bay in despacho. Mayin lajanok axca junok ix ix camnakxa yichamil. C'am bak'in ok wil yailal jabok, ẍi.

Ap 19:20

A jun chi yik No' tu', a' max babji michchaji, cax max michchaj c'apax jun chi tz'ak yaloc ba chekbejok Dios, jun tx'oxnak juntzan milagro satak jun chi yik No' tu'. A juntzan milagro tu' max yak'balnej, yuj yetnen eb max chaoc bi jun chi yik No' tu' yin, eb max yiay ba bay yechel. A jun chi yik No' tu', c'al jun max tz'ak yaloc ba chekbejok Dios tu', yin wal yiquisal eb, max k'oklaytok eb xol jun miman k'ak' chi nilxi yetok azufre, axcaxac'al yili junok najab.

Ap 21:8

Palta eb comonc'al chi xiwi, eb c'am chi yaoc c'ul win, eb yajbejtak, eb mak'om cam anima, eb ajmul, eb ajtxum, eb chi yal ba bay tzet chi al-lay oc diosal, c'al eb lek'ti', a bay nan xol k'ak' k'ak' chi culxi chaw yetok azufre, k'ak' k'ak'ej axca yili najab, a tu' ok cha eb paktzil. A ton jun tu' yet is cab camich, ẍi Dios.

Ap 22:15

Ay juntzan eb man ok je' yoqui, a ton eb yob is nabal, axca junok tx'i', yetok eb ajtxum, eb ajmul, eb mak'om cam anima, eb chi yiay ba bay tzet chi al-lay oc diosal, yetok eb chi ochen lek'tial cax chi yak'on c'apax lek'tial tu'. A jantak eb ti', maj je' yoc eb.

Babel Libroal Cham Samuel 2:29

¿Tzet yuj xan tol c'am yelapnok yul a sat juntzan xajanbal c'al ofrenda chin chek yak' eb e yet conob bay in cajlobal? ¿Tzet yuj xan xajanxac'al chel eb nak a c'ajol tu' in satak, cax bekanxac'al a c'ul ak'on bak'echbok eb nak yuj is watx'ilal xajanbal chi yak' in conob ayin?